KASA 16:4 - Jinghpaw Common Language Bible 2009

⁴ Shanhte gaw dai mare ni hpe ga sa wa let, Yerusalem na kasa ni hte salang ni daw dan da ai tara ni hpe tsun sanglang dan ai hte kam sham ai ni madat mara hkan sa na matu matsun da ma ai.

Jinghpaw Hanson Version Bible

⁴ Shing rai, dai mare ni ga sa wa let, Yerusalem na kasa ni hte salang ni hkang dat ai ga matsun hpe, hkan nang mu ga nga, shanhte hpe ap jaw ma ai.

KASA 16:4 ပူးပေါင်းရင်းမြစ်များ

KASA 11:30

Dai hte maren shanhte galaw nna Dai gumhpraw hpe Barnaba yan Shawlu a lata hte hpung salang ni hpang de shagun dat ma ai.

KASA 15:2

De a majaw bra na lam pru nna Pawlu yan Barnaba gaw dai masha ni hte dai lam hte seng nna aja awa ndang kalang hkat ma ai. Dai majaw hpung gaw ndai ndang kalang hkat ai lam hte seng nna bawng ban jahkrup na matu Pawlu yan Barnaba hte Antioki hpung na myit su nkau mi hpe Yerusalem de nga ai kasa ni hte salang ni hpang de shangun dat na myit hkrum daw dan ma ai.

KASA 15:4

Yerusalem mare de du ai shaloi hpung masha ni kasa ni hte salang ni, shanhte hpe hkap hkalum la ma ai rai nna, Pawlu hte manang ni mung Karai Kasang shanhte hta galaw dan ai lam magup hpe hkai dan ma ai.

KASA 15:6

Dai rai nna kasa ni hte salang ni, ndai lam bawng yu na matu zuphpawng nga ma ai.