KASA 15:3 - Jinghpaw Common Language Bible 2009

³ Shing rai hpung masha ni gaw, shanhte hpe mare shinggan de du hkra sa sa dat ma ai. Dai shangun dat hkrum ai kasa ni gaw Hponisha mung hte Samari mung hku ga lai sa wa let, maigan masha ni gara hku myit malai lu nna Karai Kasang hpang de kayin wa ma ai lam hkai dan ma ai. Dai shiga hpe na ai shaloi kam sham ai ni yawng hpe grai kabu shangun mu ai.

Jinghpaw Hanson Version Bible

³ shing rai Hpung masha ni shanhte hpe sa sa jang, shanhte gaw Hpinisi mung hte Samari mung ga sa wa let, maigan masha ni a myit malai ai lam hkai dan nna, hpunau ni yawng mayawng hpe grai kabu shangun mu ai.

KASA 15:3 ပူးပေါင်းရင်းမြစ်များ

LUKA 15:32

Rai ti mung, anhte poi galaw nna pyaw pyaw rai kabu gara mai nga ai, hpa majaw nga yang, ndai na nnau wa gaw si mat sai, ya bai hkrung ra ai, mat mat sai mung, ya bai mu la saga ai,’ ngu nna shi hpe nem wu ai,” ngu mu ai.

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

KASA 13:48

Maigan amyu ni dai na jang, shanhte kabu gara nga ma ai hte, Madu a mungga hpe shagrau sha-a ma ai, nhtum nwai asak lu la na san da ai ni nlang mung kam sham mat ma ai.

KASA 13:52

Antioki mare na sape ni chyawm gaw, kabu gara ai hte Chyoi Pra ai Wenyi hpring nga ma ai.

KASA 14:27

Ya shan Antioki de du wa ma yang hpung masha ni hpe jahpawng tawn nhtawm Karai Kasang shan hta galaw ai lam yawng mayawng mung, maigan amyu ni kam sham wa na matu shi chyinghka gara hku hpaw ya sai lam hkai dan mu ai.

KASA 15:1

Ya Yuda mung na ni nkau mi Antioki mare de sa du nna, kam sham ai hpu nau ni hpe, “Nanhte Mawshe a jep ai Tara hte maren matu gadoi lam n hkan myit yang gaw, hkye hkrang la ai kaw n du lu na myit dai,” ngu nna sa sharin mu ai.

KASA 15:12

Barnaba yan Pawlu gaw shan a lata hte maigan amyu ni hta Karai Kasang galaw dan ai lamik kumla ni hte mauhpa amu ni yawng a lam hkai dan nga ma yang, shawa hpung ting atsin sha madat nga ma ai.

KASA 15:22

Dai hpang kasa ni hte salang ni gaw hpung masha yawng hte bawng ban nna shanhte hta na masha nkau mi hpe lata la nhtawm, Pawlu yan Barnaba hte rau Antioki de shangun dat na lam myit hkrum daw dan ma ai. Shanhte gaw kam sham ai ni grai hkungga ai hte kam mai ai Barsaba ngu ai Yuda hte Sila yan hpe lata la nna,

KASA 15:32

Yuda yan Sila gaw myihtoi mung rai nga ma ai majaw, shanhte hte aten galu galang ga shaga nna nden marai hte Wenyi n-gun atsam, lu la shangun mu ai.

KASA 15:4

Yerusalem mare de du ai shaloi hpung masha ni kasa ni hte salang ni, shanhte hpe hkap hkalum la ma ai rai nna, Pawlu hte manang ni mung Karai Kasang shanhte hta galaw dan ai lam magup hpe hkai dan ma ai.

KASA 17:15

Kasa Pawlu hpe hkan sa ai masha ni gaw Ahten mare du hkra hkan sa kau da nna Sila yan Timohti hpe alawan hkan nang na lam htet dat ai ga gun let, Beria mare de bai wa ma ai.

KASA 20:38

Hpang de shi a myi man bai n mu lu na sai ngu ai ga majaw shanhte grau yawn ma ai shing rai li du hkra shi hpe hkan sa dat ma ai.

KASA 21:5

Nhtoi sanit ya lai jang, anhte bai pru wa ga ai. Shanhte mung madu jan kasha ni hte rau mare shinggan du hkra hkan sa dat ma ai rai nna, hka kau e hput di let, akyu hpyi ga ai.

KASA 28:15

Roma mare na kam sham ai hpu nau ni gaw anhte sa wa ai lam shiga na shajang nna hkap tau la na matu, Api gat hte manam jarawp masum du hkra sa ma ai. Pawlu shanhte hpe mu jang, shi Karai Kasang hpe shakawn kungdawn nna myit n-gun grai lu la nga ai.

KASA 8:14

Samari masha ni, Karai Kasang a mungga hta la ma ai lam Yerusalem e nga ai Kasa ni na ma yang, shanhte gaw Petru hte Yawhan hpe shangun dat mu ai.

ROMA 15:24

ya nanhte kaw sa du lu na re ngu nna myit mada nga nngai. Ngai Spain mung de sa wa ai let e, nanhte kaw shang du chyai nna mu hkrum kau da mayu nngai. Nanhte kaw jahkring mi nanhte hte kabu gara hkrum chyai kau da nhtawm, dai mung de nanhte a karum madi shadaw ai hte bai matut sa wa lu na ngai myit mada nga nngai.

1 KORINHTU 16:11

Kadai mung shi hpe n gawn n sawn n di u ga, shi a hkrun lam hpe angwi apyaw sha matut hkawm sa wa lu u ga, nanhte shi hpe karum madi shadaw dat lu na rai myit dai; shing rai Hkristan hpu nau ni hte rau, ngai hpang de bai du sa wa na ra ai, ngu nna ngai myit mada ala nga nngai.

1 KORINHTU 16:6

Nanhte hte rau tawng marang mi-kashung ta htum hkra pyi rai rai nga lu na nhten ngu sawn nngai. Dai hpang gara de rai tim, ngai hkrun lam bai matut hkawm sa wa na matu nanhte ngai hpe karum dat lu na myit dai ngu nna myit mada nngai.

2 KORINHTU 1:16

Hpa majaw nga yang, Makedoni mung de sa wa let mung, dai kaw nna bai wa ai shaloi mung, nanhte kaw shang nhtawm Yuda mung de sa wa na hkrun lam a matu nanhte kaw na karum ai lam lu la n ga ngu nna ngai myit da se ai.

TITU 3:13

Bawmung wa Zena yan Apolo hpe shan hkrun lam hkawm sa lu na matu lam jarik hpa mung n kadawn mu ga, shan hpe hkum hkum di nna karum dat u.