KASA 15:5 - Jinghpaw Common Language Bible 2009

⁵ Rai ti mung Hparishe hpung hta lawm ai kam sham ai masha nkau mi rawt nna, “Maigan masha ni mung matu gadoi hkam la ra ai hte Mawshe a Tara hkan shadik ra ai,” nga nna tsun ma ai.

Jinghpaw Hanson Version Bible

⁵ Shaloi Hparishe hpung hta na, kamsham ai ni nkau mi rawt nna, “Shanhte hpe matu gadoi hking jaw na hte, Mawshe a tara hku hkan shangun na naw ra nga ai,” nga nna tsun ma ai.

KASA 15:5 ပူးပေါင်းရင်းမြစ်များ

MAHTE 3:7

Hparishe ni hte Saduke ni law law wa hkalup hkam la na nga nna shi kaw sa wa ma ai hpe Yawhan mu wu yang, shi shanhte hpe, “Pu htum amyu ni e, Karai Kasang kaw na du magang ra ai ari hta na hprawng lawt mat lu myit ga, nanhte hpe kadai tsun shadum da myit ta?,” ngu nna tsun mu ai.

KASA 15:1

Ya Yuda mung na ni nkau mi Antioki mare de sa du nna, kam sham ai hpu nau ni hpe, “Nanhte Mawshe a jep ai Tara hte maren matu gadoi lam n hkan myit yang gaw, hkye hkrang la ai kaw n du lu na myit dai,” ngu nna sa sharin mu ai.

KASA 15:24

Anhte kaw na masha nkau mi gaw, anhte a hkang matsun dat ai lam n lu la ai sha nanhte hpang de sa nna ga hte nanhte a myit hpe sharu shatsang ga li ga law di ya nga ma ai lam anhte na lu sagaw ai.

KASA 21:20

Shing nga tsun dan ai hpe na jang shanhte yawng Karai Kasang hpe shagrau sha-a ma ai. Dai hpang shanhte gaw Pawlu hpe, “Hpu wa e Yuda masha ni hta na kam sham ai ni gade hkying mun law nga ma ai lam, shanhte yawng dai jep ai Tara hta myit jung ai hkrai rai nga ma ai lam nang chye nga ndai.

KASA 24:14

Rai ti mung shanhte shut ai ngu ai lam masa hte maren ngai gaw anhte a ji wa ni a Karai Kasang hpe nawku nngai hpe chyawm gaw na man e yin la nngai. Shing rai ti mung Mawshe a jep ai Tara laika hte myihtoi ni a laika hta ka da ai hku yawng mayawng hpe mung ngai kam sham nngai.

KASA 24:5

Ndai wa gaw, grai hkrit tsang ra ai dingbai dingna jaw ai wa, mungkan ting na Yuda masha ni kabring kabrawng woi galaw ai wa re ai hta n ga, Nazaret wa a hpung hta lawm ai ningbaw ningla langai mi mung rai nga ai.

KASA 28:22

Rai ti mung, ndai nang lawm ai hka bra hpung hpe shara shagu hta masha ni n ra sharawng nna tsun ninghkap nga ma ai hpe anhte chye ga ai majaw, nang myit ai hku mung anhte na mayu ga ai,” ngu nna htan mu ai.

KASA 5:17

Dai shaloi Hkinjawng Agyi Kaba wa hte, shi a manang ni buga Saduke hpung hta lawm ai masha ni gaw nachying manawn ai myit hkrai chyat rai nga malu ai rai nna kasa ni hpe lama ma di na hku shanhte daw dan ma ai.

1 KORINHTU 7:18

Matu gadoi hkam sai wa langai mi gaw Karai Kasang e shaga lata ai hkrum ai rai yang matu gadoi hkam sai masat kumla ni hpe shaprai kau n ra sai. Matu gadoi n hkam ai sha, Karai Kasang e lata shaga la hkrum ai rai yang, matu gadoi ai n hkam la u ga.

GALATI 2:11

Rai ti mung Antioki mare de Petru sa du ai shaloi, shi a galaw sa wa ai sat lawat shut nga ai lam dan leng nga ai majaw, ngai shi hpe shawa masha ni a man e mara shagun let daru jet kau we ai.

GALATI 2:14

Ya shanhte Kabu Gara Shiga a teng man ai lam hta ding ding n hkawm n sa nga ma ai hpe ngai mu mawe ai shaloi, shanhte yawng a man e Petru hpe, “Nang gaw Yuda masha rai nga ninglen Yuda masha zawn n rai, maigan masha ni zawn rai nga nhtawm me, maigan masha ni hpe Yuda masha ni zawn sak hkrung nga lu hkra kaning di shadut shagwi lu na n ta?,” ngu nna ngai tsun we ai.