KASA 16:20 - Jinghpaw Common Language Bible 2009

²⁰ Shing rai shan hpe du ni a man de woi jashawn nhtawm, “Ndai yan gaw Yuda masha rai ma ai; shan gaw anhte a mare hta kasu kabrawng ai lam byin hkra woi galaw nga ma ai.

Jinghpaw Hanson Version Bible

²⁰ shing rai, mare up ai ni a man de shan hpe woi jashawn n htawm, “Ndai Yuda masha yan, anhte a mare hpe nachying sharu shatsang ai hte,

KASA 16:20 ပူးပေါင်းရင်းမြစ်များ

YEREMIA 38:4

Dai hpang, du salang ni gaw hkawhkam wa hpang de sa nna, “Ndai masha wa gaw si ging nga ai. Shi gaw dai zawn nga ai ga tsun shaga ai majaw mare kata na hpyenla ni hpe shanhte a n-gun marai shadaw kau ya nu ai; shi gaw ndai mare hta naw ngam nga ai masha shagu hte hpe karum na matu, shakut ai wa n rai, shanhte hpe nchyi nmu machyi shangun na ra sharawng ai wa sha rai nga ai,” ngu nna tsun dan ma ai.

MAHTE 2:3

Herod Hkawhkam dai lam hpe na jang, shi hte Yerusalem mare masha ni yawng myit kahpra nga ma ai.

KASA 16:19

Ya shi a madu ni gaw shanhte a gumhpraw shang lam pat mat wa ai hpe chye jang, shanhte gaw Pawlu yan Sila hpe rim la nna gat de nga ai agyi salang ni hpang de dun garawt wa mu ai.

KASA 16:21

Shan gaw anhte a tara hte nhtan shai ai htung hking ni hpe sharin ya nga ma ai. Anhte gaw Roma mungchying sha ni rai nga ai majaw dai htung hking ni hpe n hkap la n hkan sa lu ga ai,” ngu nna tsun mu ai.

KASA 18:2

Dai mare hta Pontu mung e shangai ai Akula mying ai Yuda la langai mi hte hkrum wu ai; Dai wa gaw, Yuda masha nlang Roma mare na pru wa lu na nga nna Hkawseng Klawdi mungga shapraw dat ai majaw, madu jan Priskila hte rau Itali mung na htawt wa ai gade garai n na yang,

KASA 19:34

Rai ti mung shi Yuda masha langai mi rai nga ai hpe shanhte chye jang, yawng hte ting, “Ehpesu masha ni a Artemi she galu kaba ai law,” nga nna lang lata hkying hkum lahkawng daram na hkra marawn bu ma ai.

KASA 28:22

Rai ti mung, ndai nang lawm ai hka bra hpung hpe shara shagu hta masha ni n ra sharawng nna tsun ninghkap nga ma ai hpe anhte chye ga ai majaw, nang myit ai hku mung anhte na mayu ga ai,” ngu nna htan mu ai.

ROMA 12:2

Nanhte gaw ndai dinghta mungkan a lai madang ni hpe n hkan dagraw ai sha, nanhte gaw Karai Kasang hku nna nanhte a kata lam myit masin hpe tsep kawp galai shai kau shangun mu. Dai shaloi nanhte gaw Karai Kasang a myit ra ai lam, mai kaja ai lam, shi hpe sharawng awng shangun ai lam, hkum tsup re ai lam gaw, hpa rai nga ai ngu ai hpe chye ginhka lu na marin dai.

YAKU 4:4

Nanhte gaw sadi n dung ai masha ni rai nga myit hka! Mungkan ga hte jinghku hku ai ngu ai gaw Karai Kasang a hpyen tai nga ai ngu ai hpe nanhte n chye nga myit ni? Mungkan ga a jinghku tai mayu ai wa kadai mung tinang a hkum hpe Karai Kasang a hpyen shatai nga ai.