KASA 15:9 - Jinghpaw Common Language Bible 2009

⁹ Madu gaw shanhte hte anhte a lapran e hpa jashai ginhka ai lam n galaw ai sha, shanhte kam sham ai a marang e, shanhte a yubak mara ni hpe raw dat kau ya mu ai,

Jinghpaw Hanson Version Bible

⁹ shing rai, kamsham ai hte shanhte a myit masin hpe kashin ya mu ai rai nna, anhte hte shanhte a lapran e, hpa hku mung ginhka mi ai n rai.

KASA 15:9 ပူးပေါင်းရင်းမြစ်များ

SHAKAWN KUNGDAWN 51:10

O Karai Kasang e, san seng ai myit ngai hta hpan shapraw ya e; sadi dung ai wenyi hte myit masin nnan ngai hpe jaw ya rit.

EZEKELA 47:22

dai gaw nanhte a htani htana hte seng ai lamu ga sali rai nga ai. Nanhte a lapran e hkan matep nga ai hte dai lamu ga hta shangai wa sai kashu kasha ni lu ai maigan masha ni mung, nanhte dai lamu garan ai shaloi, lamu ga sali hkam la na rai ma ai. Shanhte hpe Israela mungchying masha ni hte maren masat la nna Israela amyu bawsang ni hte rau lamu ga sali hpe hpaida da la lu na ma ai.

KASA 10:15

Dai nsen kalang mi bai ngoi pru ai gaw, “Karai Kasang e san seng ai ngu ai arai hpe n san n seng ai ngu nna hpa mung hkum myit la et,” nga nna tsun ai.

KASA 10:28

Shaloi Petru gaw shanhte hpe, “Yuda masha langai mi gaw maigan masha ni hte htinglup htingshang n rai mai ai nga nna shi a nawku htung hta jep da nga ai lam nanhte nan mung chye nga myit dai. Dai rai tim kadai wa hpe mung nawku htung hku nna n ging n dan ai, n san n seng ai ngu nna ngai n mai myit ai lam gaw Karai Kasang ngai hpe madun dan ni ai.

KASA 10:34

Shaloi Petru ga tsun hpang nna, “Karai Kasang gaw, masha myi man n tau nga ai gaw ya ngai kaja wa chye se ai.

KASA 11:12

Dai Chyoi Pra ai Wenyi gaw myit n ganung nga ai sha shanhte kaw hkan sa na ngai hpe tsun ni ai. Yopa mare na kam sham ai hpu nau ni marai kru mung ngai hte rau hkan nang ma ai rai nna anhte yawng Korneli a nta de shang sa ga ai.

KASA 14:1

Dai hte maren Ikoni mare kaw mung Pawlu yan Barnaba gaw tara jawng hta shang nna, Yuda masha ni hte maigan masha ni wunawng kaba kam sham mat hkra hkaw tsun dan ma ai.

KASA 14:27

Ya shan Antioki de du wa ma yang hpung masha ni hpe jahpawng tawn nhtawm Karai Kasang shan hta galaw ai lam yawng mayawng mung, maigan amyu ni kam sham wa na matu shi chyinghka gara hku hpaw ya sai lam hkai dan mu ai.

ROMA 3:22

Yesu Hkristu hpe kam sham ai a marang e masha gaw Karai Kasang a man e ding hpring wa lu ai. Karai kasang gaw Yesu hpe kam sham ai ni yawng hpe ding hpring wa shangun sai. Hpa majaw nga yang lachyen lahka ai lam hpa mung n nga ai.

ROMA 3:9

Dai hku rai yang, anhte Yuda amyu masha ni gaw kaga amyu masha ni hta gara hku grau jan nga ga ni? Gara hku mung grau jan ai madang hta n nga ga ai! Yuda masha ni rai ti mung, tara maigan masha ni rai ti mung, yubak mara a n-gun atsam kata e yawng maren rawng nga ga ai lam ngai shawng de tsun dan ga ni ai.

ROMA 9:24

Hpa majaw nga yang anhte gaw Karai Kasang e shaga la sai masha ni rai nna Yuda ni hta na sha n rai, maigan amyu ni hta na mung rai nga ai.

1 KORINHTU 1:2

Korinhtu mare na Karai Kasang a Hpung hta lawm nga ai ni hte, shara shagu hkan na, anhte hte shanhte a Madu rai nga ai Madu Yesu Hkristu hpe nawku daw jau nga ai Hkristu Yesu hta e, Karai Kasang a chyoi pra ai amyu masha tai na matu shaga la hkrum ai ni yawng hpang de ga shana dat ga ai.

1 KORINHTU 7:18

Matu gadoi hkam sai wa langai mi gaw Karai Kasang e shaga lata ai hkrum ai rai yang matu gadoi hkam sai masat kumla ni hpe shaprai kau n ra sai. Matu gadoi n hkam ai sha, Karai Kasang e lata shaga la hkrum ai rai yang, matu gadoi ai n hkam la u ga.

GALATI 3:28

Dai rai nna nanhte hta shada da ginhka ginrang na lam n nga sa; Yuda amyu masha ni hte Grik masha ngu na mi n nga, mayam hte shanglawt ngu na mi n nga, lasha hte numsha ngu na mi n nga, nanhte yawng mayawng hte gaw Hkristu hta e langai sha rai nga myit dai.

GALATI 5:6

Kaning rai nme law, anhte gaw Hkristu Yesu hta e rai nga ga yang gaw, matu gadoi hkam ai n hkam ai ngu ai gaw hpa ahkyak n rai nga ai; ra ahkyak ai lam gaw tsaw ra myit dan dawng hkra amu galaw ai dai makam masham she rai nga ai.

EHPESU 3:6

Dai sung htum ai lam gaw, Kabu Gara Shiga a marang e maigan masha ni gaw Yuda masha ni hte rau Karai Kasang a shaman chyeju ni hpe hkam la lu ai ahkang lu la lu ai lam rai nga ai. Shanhte hte Yuda masha ni gaw hkum hkrang langai sha hta na daw shan ni rai nna Hkristu Yesu a marang e Karai Kasang jaw ai ga ndat a sali wunli kamhtaw hkam la na ahkang lu la ma ai.

KOLOSE 3:11

De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.

1 PETRU 1:22

Ya nanhte gaw dai teng man ai lam hpe madat mara nga let nanhte a hkum ni hpe jasan jaseng kau nhtawm, nanhte a kam sham ai manaw manang ni hpe kaja wa tsaw ra nga myit dai. Dai rai nna nanhte shada da myit masin mahkra hte tsaw ra nga mu.