KASA 15:4 - Jinghpaw Common Language Bible 2009

⁴ Yerusalem mare de du ai shaloi hpung masha ni kasa ni hte salang ni, shanhte hpe hkap hkalum la ma ai rai nna, Pawlu hte manang ni mung Karai Kasang shanhte hta galaw dan ai lam magup hpe hkai dan ma ai.

Jinghpaw Hanson Version Bible

⁴ Yerusalem mare de du jang, Hpung masha ni, kasa ni hte salang ni, shanhte hpe hkap hkalum la ma ai rai nna, Karai Kasang shanhte hta galaw dan ai lam magup shanhte hkai dan ma ai.

KASA 15:4 ပူးပေါင်းရင်းမြစ်များ

MAHTE 10:40

Nanhte hpe hkap hkalum la ai wa kadai mung, ngai hpe shangun dat ai wa hpe hkap hkalum la ai wa rai nga ai.

KASA 11:30

Dai hte maren shanhte galaw nna Dai gumhpraw hpe Barnaba yan Shawlu a lata hte hpung salang ni hpang de shagun dat ma ai.

KASA 14:27

Ya shan Antioki de du wa ma yang hpung masha ni hpe jahpawng tawn nhtawm Karai Kasang shan hta galaw ai lam yawng mayawng mung, maigan amyu ni kam sham wa na matu shi chyinghka gara hku hpaw ya sai lam hkai dan mu ai.

KASA 15:12

Barnaba yan Pawlu gaw shan a lata hte maigan amyu ni hta Karai Kasang galaw dan ai lamik kumla ni hte mauhpa amu ni yawng a lam hkai dan nga ma yang, shawa hpung ting atsin sha madat nga ma ai.

KASA 15:2

De a majaw bra na lam pru nna Pawlu yan Barnaba gaw dai masha ni hte dai lam hte seng nna aja awa ndang kalang hkat ma ai. Dai majaw hpung gaw ndai ndang kalang hkat ai lam hte seng nna bawng ban jahkrup na matu Pawlu yan Barnaba hte Antioki hpung na myit su nkau mi hpe Yerusalem de nga ai kasa ni hte salang ni hpang de shangun dat na myit hkrum daw dan ma ai.

KASA 15:22

Dai hpang kasa ni hte salang ni gaw hpung masha yawng hte bawng ban nna shanhte hta na masha nkau mi hpe lata la nhtawm, Pawlu yan Barnaba hte rau Antioki de shangun dat na lam myit hkrum daw dan ma ai. Shanhte gaw kam sham ai ni grai hkungga ai hte kam mai ai Barsaba ngu ai Yuda hte Sila yan hpe lata la nna,

KASA 15:3

Shing rai hpung masha ni gaw, shanhte hpe mare shinggan de du hkra sa sa dat ma ai. Dai shangun dat hkrum ai kasa ni gaw Hponisha mung hte Samari mung hku ga lai sa wa let, maigan masha ni gara hku myit malai lu nna Karai Kasang hpang de kayin wa ma ai lam hkai dan ma ai. Dai shiga hpe na ai shaloi kam sham ai ni yawng hpe grai kabu shangun mu ai.

KASA 15:6

Dai rai nna kasa ni hte salang ni, ndai lam bawng yu na matu zuphpawng nga ma ai.

KASA 16:4

Shanhte gaw dai mare ni hpe ga sa wa let, Yerusalem na kasa ni hte salang ni daw dan da ai tara ni hpe tsun sanglang dan ai hte kam sham ai ni madat mara hkan sa na matu matsun da ma ai.

KASA 18:27

Bai shi gaw Ahkaia mung de rap sa wa na myit daw dan ai rai nna, Ehpesu mare na kam sham ai ni gaw shi a matu Ahkaia mung na kam sham ni hpang de, Apolo hpe hkap hkalum la na matu shachyen ya ai hte lajin ai laika jaw dat ya mu ai. Ya shi Ahkaia mung de du ai shaloi Karai Kasang a chyeju hte shi gaw kam sham ai ni hpe grai wa shadaw shangang karum mu ai.

KASA 21:17

Ya Yerusalem de anhte du jang, kam sham ai hpu nau ni kabu gara ai myit hte hkap la mi ai.

KASA 21:19

Pawlu shanhte hpe shachyen ngut jang, shi gun hpai ai amu majaw kaga maigan masha ni hta Karai Kasang shabyin wa ai amu lam langai hte langai hkai dan mu ai.

ROMA 15:18

Maigan amyu ni Karai Kasang a ga madat mara wa hkra Hkristu gaw ngai hpe jai lang ai lam hpe chyu sha ngai nden ja ai hte tsun na nngai. Maigan amyu ni madat mara lu hkra Hkristu gaw ngai tsun shaga ai mung sumtu ga hte galaw ai sat lawat hku nna mung ngai galaw ai laklai ai lamik kumla ni hte mauhpa magam amu ni hku nna mung, Chyoi Pra ai Wenyi a atsam madun ai hku nna mung ngai hpe jai lang nu ai.

ROMA 15:7

Dai rai nna Karai Kasang a hpung shingkang dan hkung wa na matu, Hkristu gaw nanhte hpe hkap hkalum la manit dai hte maren nanhte shada da hkalum la mu.

1 KORINHTU 15:10

Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

2 KORINHTU 5:19

Anhte hkaw tsun ai mungga gaw, Karai Kasang gaw Hkristu hta e masha yawng mayawng hpe shi a jinghku ni tai wa shangun ai lam hte seng ai mungga rai nga ai. Karai Kasang gaw masha a yubak mara ni hpe n matsing da ya ai hta n ga, shanhte hpe shi a jinghku ni tai wa hkra gara hku galaw sai lam tsun gawn dan ai mungga anhte hpe jaw da mani ai.

2 KORINHTU 6:1

Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

KOLOSE 4:10

Nye a bawng dung manang Aristarku nanhte hpe shakram dat ai. Bai nna Barnaba a kahkri Marku mung nanhte hpe shakram dat ai. (Nanhte hpang de Marku du sa wa ai shaloi hkap hkalum la mu ngu nna matsun dat ai lam ni hpe nanhte lu la tawn chyalu rai manit dai.)

2 YAWHAN 1:10

Marai langai ngai nanhte kaw du sa nna dai sharin shaga ai ga hpe n lang a yang gaw, dai wa hpe nanhte a nta ni hta hkum jashawn la mu. Shi hpe, “Ngwi pyaw nga n ga law,” ngu nna pyi hkum tsun myit.