KASA 15:20 - Jinghpaw Common Language Bible 2009

²⁰ Hpara sumla ni hpe nawng jau tawn ai n san n seng ai lusha ni sha ai lam, n se n sa ndaw liknga lam, du manat sat ai shan hte asai re ai ni hpe koi gam na lam shanhte hpe laika langai mi ka nna tsun shana mai ai ngu nna ngai myit da we ai,

Jinghpaw Hanson Version Bible

²⁰ Hpara sumla ni a n san n seng ai hte, ndaw liknga lam, du manat sat ai shan hte, asai re ai ni hpe koi gam na lam, shanhte hpe laika hte shana mai ai, ngu nna ngai myit da we ai.

KASA 15:20 ပူးပေါင်းရင်းမြစ်များ

NINGPAWT NINGHPANG 35:2

Dai rai nna Yaku mung shi a dinghku masha ni hte shi hte rau nga nga ai ni yawng hte hpe, “Nanhte lu ai maigan hpara sumla ni hpe shapraw kau mu, tinang hkum hpe tinang dai shachyoi shapra nna asan aseng re ai hpun palawng ni bu hpun mu.

NINGPAWT NINGHPANG 9:4

Lam langai mi gaw asai naw rawng ai ashan hpe nanhte sha lu na myit dai n rai; dai asak gaw asai hta rawng nga ai majaw ndai lam hpe ngai hkum da nngai.

PRU MAT 20:23

Ngai hpe nawku ai hta, tinang a matu aja hpara, gumhpraw hpara ni hpe galaw lu na myit dai n rai.

EZEKELA 33:25

Tsaw Htum ai dai Madu ngai tsun nga ai ga shanhte hpe ning ngu htawn tsun u: Nanhte gaw sai hte hpawn ashan sha nga myit dai. Nanhte gaw hpara sumla ni hpe nawku nga myit dai. Nanhte gaw masha sat ai amu hpe mung shut hpyit nga myit dai. Nanhte gaw ndai mungdan hpe madu lu na re ngu myit nawn nga myit ni?

EZEKELA 4:14

Rai ti mung, ngai gaw, “N rai law, Tsaw Htum ai Madu e, ngai gaw nye hkum nan galoi mung awu asin garai n hkrum yu nngai. Ngai gaw ma prat kaw nna dai ni du hkra shi hkrai si taw nga ai dusat shan hpa hpe rai ti mung, matse labye dusat e kawa sat da ai shan hpe mung, galoi mung n sha yu nngai. Ngai gaw matsat shabat zawn nawn ai lusha hpa hpe rai tim galoi mung n sha yu nngai,” ngu nna bai htan nngai.

Daniela 1:8

Daniela gaw hkawhkam wang na lusha sha ai hte sabyi ntsin lu ai hku nna shi a hkum hpe htung hte maren n san n seng n tai hkrup na matu myit daw dan da nga ai, dai rai nna shi gaw Ashpena hpe karum hpyi ai hte,

JAW JAU 18:6

Dai Madu gaw ndai hkan sa na lam ni jaw ya nga sai. Tinang hte n daw n hkrang ai ni hte jauwawng wawng lu na n rai.

JAW JAU 19:26

“Asai naw rawng ai shan lusha hpe sha lu na myit dai n rai. Mandan lakle bau ai amu hpa mung nanhte hkan galaw lu na myit dai n rai.

JAW JAU 3:17

Israela amyu masha ni kadai mung sau man hte asai sha lu na n rai; dai gaw Israela amyu masha ni yawng shanu nga ai shara shagu hta prat tup hkan galaw shadik shatup na hkang da ai ga matsun rai nga ai.

BU HKAWM 25:2

Dai num ni gaw shanhte hpe Moba hpara hpe nawng jau ai poi de sa nawku lawm na matu saw shaga da hkrum nga ma ai. Israela ni mung lusha hkungga sa sha nna Peora Bala hpara hpe nawku ma ai.

KASA 15:29

Ndai lam ni hpe nanhte koi gam nga myit yang nanhte a matu mai kaja ram ging na malit dai. Hkam kaja nga myit ga law,” nga ai.

KASA 21:25

Kam sham ai maigan masha ni a matu chyawm gaw sumla ni hpe nawng jau ai hpa lusha rai rai asai du manat sat ai shan, ndaw liknga n se n sa lam koi gam na matu anhte daw dan nna laika ka nna shana ngut saga ai,” ngu nna tsun mu ai.

1 KORINHTU 5:11

Ya ngai ngu mayu ai gaw, tinang hkum hpe Hkristan hpu nau wa rai nga nngai nga nhtawm me, hpye ai lam hkan ai, nammak lawhpa ai, gawkngu sumla naw ai, shatan nhkan ai; chyaru ya tai ai hte lagu lagut re ai ni hte n kanawn lu na hta n ga, shing re ai wa hte rau dung nna pyi n jawm lu n jawm sha lu na, ngu ai lam rai nga ai.

1 KORINHTU 6:13

“Lusha gaw kan a matu, kan gaw lusha a matu rai nga ai,” nga nna nanhte tsun na myit dai. Dai gaw teng nga ai, rai ti mung Karai Kasang gaw dai yan hpe rau sha jahten kau na ru ai. Dai hkum hkrang chyawm gaw hpye ai amu a matu n re ai sha, dai Madu hpe daw jau na matu rai nga ai. Karai Kasang mung hkum hkrang a ra kadawn nga ai lam ni hpe jaw ya nga ai.

1 KORINHTU 6:18

Hpye ai amu hpe koi gam nga mu: masha e tawt lai ai yubak mara yawng mayawng gaw tinang hkum hkrang a mai kaja ai lam hpe n hkra ya lu nga ai; rai ti mung hpye ai amu hta mara kap ai wa gaw, shi a hkum hkrang hpe nan shut hpyit da wu ai.

1 KORINHTU 6:9

N hkru n kaja ai ni gaw Karai Kasang a mungdan a sali wunli n hkam la lu na re ai, nanhte n chye nga myit ni? Lam hkum dam myit; hpye ai amu galaw ai ni, gawkngu sumla nawku ai ni, num shaw ai ni, la shada tam ai ni,

1 KORINHTU 7:2

Rai ti mung hpye ai amu nau wa law htam nga ai majaw, dai hpe koi gam na matu lasha shagu gaw shi a madu jan lu u ga, numsha shagu mung shi a madu wa lu u ga.

1 KORINHTU 8:1

Ya nanhte laika hte san dat ai sumla ni hpe nawng jau ai lusha ni hte seng nna ngai tsun htai dan na nngai. “Anhte yawng hte wa machye machyang rawng ai ni hkrai rai ga ai,” nga nna shanhte tsun ai gaw teng nga ai. Rai ti mung, dai baw machye machyang gaw masha hpe gumrawng gumtawng shangun nga ai.

2 KORINHTU 12:21

Nanhte hpang de ngai bai du ai shaloi Karai Kasang gaw ngai hpe nanhte a man e shagrit kau ai hkrum shangun na hpe ngai tsang nngai. Ya du hkra pyi myit malai n lu ai sha arawn alai hten nna ngang kayut ai hte nse nsa lam hkan nga ai ni law law a majaw, ngai hkrap myi prwi pru na hpe tsang nga nngai.

GALATI 5:19

Hkum shan a bungli gaw dan dan leng leng rai nga ai rai nna dai ni gaw, hpye ai amu, n san n seng ai amu, ngang kayut ai;

EHPESU 5:3

Nanhte gaw Karai Kasang a amyu masha ni rai nga myit dai majaw, hpye ai amu, n san n seng ai yawng hte hte nammak lawhpa ai hte seng ai lam ni nanhte hta e ga hte pyi n tsun myit ga,

TARA JAHPRANG 12:16

Shing ngu ti mung asai hpe lusha zawn lang lu na n rai; hka hpe zawn dai sai hpe ga de ru hkaw na rai myit dai.

TARA JAHPRANG 14:21

“Shi hkrai si ai dusat ashan hpe hkum sha myit. Nanhte hta hkan nga ai maigan masha ni hpe jaw sha na rai myit dai; shing n rai kaga maigan masha ni hpe dut ya na mai nga ai. Rai ti mung dai Madu nanhte a Karai Kasang nanhte hpe madu da nga ai majaw nanhte gaw shi a amyu masha ni rai nga myit dai. “Sagu bainam kasha hpe kanu a chyu hte hkum shapyaw myit.

TARA JAHPRANG 15:23

Rai ti mung dai ni a asai hpe lusha hku mai lang na n rai; shing rai na malai hka hpe zawn ga de ru hkaw kau na rai myit dai.

KOLOSE 3:5

Dai re ai majaw anhte a kata e amu galaw nga ai mungkan ga a ra marin ai myit ni, hpye ai amu, n tsawm n htap awu asin re ai amu, ngang kayut ai, n hkru n hkra re ai marin marit ai hte lawhpa ai (lawhpa ai gaw gawkngu naw ai amyu mi rai nga ai.) lam re ai ni hpe nanhte sat kau lu na rai myit dai.

1 HTESALONI 4:3

Karai Kasang gaw, nanhte hpe chyoi pra san seng shangun mayu ai hte n se n sa re ai hku asak hkrung ai lai len kaw na tsep kawp lawt na matu ra sharawng nga ai.

HEBRE 12:16

Lai kyang n kaja nna wenyi makam masham n rawng ai hte shat ma mi a matu sha shi a hpu lat aya dut sha kau ai Esaw zawn, nanhte kadai hta mung n byin u ga, sadi nga mu.

HEBRE 13:4

Hkungran ai lam hpe masha yawng mayawng hkungga shagrau lu na rai myit dai hte madu wa madu jan shada da a ntsa e sadi dung nga lu na rai myit dai; Karai Kasang gaw arawn alai hten ai ni hte num shaw la shaw ai ni hpe jeyang na ra ai.

1 PETRU 4:3

Nanhte gaw lai wa sai aten hta ram ram wa na hkra maigan masha ni galaw mayu ai baw hkan galaw lai wa manit dai. Nanhte a asak hkrung lam hpe tara n hkan ai n htap n htuk ai amu, marin marit ai amu, chyaru nang ai, n se n sa galaw ai, nang ai baw malu masha sha ai, tsa lu poi ni galaw ai, hta jai lang manit dai. Dai ni hta grau matsat shabat hkyet rung hpa gaw, sumla ni hpe nawku ai lam rai nga ai.

SHINGRAN 10:2

Shi a lata hta hpaw nga ai laika shabawn kaji langai mi lang da wu ai. Shi a hkra lagaw hpe panglai ntsa e, pai lagaw hpe hkarang ntsa e kabye da nna,

SHINGRAN 10:8

Dai hpang, lamu de na ngai na yu ai nsen ngai hpe bai tsun ai gaw, “Panglai hte hkarang ntsa e tsap nga ai lamu kasa a hpaw nga ai laika hpe sa la su,” nga ai.

SHINGRAN 2:14

Rai ti mung sumla ni hpe nawng ya ai hkungga shahpa ni hpe sha na hte, nse nsa ngu ai hpye ai amu galaw ai hta Israela masha ni hkan sa nna yubak mara galaw hkra Balak hpe hpaji daw ya ai Balam a sharin shaga ai hta hkan nang ai masha nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.

SHINGRAN 2:20

Rai ti mung ngai nang hpe mara shagun na lam langai mi mu nngai. Hpa majaw nga yang, nang gaw, tinang dai ‘Karai Kasang kaw na du sa ai kasa rai nngai,’ nga nna tsun ai num Yezebela hpe shi ra ai hku di shangun ai hte hkap la tawn ndai. Shi gaw nye a shangun ma ni hpe hpye ai amu galaw na hte sumla ni hpe nawng ya ai lusha ni hpe sha na lam sharin ya nna, shanhte hpe shut hpyit lam dam shangun mu ai.

SHINGRAN 9:20

Ndai tsin-yam tsindam hta na lawt lu nna naw ngam nga ai shinggyim masha ni gaw, shanhte galaw ai amu kaw na myit malai n lu ma ai. Shanhte gaw jinat ni hpe mung, myi n mu, na n na lu ai hte n chye hkawm ai, ja, gumhpraw, magri, nlung hte hpun sumla ni hpe nawku ai lam hpe mung n jahkring kau ma ai.

1 SAMUELA 14:32

gumlau hpyen ni kaw na shanhte kashun la lu ai sagu hte dumsu kasha ni hpe dai shara hta nan sat tawn nhtawm shan hte asai katsing hprap hprap sha ma ai.

1 SAMUELA 14:33

Shaloi, “Yu mu, ndai amyu masha ni gaw sai rawng ai shan katsing sha nna dai Madu hpe shut kau manu ai,” ngu nna Shawlu hpe tsun dan mu ai. Shawlu gaw, “Nanhte gaw ga lale ai ni she rai nga myit hka! Ndai yang e nlung kaba langai galau tawn da ya mi!,” ngu nna jahtau tsun wu ai.