KASA 16:23 - Jinghpaw Common Language Bible 2009

²³ Shing rai shan hpe grai sawng hkra kayat nhtawm, htawng hta bang da mu ai rai nna htawng agyi wa hpe mung shan hpe ashim sha la sharawng da na hkang dat mu ai.

Jinghpaw Hanson Version Bible

²³ Shing rai, shan hpe law law lang kayat nhtawm, htawng hta rawng da mu ai rai nna, shan hpe ashim sha sin da na lam, htawng agyi wa hpe hkang dat mu ai;

KASA 16:23 ပူးပေါင်းရင်းမြစ်များ

MAHTE 26:48

Yesu hpe, hpyen ni a lata de ap kau na wa chyawm gaw, “Ngai pup ai wa gaw nanhte ra ai wa rai nga ai. Shi hpe rim la mu!,” ngu nna shanhte hpe kumla jaw da manu ai.

LUKA 21:12

Dai lam ni yawng garai n byin yang, masha ni gaw nanhte hpe rim la nna zingri zingrat di nhtawm, tara jawng ni hta jeyang nna htawng bang kau na matu ap kau ai hkrum na myit dai hte nye a mying a majaw hkawhkam ni hte du ni a man de du na marin dai.

KASA 12:18

Ya jahpawt nhtoi htoi yang, sin ai hpyen la ni gaw Petru hta hpa byin ai n chye ma ai majaw, grai ruk rak shuk shak bu nga ma ai.

KASA 12:4

Herod gaw Petru hpe rim la nhtawm hpyen la mali mali lawm ai hpyen dap lakying mali a lata de ap ya nna htawng hta bang da mu ai. Herod gaw Shalai wa ai poi ngut ai hpang Yuda shawa ni a man e jeyang ari jaw na myit da wu ai, dai rai nna Petru hpe htawng hta sharen da mu ai.

KASA 16:27

Htawng agyi wa mung yup hprang nna htawng chyinghka ni hpaw malang taw nga ai hpe mu jang bawng masha ni hprawng pru mat ma sai zawn nawn nna nhtu hpe garawt shaw nhtawm, shi dai galun si na hkyen nga ai.

KASA 16:36

Shaloi htawng agyi wa, dai ga Pawlu hpe tsun dan wu ai gaw, “Nan hpe dat dat na, mare tara agyi ni hkang dat ma ai majaw, ya angwi apyaw sha pru wa manu!” ngu mu ai.

KASA 5:18

Shing rai shanhte gaw kasa ni hpe rim la nhtawm mare na htawng hta bang da mu ai.

KASA 5:23

“Anhte du yang htawng chyinghka mung chyip chyip la nga ai, sin ai ni mung chyinghka shinggan e sin nga ma la ai, dai wa mi hpaw yu yang me, kata e kadai mung n nga nga la ai,” ngu nna tsun dan mu ai.

KASA 8:3

Rai ti mung Shawlu gaw hpung hpe hpya jahtum kau na matu shakut nga ai. Shi gaw nta langai hte langai shang nna kam sham ai numsha lasha ni hpe garawt ahkyik la nhtawm htawng hta sharen da mu ai.

KASA 9:2

Yesu a lam hkan ai numsha lasha ni hpe rim la nna Yerusalem de dun wa lu hkra shi hpe ahkaw ahkang jaw sai lam Damasku mare na tara jawng ni hpe htet dat ai laika hpyi gun wu ai.

2 KORINHTU 11:23

Shanhte Hkristu a shangun ma ni rai ma ni? Mana ai wa a ga zawn gaw nga ai, rai ti mung ngai gaw shanhte hta grau kaja ai shangun ma rai nngai. Ngai gaw shanhte hta grau nna amu bungli galaw shaja nngai, shanhte hta grau nna law law lang htawng hkrat nngai, shanhte hta grau nna shingna hkam sha ni ai, si hkrung si htan law law lang ngai grau hkrum nngai.

2 KORINHTU 6:5

Anhte gaw anu kayat ai, htawng bang ai, shawa masha ni kabring kabrawng re ai hkrum ai, bungli galaw ai hta hkring sa ten n lu nna yup n lu sha ai, lusha n lu sha ai lam ni hkrum ga ai.

EHPESU 3:1

Ndai lam a majaw, Hkristu a bawng dung ai wa ngai Pawlu gaw, nanhte maigan masha ni a matu Karai Kasang kaw akyu hpyi ya nngai.

EHPESU 4:1

Dai re ai majaw dai Madu hpe daw jau ai a majaw bawng dung ai wa ngai Pawlu gaw nanhte hpe shi shaga la ai kaw nna Karai Kasang e madat da ya sai sak hkrung lam madung hte maren, sak hkrung hkawm sa na matu ngai nanhte hpe shadut jahkat dat made ai.

2 TIMOHTI 2:9

Hpa majaw nga yang ngai gaw Kabu Gara Shiga hkaw tsun ai majaw ru tsang hkrum nngai; ru hka hkrum ai bawng langai mi zawn gyit hkang sharen da ai pyi gaw hkrum ni ai. Rai ti mung dai Karai Kasang a mungga chyawm gaw sharen da hkrum ai n rai.

HPILEMON 1:9

Rai ti mung, Hkristu a kasa, dingla wa ngai Pawlu rai nga nngai hte ya e Hkristu a bawng dung ai wa mung rai nga nngai majaw, tsaw ra ai hku she nang hpe hpyi nem dat na ngai grau ra nngai.

YAWSHU 4:17

Yawshu mung dai Madu hkang da ai hte maren galaw wu ai;

SHINGRAN 1:9

Ngai gaw nanhte a hpu nau wa Yawhan rai nga nngai. Yesu a hpang hkan nang ai wa langai mi hku nna, shi a Mungdan hte seng ai masha ni hkrum sha nga ai nni nkri hpe myit galu let nanhte hte rau hkam sharang nga ai wa rai nga nngai. Ngai gaw Karai Kasang a mungga hte Yesu Hkristu sakse hkam shadan dan ai dai teng man ai lam hpe hkaw tsun shana dan ai majaw Patmu ngu ai zunlawng de sa kau ai hkrum nngai.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.