KASA 16:2 - Jinghpaw Common Language Bible 2009

² Shi gaw Lustra mare hte Ikoni mare na hpu nau ni a man e sari sadang lu nna shakawn hkrum ai wa rai nga ai.

Jinghpaw Hanson Version Bible

² Dai sape gaw, Lustra hte Ikoni mare nga ai kahpu kanau ni hta, sari sadang lu ai wa rai nga ai.

KASA 16:2 ပူးပေါင်းရင်းမြစ်များ

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

KASA 13:51

Kasa yan gaw, shanhte galaw ai lam hpe n ra ai kumla hku nna tinang a lagaw kaw na ga nhpu hpe ahpu jahkrat kau da nna Ikoni mare de pru mat wa ma ai.

KASA 14:1

Dai hte maren Ikoni mare kaw mung Pawlu yan Barnaba gaw tara jawng hta shang nna, Yuda masha ni hte maigan masha ni wunawng kaba kam sham mat hkra hkaw tsun dan ma ai.

KASA 14:21

Pawlu hte Barnaba yan gaw Derbe mare hta e Kabu Gara Shiga hkaw dan nna sape law law shatai la lu ma ai. Dai hpang shan gaw Lustra Ikoni mare lam hku Pesidi mung na Antioki mare de bai wa ma ai.

KASA 14:6

Kasa ni dai hpe chye jang Lukaoni mung na Lustra, Derbe mare ni hte dai yan a grup yin ginwang de hprawng mat wa ma ai.

KASA 16:40

Shaloi Pawlu yan Sila gaw dai htawng na pru wa nna, Ludi a nta de shang wa ma ai. Dai kaw kam sham ai hpu nau ni hte hkrum nna shanhte hpe shalan shabran n-gun jaw ai ga ni tsun da nhtawm pru mat wa ma ai.

KASA 6:3

Dai majaw hpu nau ni e, nanhte hta na Chyoi Pra ai Wenyi hte hpaji machye machyang hpring ai marai sanit lata tawn mu. Anhte dai ni hpe dai amu galaw hpajang na matu san da na ga ai.

HPILIPI 2:22

Shi gaw kasha gaw kawa hpe shadaw ai zawn, dai kabu gara shiga shachyam shabra ai lam hta ngai hte rau magam gun shakut sharang nga ai majaw, shi gade daram manu dan ai wa re ai hpe nanhte nan chye nga myit dai.

1 TIMOHTI 3:7

Shi gaw sari jahpoi ya ai n hkrum u ga hte Nat a mahkam hta n hkrat bang wa u ga, garai n kam n sham ai masha ni a hkungga lara ai hpe hkam la lu ai masha langai mi rai ang nga ai.

1 TIMOHTI 5:10

Dai hta n ga, shi gaw arawn alai kaja ai lam hta mung gumhkawng ai jan, kashu kasha ni hpe atsawm sha woi lanu lahku shakung jahpan ai jan, tsasam manam ni hpe shi a nta kaw hkap la nna galaw daw ai jan, Hkristan hpu nau ni hte seng nna galaw ra ai lit ni hpe myit nem ai hte galaw gun hpai ai jan, ru yak jam jau hkrum nga ai ni hpe karum ai jan, mai kaja ai magam bungli hpe ap nawng gun hpai ai jan rai ra ai.

1 TIMOHTI 5:25

Dai hte maren mai kaja ai amu bungli ni hpe asan sha mu lu nga ai; n dan n leng ai ni hpe pyi gaw makoi magap da lu ai n rai.

2 TIMOHTI 3:11

nye a zingri zingrat hkrum sha ai lam, nye a nni nkri hkam ai lam, re ai ni hpe maram masam mu chye nit dai. Antioki mare, Ikoni mare, Lustra mare hkan e ngai hta byin hkrum hkra ai hkrithpa zingri zingrat lam ni hte ngai hkam sharang lai wa sai lam hpe nang yawng chye nga ndai. Madu chyawm gaw dai lam ni yawng hta na ngai hpe mawai la ni ai.

2 TIMOHTI 3:15

Nang hpe ma kaji prat kaw nna machye machyang jaw nna Hkristu Yesu hpe kam sham ai a marang e hkye hkrang la ai lam lu la na matu lam matsun madun ai, dai chyoi pra ai Chyum Laika hpe atsawm sha chye ai wa rai nga ndai hpe mung adum nga u.

HEBRE 11:2

Moi shawng de na masha ni gaw, shanhte a makam masham a majaw Karai Kasang a sharawng awng ai lam hpe lu la ma ai.