KASA 15:7 - Jinghpaw Common Language Bible 2009

⁷ Dai lam hpe galu galang san htai lai hkat ai hpang, Petru rawt nna shanhte hpe, “Hpu nau ni e, maigan masha ni dai Kabu Gara Shiga na la nna kam sham wa na matu Karai Kasang gaw lai wa sai tsawmra na sai aten kaw nna dai Kabu Gara Shiga hpe tsun shana dan na nanhte a kata kaw na Karai Kasang ngai hpe lata san da sai gaw nanhte chye nga myit dai.

Jinghpaw Hanson Version Bible

⁷ Dai lam hta law law wa san htailai nga ma yang, Petru rawt nna shanhte hpe, “Hpunau ni e, maigan amyu ni nye a n-gup hta nna, dai kabu gara shiga na la ai hte kamsham u ga nga, shawng nnan e Karai Kasang ngai hpe, nanhte kaw na lata la ai gaw, nanhte chye nga myit dai.

KASA 15:7 ပူးပေါင်းရင်းမြစ်များ

PRU MAT 4:12

Ya chyawm gaw sa wa su! Nang shaga lu na matu ngai karum na de ai; kaning ngu nna nang tsun shaga na mung ngai tsun dan na de ai,” ngu nna tsun wu ai.

YEREMIA 1:9

Dai hpang dai Madu gaw lata ladawn let nye a nten hpe ahtawk nna ngai hpe, “Madat u, ngai nang hpe jaw ya nga ai mungga hpe nang tsun lu na rai ndai.

YAWHAN 15:16

Nanhte ngai hpe lata la myit dai n rai, nanhte pru sa nna asi law law si na hte dai asi grin nga u ga ngu nna, ngai mahtang she nanhte hpe lata la nna san da made ai. Dai rai nna nye a mying hte nanhte Wa kaw hpyi mahpyi nanhte hpe jaw na marin dai.

YAWHAN 3:27

Shaloi Yawhan gaw, “Karai Kasang kaw na jaw ai sha n rai yang gaw masha gaw hpa amu lit hpe mung hkam la lu ai n rai.

KASA 1:16

Shi gaw, “Hpu nau ni e, Yesu hpe rim la ai ni a lam woi tai ya ai Yuda hpe lakap nna moi Dawi a n-gup hku nna Chyoi Pra ai Wenyi tau tsun da ai Chyum Laika gaw dik wa lu na sha rai nga ai.

KASA 1:24

Dai hpang shanhte gaw, “Madu e, nang gaw yawng mayawng a myit masin hpe chye ya nga ndai. Yuda gaw shi hte seng ai kasa aya hpe kau tawn da nu ai.

KASA 10:19

Petru mung, shingran de a lam naw myit sumru nga yang, dai Wenyi gaw, “Yu u, nang e masha masum nang hpe tam nga ma ai, rawt u, yu wa sit.

KASA 10:20

Ngai nan shanhte hpe shangun dat mawe ai rai nna, myit hpa n ganung chyai nga ai sha, shanhte hte rau sa wa su!,” ngu dat wu ai.

KASA 13:2

Ya shanhte Madu hpe nawku daw jau let lusha gam nga ma yang, dai Chyoi Pra ai Wenyi gaw, “Shawlu Yan Barnaba hpe ngai shaga da ai amu gun hpai na matu san da mu,” ngu nna shanhte hpe tsun mu ai.

KASA 15:14

Karai Kasang gaw shawng nna maigan amyu ni hta na nkau mi hpe shi hte seng ai amyu masha shatai na matu lata shaw la nna shanhte hpe lanu lahku ai lam madun dan manu ai lam Simun tsun shaleng dan sai.

KASA 15:2

De a majaw bra na lam pru nna Pawlu yan Barnaba gaw dai masha ni hte dai lam hte seng nna aja awa ndang kalang hkat ma ai. Dai majaw hpung gaw ndai ndang kalang hkat ai lam hte seng nna bawng ban jahkrup na matu Pawlu yan Barnaba hte Antioki hpung na myit su nkau mi hpe Yerusalem de nga ai kasa ni hte salang ni hpang de shangun dat na myit hkrum daw dan ma ai.

KASA 15:39

Dai nhkan e ga lai nna, langai hte langai hka mat ma ai. Barnaba gaw Marku hpe woi nna Kupru zunlawng de li hte sa wa ai.

KASA 20:24

Rai ti mung nye a matu masat da ai amu lit hpe mung Madu Yesu ngai e ap ya da ai magam amu hpe mung, tsep kawp ngut kre hkra gun na lam chyu sha ahkyak madung rai nga ai majaw ngai gaw nye a asak hpe pyi lahpawt nngai n rai. Dai Madu ap ya da ai magam amu ngu ai gaw Karai Kasang a chyeju Kabu Gara Shiga hpe hkaw tsun sakse hkam na lam nan rai nga ai.

KASA 21:16

Kesare na sape nkau mi mung, anhte hte rau sa ma ai rai nna, anhte sa manam na rai nga ai, Kupru zunlawng masha Manason ngu ai shawng shawng kaw nna kam sham nga sai sape langai mi a nta kaw sa sa bang da mi ai.

KASA 3:18

Karai Kasang gaw shi a Meshia nni nkri hkrum na ra ai lam, moi shawng shawng kaw nna myihtoi ni yawng a n-gup hte tau tsun tawn nu ai rai nna, dai lam ni ndai hku nna dik wa shangun nu ai.

KASA 4:25

Nang gaw na a shangun ma wa anhte ji wa Dawi a n-gup hku nna Chyoi Pra ai Wenyi hte tsun da ndai gaw, ‘Maigan amyu ni hpa majaw n-yun bu nna; masha amyu ni hpa majaw kaman lila makoi magap maw mawn nga ma ta?

KASA 9:15

Rai ti mung Madu gaw, “She sa su, dai wa gaw maigan ni hte Hkawhkam ni a man e mung, Israela amyu masha ni a man e mung, nye a mying hpe hkaw tsun shana ya ai amu gun hpai na matu ngai lata la ai wa rai nga ai.

HPILIPI 2:14

Nanhte galaw ra ai hpa lam hpe mung aput angun ndang kalang n rai ai sha galaw nga mu.