KASA 16:18 - Jinghpaw Common Language Bible 2009

¹⁸ Dai numsha gaw dai zawn nhtoi law law ya wa marawn jahtau htau re ai majaw Pawlu myit n pyaw nna, kayin nhtawm, dai nat hpe, “Yesu a mying nsang hte ngai nang hpe hkang da de ga, shi kaw na pru mat u!,” ngu wu yang dai shaloi jang numsha kaw na pru mat wa ai.

Jinghpaw Hanson Version Bible

¹⁸ Law law ya wa shi shing re ai majaw, Pawlu grai myit n pyaw nna, kayin nhtawm, dai nat hpe, “Yesu Hkristu a mying ningsang hte ngai nang hpe tsun de ai, shi kaw na pru mat u,” ngu nna daru wu yang, dai ahkying hta nan shi pru mat wa ai.

KASA 16:18 ပူးပေါင်းရင်းမြစ်များ

MAHTE 14:24

Dai li chyawm gaw hkin-gau hte ram ram tsan gang wa sai rai nna, nbung shingte nga ai majaw, hkaleng ni dai li hpe kayat shingdang mu ai.

MARKU 1:34

Yesu gaw ana ahkya amyu myu hte machyi ai masha law law hpe shamai ya nna, nat law law hpe mung shaden kau mu ai. Shi kadai rai nga ai hpe shanhte chye nga ma ai majaw, shi shanhte hpe ga tsun na ahkang n jaw mu ai.

MARKU 16:17

Kam sham ai ni hpe lamik kumla ni galaw na atsam jaw ya na ra ai; shanhte gaw nye a mying ningsang hte nat ni hpe shaden kau lu na mara ai; shanhte gaw laklai ai ga ni tsun shaga na mara ai.

LUKA 9:1

Yesu gaw sape shi lahkawng hte hpe shaga la nhtawm, nat ni yawng hpe shaden kau lu na hte ana ahkya ni hpe shamai ya lu na atsam hte ahkaw ahkang shanhte hpe jaw mu ai.

KASA 3:6

Petru chyawm gaw shi hpe, “Ja, gumhpraw gaw ngai n lu nngai; rai ti mung ngai lu ai nang hpe jaw de ga, Nazaret wa Yesu Hkristu a mying nsang hte rawt hkawm wa u!,” ngu nna tsun wu ai.

KASA 9:34

Petru gaw dai wa hpe “Ainea e, Yesu Hkristu nang hpe shamai ya nit dai: rawt u, na a hpun panep lajang u,” ngu tsun wu ai shaloi jang shi rawt wa lu ai.

KOLOSE 2:15

Dai wudang ntsa e Hkristu gaw lamu hte aga ntsa na n-gun atsam rawng ai ni hte ahkang aya lu ai yawng hte hpe htawk jahkrat yeng seng kau nhtawm, shanhte hpe bawng masha shatai kau nna padang dip yan hkawm ai a hpang e hkan nang shangun ai hte shawa masha ni e jawm yu ai masha ni shatai kau nu ai.