KASA 16:22 - Jinghpaw Common Language Bible 2009

²² Shawa masha ni mung Pawlu yan Sila hte nhtan shai ai maga de rawt nna jawm kayat ma ai. Mare up ai du ni mung Pawlu yan Sila a hpun palawng hpe gang je kau ya nna ri tawng hte kayat na lam daw dan mu ai.

Jinghpaw Hanson Version Bible

²² Dai rai nna shawa masha ni shan a maga mi de lang lata rawt ma ai; mare up ai ni mung, shan a hpun palawng hpe gang je kau ya nna, ri tawng hte kayat na lam, dawdan mu ai.

KASA 16:22 ပူးပေါင်းရင်းမြစ်များ

MAHTE 10:17

Masha ni hpe sadi nga mu, hpa majaw nga yang, shanhte gaw nanhte hpe rim la nna tara rung de ap kau na mara ai rai nna, tara jawng ni hta e nanhte hpe anu kayat na marin dai.

MAHTE 27:26

Dai shaloi, Pilat gaw Baraba hpe shanhte a matu dat ya mu ai. Yesu hpe mahtang shi kayat nna, wudang hta jen sat kau na matu ap kau dat wu ai.

LUKA 12:11

“Nanhte hpe jeyang na matu tara jawng ni de, shing n rai munggyi ni, ahkang aya lu ai du salang ni hpang de dun wa ai hkrum myit yang, tinang a hkum hpe gara hku makawp maga la na shing n rai nanhte hpa baw tsun na hkum tsang myit.

KASA 16:37

Rai ti mung Pawlu gaw, “An Roma mungchying sha she rai nga ga ai hpe hpa mara hte mung garai n san daw dan yang, masha a man e an hpe kayat nna htawng hta jahkrat da myit htawm me, ya atsin sha lagyim dat dat na maw ma hka i? Dai hku an pru mat wa na n rai law! Shanhte hkum lala she sa shapraw la mi ga,” ngu nna shanhte hpe htan dat mu ai.

KASA 17:5

Rai ti mung Yuda masha ni myit manawn ai majaw, mare lam hkan na akyu n rawng pagawn para re ai n hkru n kaja ai masha ni hpe saw la nhtawm shawa hpawng langai mi byin hkra shinggyin la nna mare ting hpe woi kabrawng shangun mu ai. Shanhte gaw Yasun a nta de shang nna Pawlu yan Sila hpe shawa hpawng a man de shapraw na hku tam ma ai.

KASA 18:12

Galio gaw Ahkaia mung e munggyi rai nga yang Yuda masha ni masha jahpawng la nhtawm Pawlu hpe rim la nna tara tingnyang a man de woi wa mu ai.

KASA 5:40

Shanhte gaw kasa ni hpe shaga jashawn la nna kayat nhtawm, Yesu a mying hte n sharin n shaga lu na lam hkang da ngut jang, dat dat mu ai.

2 KORINHTU 6:5

Anhte gaw anu kayat ai, htawng bang ai, shawa masha ni kabring kabrawng re ai hkrum ai, bungli galaw ai hta hkring sa ten n lu nna yup n lu sha ai, lusha n lu sha ai lam ni hkrum ga ai.

1 HTESALONI 2:2

Anhte gaw nanhte nga ai Htesaloni mare de garai n sa yang, Hpilipi mare e anhte hpe gara hku zingri zingrat ai hte asawng asang di ai hkrum sha saga ai hpe nanhte chye nga myit dai. Shing rai nhtan shai ninghkap ai lam law law nga ti mung, nanhte hpe Karai Kasang kaw na Kabu Gara Shiga tsun dan lu na matu anhte a Karai Kasang gaw anhte hpe nden marai jaw da mani ai.

HEBRE 11:36

Nkau mi gaw asawng asang anu kayat di nna gyit hkang sharen ai hte htawng hta bang da ai hkrum ma ai.

1 PETRU 2:24

Anhte gaw yubak mara hpe kau da nna ding hpring ai hta e hkrung nga lu u ga, shi gaw shi hkum hta nanhte dai hpun ntsa e anhte a yubak mara ni hpe gun la kau nu ai. Shi a nma ni a gawp e nanhte shamai shatsai ai hkrum manit dai.