KASA 15:23 - Jinghpaw Common Language Bible 2009

²³ shan a lata hku laika langai mi ka ya dat mu ai. Dai laika hta: “Nanhte a hpu nau ni rai nga ai anhte kasa ni hte salang ni gaw, Antioki mare hte Suri mung, Kiliki mung hkan e nga ai maigan amyu Hkristan hpu nau ni hpang de ngwi pyaw ai ga shana shakram dat ga ai.

Jinghpaw Hanson Version Bible

²³ shan a lata hta ka ya dat mu ai ga gaw, “Anhte kasa ni, salang ni, hpunau ni gaw, Antioki mare hte Suri mung, Kiliki mung hkan e nga ai maigan amyu hpunau ni hpang de ngwipyaw ga shana dat ga ai.

KASA 15:23 ပူးပေါင်းရင်းမြစ်များ

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

KASA 11:18

Shanhte dai lam na ma yang, shanhte a mara tam dinglun ai lam jahkring kau nna myit pyaw ai hte, “Aw rai sa, Karai Kasang gaw maigan masha ni hpe mung myit malai lu nna asak hkrung nga na ahkaw ahkang jaw nga a hka!” nga nna Karai Kasang hpe shagrau sha-a ma ai.

KASA 11:20

Rai ti mung, shanhte hta na Kupru hte Kureni mung na kam sham ai kaga nkau mi Antioki de du ma ai rai nna, Yuda n re ai maigan Heleni masha ni hpe Madu Yesu a lam Kabu Gara Shiga hpe htawn tsun ma ai.

KASA 14:27

Ya shan Antioki de du wa ma yang hpung masha ni hpe jahpawng tawn nhtawm Karai Kasang shan hta galaw ai lam yawng mayawng mung, maigan amyu ni kam sham wa na matu shi chyinghka gara hku hpaw ya sai lam hkai dan mu ai.

KASA 15:1

Ya Yuda mung na ni nkau mi Antioki mare de sa du nna, kam sham ai hpu nau ni hpe, “Nanhte Mawshe a jep ai Tara hte maren matu gadoi lam n hkan myit yang gaw, hkye hkrang la ai kaw n du lu na myit dai,” ngu nna sa sharin mu ai.

KASA 15:2

De a majaw bra na lam pru nna Pawlu yan Barnaba gaw dai masha ni hte dai lam hte seng nna aja awa ndang kalang hkat ma ai. Dai majaw hpung gaw ndai ndang kalang hkat ai lam hte seng nna bawng ban jahkrup na matu Pawlu yan Barnaba hte Antioki hpung na myit su nkau mi hpe Yerusalem de nga ai kasa ni hte salang ni hpang de shangun dat na myit hkrum daw dan ma ai.

KASA 15:22

Dai hpang kasa ni hte salang ni gaw hpung masha yawng hte bawng ban nna shanhte hta na masha nkau mi hpe lata la nhtawm, Pawlu yan Barnaba hte rau Antioki de shangun dat na lam myit hkrum daw dan ma ai. Shanhte gaw kam sham ai ni grai hkungga ai hte kam mai ai Barsaba ngu ai Yuda hte Sila yan hpe lata la nna,

KASA 15:4

Yerusalem mare de du ai shaloi hpung masha ni kasa ni hte salang ni, shanhte hpe hkap hkalum la ma ai rai nna, Pawlu hte manang ni mung Karai Kasang shanhte hta galaw dan ai lam magup hpe hkai dan ma ai.

KASA 15:41

Shing rai Pawlu gaw, Suri mung Kiliki mung hku ga sa wa nna hpung ni hpe shadaw shangang wu ai.

KASA 18:18

Pawlu gaw Korinhtu mare hta nhtoi tsawmra wa na hkra nga nga ai. Dai hpang kam sham ai ni hpe shakram da nna Priskila yan Akula hte rau li jawn let Suri mung de sa wa ma ai. Karai Kasang kaw ga shaka tawn da ai lam nga ai majaw, Kanhkeria mare kaw na hkali hte garai n pru yang shi a baw doi kau wu ai.

KASA 21:25

Kam sham ai maigan masha ni a matu chyawm gaw sumla ni hpe nawng jau ai hpa lusha rai rai asai du manat sat ai shan, ndaw liknga n se n sa lam koi gam na matu anhte daw dan nna laika ka nna shana ngut saga ai,” ngu nna tsun mu ai.

KASA 21:3

Ya Kupru zunlawng mu mada jang, de a hkra maga hku lai mat wa nhtawm Suri mung de anhte jawn sa wa nna hpaga rai jahkrat na matu Turu mare hta hkring ga ai.

KASA 23:26

“Klawdi Lusi gaw, grau htum ai munggyi Hpilik hpe ngwi pyaw ga shana dat nngai.

KASA 6:9

Rai ti mung Kureni mung hte Alexandru mare na Yuda ni lawm ai ‘Shanglawt’ ngu ai tara jawng hte seng ai ni, bai, shanhte hte rau Kiliki hte Asi kaji mung na Yuda amyu masha nkau mi rawt nna Stehpan hte ndang kalang hkat hpang wa ma ai.

GALATI 1:21

Dai hpang e Suri mung hte Kiliki ginwang hkan e ngai sa du nngai.

YAKU 1:1

Karai Kasang hte Madu Yesu Hkristu a shangun ma rai nga ai Yaku kaw nna mungkan ting de chyam bra nga ai Karai Kasang a masha ni hpang de shakram dat ai.

2 YAWHAN 1:10

Marai langai ngai nanhte kaw du sa nna dai sharin shaga ai ga hpe n lang a yang gaw, dai wa hpe nanhte a nta ni hta hkum jashawn la mu. Shi hpe, “Ngwi pyaw nga n ga law,” ngu nna pyi hkum tsun myit.

2 YAWHAN 1:13

Karai Kasang e lata la hkrum ai na a tsaw ra ai Kana a kashu kasha ni nang hpe shakram dat ma ai law.

2 YAWHAN 1:3

Kawa Karai Kasang kaw nna mung, dai Kawa a Kasha Yesu Hkristu kaw nna mung, dai chyeju hte, matsan dum ai hte ngwi pyaw ai lam gaw teng man ai lam hpe chye nna shada da tsaw ra nga ai anhte hte rau anga nga u ga law.

3 YAWHAN 1:14

Gade n na yang, nang hte hkrum lu na ngai myit mada nga nngai; shaloi she an lahkawng n-gup aga hte tsun chyai lu na ga ai.