KASA 16:5 - Jinghpaw Common Language Bible 2009

⁵ Shing rai hpung ni mung makam masham lam hta grau ngang kang wa ai hte hpung shang ai masha lani hte lani law htam wa ma ai.

Jinghpaw Hanson Version Bible

⁵ Hpung masha ni mung dai makam masham lam hta ngang wa nna, lani hte lani law htam wa ma ai.

KASA 16:5 ပူးပေါင်းရင်းမြစ်များ

2 HKAWHKAM LABAU 20:20

Hpang jahpawt manap jau jau aten e, amyu masha ni dai Tekoa mare makau na nam mali de pru sa mat wa ma ai. Shanhte shamu hpang wa ma yang Yehoshahpat gaw ning ngu nna shanhte hpe tsun matsun wu ai: “Yuda mung hte Yerusalem mare na amyu masha ni e, dai Madu nanhte a Karai Kasang hpe kam hpa nga mu; shaloi nanhte ngang grin wa lu na marin dai. Nanhte hpe tsun ai myihtoi ni a ga hpe kam mu, shaloi nanhte awng dang na marin dai.”

ESAIA 7:9

Israela gaw Samari mung hte de a mare daju hta grau nna n-gun n rawng nga ai, Samari mung gaw Hkawhkam Peka hta grau nna n-gun n rawng nga ai. “Na a kam sham myit n ngang ai rai yang, nang grin nga lu na n rai.”

KASA 11:21

Madu a n-gun atsam mung shanhte hta nga nga ai rai nna, masha dawwa kaba kam sham ai hte Madu hpang de kayin wa ma ai.

KASA 12:24

Dai laman hte yang, Karai Kasang a mungga matut nna chyam bra galu kaba maden jat wa sai.

KASA 15:41

Shing rai Pawlu gaw, Suri mung Kiliki mung hku ga sa wa nna hpung ni hpe shadaw shangang wu ai.

KASA 2:47

Shanhte gaw Karai Kasang hpe shakawn kungdawn let kabu gara ai hte masha yawng a man e myi man pa nna sharawng awng ai lam hkam la nga ma ai. Karai Kasang mung shani shagu hkye hkrang la hkrum ai ni hpe jat wa shangun ya mu ai.

KASA 4:4

Rai ti mung, mungga na la ai ni law law wa kam sham ma ai rai nna, kam sham ai la sha yawng hkying manga daram jat wa ai.

KASA 5:14

Rai ti mung, Karai Kasang hpe hkap la kam sham ai numsha, lasha hpung kaba grau grau nna dai hpung hta jat bang wa ma ai.

KASA 6:7

Shing rai Karai Kasang a mungga matut manoi chyam bra wa nna kam sham ai hpung masha ni Yerusalem mare hta grau grau law htam wa ma ai. Hkinjawng ni law law pyi gaw dai Kabu Gara Shiga hpe hkap la kam sham wa ma ai.

KASA 9:31

Dai majaw dai aten hte yang Yuda mung Galile mung hte Samari mung shara magup hkan e nga ai hpung gaw zingri zingrat n hkrum ai angwi apyaw sha nga lu nga ma ai. Dai hpung gaw Karai Kasang hpe hkrit hkungga ai myit hte asak hkrung shamu shamawt nna Chyoi pra ai Wenyi a karum madi shadaw ai hte ngang kang grin nga ai rai nna hpung masha ni law htam wa ma ai.

ROMA 16:25

Karai Kasang hpe anhte shakawn shagrau nga ga! Ngai nanhte hpe hkaw tsun dan sai Yesu Hkristu a lam Kabu gara shiga hte moi chyaloi nhkoi prat kaw nna makoi magap da ai dai teng man ai lam e shadan shadawng dat ai hte maren shi gaw nanhte hpe nanhte a makam masham hta ngang ngang kang kang tsap shangun lu nga ai.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

GALATI 5:1

Hkristu gaw anhte hpe mayam kaw nna shalawt dat mi ai rai nna, anhte mayam n rai saga ai. Dai re majaw shanglawt masha ni re ai hku nna tsap nga ga ai. Mayam a kandang npu e bai hkum ahkang nga masa.

KOLOSE 2:6

Nanhte gaw Hkristu Yesu hpe Madu ngu nna hkap la manit dai hte maren, shi hta e asak hkrung hkawm sa nga mu.

1 HTESALONI 3:13

Ndai lam hku nna shi nanhte hpe shadaw shangang na ra ai. Anhte a Madu Yesu gaw shi a chyoi pra ai ni yawng hte rau bai du sa ai shaloi e, nanhte gaw anhte a Kawa Karai Kasang a man e hkum tsup nna chyoi pra san seng ai ni tai wa na marin dai.

1 HTESALONI 3:2

Hkristu a Kabu Gara Shiga hkaw tsun ai hta anhte rau magam bungli galaw nga ai anhte a hpu nau wa Timohti hpe shangun dat ga ai.

2 HTESALONI 2:16

Anhte a Madu Yesu Hkristu shi nan hte anhte hpe tsaw ra nna shi a chyeju hte anhte hpe htani htana grin ai nden marai hte ngang kang ai myit mada shara jaw ai Wa Karai Kasang gaw,

HEBRE 13:9

Shawoi n mu n na yu ai sharin shaga ai lam tsasam amyu myu gaw nanhte hpe dai teng man ai lam kaw na lam hkum woi shadam shangun myit. Lusha hte seng ai hkan sa tara ni hpe madat mara hkan shadik ai hku n re ai sha Karai Kasang a chyeju kaw na wenyi n-gun atsam hpe hkam la ai mahtang grau mai kaja nga ai; dai lusha hte seng ai tara ni gaw hkan sa shadik ai ni hpe hpa n karum lu nga ai.

1 PETRU 5:10

Rai ti mung nanhte jahkring sha mi nni nkri hkam ngut ai hpang, chyeju yawng mayawng a Madu rai nga ai Karai Kasang gaw nanhte hpe Hkristu hta langai sha tai shangun nna htani htana hpung shingkang hta shang sha lu mu ga, nanhte hpe shaga la ai Madu shi nan nanhte hpe ra n rawng hkra jahkum shatsup ai lam shangang shakang ai lam, n-gun lagaw sharawng ai lam ni jaw nna ngang kang ai npawt hkridun hta tsap nga lu ai ahkang jaw na marin dai.