KASA 15:22 - Jinghpaw Common Language Bible 2009

²² Dai hpang kasa ni hte salang ni gaw hpung masha yawng hte bawng ban nna shanhte hta na masha nkau mi hpe lata la nhtawm, Pawlu yan Barnaba hte rau Antioki de shangun dat na lam myit hkrum daw dan ma ai. Shanhte gaw kam sham ai ni grai hkungga ai hte kam mai ai Barsaba ngu ai Yuda hte Sila yan hpe lata la nna,

Jinghpaw Hanson Version Bible

²² Shaloi kasa ni hte salang ni gaw hpung masha nlang hte bawng nna, shanhte hta na masha lata la nhtawm, Pawlu yan Barnaba hte rau Antioki de shangun dat na lam myit hkrum ma ai: dai hte maren hpunau ni hta na, myit su ai salang Barsaba ngu ai Yuda yan Sila hpe lata la nna,

KASA 15:22 ပူးပေါင်းရင်းမြစ်များ

2 SAMUELA 3:36

Dai amu masha nlang mu matsing nna yu sharawng ma ai; kaja wa hkawhkam wa galaw ai lam magup hpe amyu masha ni yu sharawng nga ma ai.

2 HKAWHKAM LABAU 30:12

Hkawhkam wa hte shi a du salang ni hkang dat ai ga hta hkan let, shi a myit ra hkan lu hkra nga, Karai Kasang mung Yuda mung hta amu galaw ai hte amyu masha ni hpe shanhte daw dan ai hte maren myit hkrum shinggyin da wu ai.

2 HKAWHKAM LABAU 30:4

Hkawhkam wa hte amyu masha ni gaw shanhte galaw na amu a majaw kabu awng sharawng nga ma ai rai nna,

KASA 1:23

Dai rai nna shanhte gaw, marai lahkawng hta na langai mi hpe san da na matu Yustu mying hkawt mying ai Barsaba ngu ai Yosep hte Mahtia ngu ai yan hpe tang shawn ma ai.

KASA 11:19

Ya Stehpan hpe sat kau ai kaw nna hpang wa ai zingri zingrat lam a majaw bra mat wa ai kam sham ai ni gaw, Hponisha, Kupru hte Antioki mare du hkra len hkawm nna Yuda ni hpe hkrai sha dai mungga hkaw dan ma ai.

KASA 11:20

Rai ti mung, shanhte hta na Kupru hte Kureni mung na kam sham ai kaga nkau mi Antioki de du ma ai rai nna, Yuda n re ai maigan Heleni masha ni hpe Madu Yesu a lam Kabu Gara Shiga hpe htawn tsun ma ai.

KASA 11:22

Ndai lam shiga Yerusalem na hpung a na hta kajai gumhkawng shang wa ai rai nna shanhte gaw Barnaba hpe Antioki mare de shangun dat mu ai.

KASA 11:27

Dai aten daram hta Myihtoi nkau mi Yerusalem kaw nna Antioki de sa du ma ai.

KASA 15:23

shan a lata hku laika langai mi ka ya dat mu ai. Dai laika hta: “Nanhte a hpu nau ni rai nga ai anhte kasa ni hte salang ni gaw, Antioki mare hte Suri mung, Kiliki mung hkan e nga ai maigan amyu Hkristan hpu nau ni hpang de ngwi pyaw ai ga shana shakram dat ga ai.

KASA 15:25

Dai re ai majaw anhte yawng jawm bawng yu nna masha nkau mi hpe nanhte hpang de kasa shangun dat na myit hkrum saga ai. Shanhte gaw anhte tsaw ra ai Barnaba yan Pawlu hte rau sa wa na mara ai.

KASA 15:27

Dai re ai majaw anhte gaw, Yuda yan Sila hpe nanhte hpang de shangun dat ga ai rai nna, shan a n-gup hte nan laika hta rawng ai lam hte maren tsun dan na mara ai.

KASA 15:3

Shing rai hpung masha ni gaw, shanhte hpe mare shinggan de du hkra sa sa dat ma ai. Dai shangun dat hkrum ai kasa ni gaw Hponisha mung hte Samari mung hku ga lai sa wa let, maigan masha ni gara hku myit malai lu nna Karai Kasang hpang de kayin wa ma ai lam hkai dan ma ai. Dai shiga hpe na ai shaloi kam sham ai ni yawng hpe grai kabu shangun mu ai.

KASA 15:30

Ning rai kasa ni hpe shangun dat yang Antioki mare de sa wa nna dai hpung masha ni yawng hpe jahpawng tawn da nhtawm dai shagun dat ai laika hpe ap ya mu ai.

KASA 15:32

Yuda yan Sila gaw myihtoi mung rai nga ma ai majaw, shanhte hte aten galu galang ga shaga nna nden marai hte Wenyi n-gun atsam, lu la shangun mu ai.

KASA 15:40

Pawlu chyawm gaw Sila hpe lata la nna, hpu nau ni mung shi hpe Madu a chyeju hta rai nga u ga ap ya dat ngut jang, pru sa wa ma ai.

KASA 16:19

Ya shi a madu ni gaw shanhte a gumhpraw shang lam pat mat wa ai hpe chye jang, shanhte gaw Pawlu yan Sila hpe rim la nna gat de nga ai agyi salang ni hpang de dun garawt wa mu ai.

KASA 16:25

Ya shana yuptung hpawa e Pawlu yan Sila gaw akyu hpyi ai hte, Karai Kasang hpe mahkawn shakawn nga ma ai rai nna, bawng dung ai ni shan a ga madat nga ma ai.

KASA 16:29

Shaloi htawng agyi wa pyengdin hpyi lang nna kata de gat bang wa nhtawm hkrit gari let Pawlu yan Sila a lagaw nhpang e dingnyawm nga ai.

KASA 17:10

Shana ahkying du ai shaloi jang, kam sham ai hpu nau ni gaw Pawlu yan Sila hpe Beria mare de shangun kau dat mu ai. Dai de du yang, shan gaw Yuda Tara jawng hta shang bang wa ma ai.

KASA 17:14

Shaloi jang Hkristan hpu nau ni gaw Pawlu hpe hka kau de sa kau dat mu ai, Sila yan Timohti chyawm gaw naw hti nga ma ai.

KASA 17:4

Shanhte hta na nkau mi gaw kam sham nna, Pawlu yan Sila hte kanawn nga ma ai. Dai ni hta Karai Kasang hpe kam sham nawku ai Grik masha law law hte arawng lu ai num ni ram ram wa lawm nga ma ai.

KASA 18:5

Ya Sila yan Timohti Makedoni mung nna hkan dep du wa ma yang Pawlu gaw mungga hkaw tsun ai amu hkrai san aten jaw nna, Yesu gaw Meshia nan rai nga ai lam Yuda masha ni hpe sakse hkam dan nga ai.

KASA 8:14

Samari masha ni, Karai Kasang a mungga hta la ma ai lam Yerusalem e nga ai Kasa ni na ma yang, shanhte gaw Petru hte Yawhan hpe shangun dat mu ai.

2 KORINHTU 1:19

Hpa majaw nga yang, nanhte hpe ngai hte Sila yan Timohti hkaw dan sai Karai Kasang a kasha Hkristu Yesu gaw, “Re ai hte n re ai,” kayau kaya re ai wa n rai. Kaja wa nga yang shi gaw Karai Kasang a myit ra ai lam hpe, “Re ai,” ngu nna tsun ai Madu rai nga ai.

1 HTESALONI 1:1

Pawlu, Sila hte Timohti kaw nna Kawa Karai Kasang hte Madu Yesu Hkristu a masha ni rai nga ai, Htesaloni mare na hpung masha ni hpang de laika ka dat ga ai. Chyeju hte ngwi pyaw ai gaw nanhte hta anga nga malit ga law.

2 HTESALONI 1:1

Pawlu, Sila hte Timohti, anhte gaw anhte a Wa Karai Kasang hte Madu Yesu Hkristu a masha ni rai nga ai Htesaloni Hpung masha ni hpang de laika ka dat ga ai.

1 PETRU 5:12

Ngai gaw ndai laika kadun ni hpe Sila a karum ai hte ka dat we ai; shi gaw ngai grai kam lu ai kangka ai Hkristan hpu nau wa langai mi rai nga ai ngu nna ngai sawn da ai rai nga ai. Ndai gaw Karai Kasang a teng man ai chyeju rai nga ai lam ngai nanhte hpe n-gun jaw let sakse hkam na matu ndai laika ka dat nngai, Dai hta ngang ngang tsap ngu mu.