KASA 16:14 - Jinghpaw Common Language Bible 2009

¹⁴ Shanhte hta na anhte a ga na la ai numsha gaw Htuatira mare na sumpan hkyeng sawm dut ai Ludi ngu ai jan rai nga ai. Shi gaw Karai Kasang hpe nawku kam sham ai numsha rai nna, Pawlu tsun dan nga ai ga hpe na lasha let madat la u ga, Madu e shi a myit hpaw ya wu ai.

Jinghpaw Hanson Version Bible

¹⁴ Shaloi, Karai Kasang hpe nawku ai, Htuatira mare na, sumpan hkyeng dut ai num, Ludi ngu ai jan anhte a ga na la nna, Pawlu tsun dan ai lam hpe madat mara u ga nga, Madu gaw shi a myit hpaw ya wu ai.

KASA 16:14 ပူးပေါင်းရင်းမြစ်များ

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

Shawlumon A Mahkawn Ga 5:4

Nye a tsaw ra wa gaw shi a lata hte chyinghka jum da nga ai; shi ani sha nga ai majaw nye a masin htuk htak mat nngai.

ESAIA 50:5

Dai Madu gaw ngai hpe chye na hkawn hkrang ai nyan jaw ya ni ai majaw, ngai shi hpe gumlau ai n rai, shi kaw na kayin mat wa nngai n rai.

LUKA 24:45

Dai hpang sape ni, dai Chyum Laika ga ni hpe chye na lu na matu shanhte a myit nyan jahpaw ya mu ai.

YAWHAN 12:20

Dai poi laman hta nawku na matu Yerusalem mare de lung wa ai ni hta Grik masha nkau mi lawm ma ai.

KASA 10:2

Shi gaw tara hkungga ai wa rai nna shi hte shi a nta dinghku masha ni yawng Karai Kasang hpe hkrit hkungga nawku daw jau ma ai. Shi gaw matsan mayan re ai Yuda masha ni hpe mung alu law law jaw ai hte karum madi shadaw let Karai Kasang kaw tut tut akyu hpyi nga ai.

KASA 11:21

Madu a n-gun atsam mung shanhte hta nga nga ai rai nna, masha dawwa kaba kam sham ai hte Madu hpang de kayin wa ma ai.

KASA 13:43

Ya tara jawng na shawa masha ni zuphpawng bra mat wa ai hpang Yuda masha ni law law Proselutu ni ngu ai Yuda nawku hkan ai maigan masha ni law law wa Pawlu yan Barnaba kaw hkan nang ma ai. Kasa ni mung dai masha ni hpe Karai Kasang a chyeju hta asak hkrung grin nga na matu n-gun jaw shadum jahprang mu ai.

KASA 13:50

Rai ti mung Yuda masha ni gaw mare na du agyi salang ni hte Karai Kasang hpe nawku kam sham ai lahta tsang maigan amyu num sha ni hpe myit sharawt jashut nhtawm Pawlu Yan Barnaba hpe zingri zingrat di shangun ai hte, shanhte a lamu ga kaw na gawt shapraw kau ma ai.

KASA 16:40

Shaloi Pawlu yan Sila gaw dai htawng na pru wa nna, Ludi a nta de shang wa ma ai. Dai kaw kam sham ai hpu nau ni hte hkrum nna shanhte hpe shalan shabran n-gun jaw ai ga ni tsun da nhtawm pru mat wa ma ai.

KASA 18:7

Dai hpang shanhte kaw na shi pru mat wa nhtawm Karai Kasang hpe kam sham nawku ai Yuda masha n re ai Titu Yustu mying ai wa a nta de shang manam nga ai. Dai wa a nta gaw tara jawng hte htep rai nga ai.

KASA 8:27

Shaloi Hpilip hkyen la nna rawt sa wa ai. Ya yu mu, Ehtiopi mung up ai Hkawhkam num Kandake a man e ahkang kaba lu nna sutgan yawng up sin ya ai Ehtiopi unuk langai mi gaw shi a nta de wa nga ai. Shi gaw Karai Kasang hpe nawku daw jau na matu Yerusalem de sa du nga ai.

ROMA 9:16

Dai rai nna Karai Kasang a lata la ai lam gaw masha a myit ra ai lam shing n rai masha a shakut shaja galaw ai hta n madung nga ai; Karai Kasang a matsan dum lama ai hta she madung nga ai.

HPILIPI 2:13

Hpa majaw nga yang Karai Kasang gaw shi a myit ra yaw shada ai lam hta madat mara hkan sa mayu ai myit hte hkan sa shangun lu ai atsam nanhte lu la mu ga Karai Kasang gaw nanhte hta e shachyen shaja nga ai.

SHINGRAN 1:11

Dai nsen gaw, “Nang mu ai hte maren laika hta ka la nhtawm, dai laika hpe Ehpesu, Samurna; Pergamu, Htuatira, Sardi, Hpiladehpi hte Ladoki mare ni hta nga ai hpung sanit hpang de shagun dat u,” nga ai.

SHINGRAN 3:20

Yu u! Ngai gaw chyinghka akawk let tsap nga nngai: nye a nsen na nna chyinghka hpaw ya ai wa kadai kaw rai ti mung, ngai shang nna shi hte rau lu rau sha na nngai, shi mung ngai hte rau lu rau sha lu na ra ai.

SHINGRAN 3:7

“Bai, Hpiladehpi mare na hpung a lamu kasa hpe ning ngu ka dat u: “Ndai gaw, Chyoi pra ai hte tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa kaw na mungga rai nga ai.