KASA 15:2 - Jinghpaw Common Language Bible 2009

² De a majaw bra na lam pru nna Pawlu yan Barnaba gaw dai masha ni hte dai lam hte seng nna aja awa ndang kalang hkat ma ai. Dai majaw hpung gaw ndai ndang kalang hkat ai lam hte seng nna bawng ban jahkrup na matu Pawlu yan Barnaba hte Antioki hpung na myit su nkau mi hpe Yerusalem de nga ai kasa ni hte salang ni hpang de shangun dat na myit hkrum daw dan ma ai.

Jinghpaw Hanson Version Bible

² De a majaw bra na lam pru nna, Pawlu yan Barnaba dai ni hte grai ndang kalang hkat ma yang, dai lam hpe jahkrup yu na matu, hpunau ni gaw, Pawlu yan Barnaba hte shanhte hta na nkau mi hpe, Yerusalem de nga ai kasa ni hte salang ni hpang de, shangun dat na san da ma ai.

KASA 15:2 ပူးပေါင်းရင်းမြစ်များ

PRU MAT 18:23

Nang gaw ndai amu hpe Karai Kasang hkang da ai hte maren galaw ai rai yang, nang hkum nan hki ba na rin dai n rai, ndai amyu masha ni yawng gaw shanhte hparan la lu sai ndang kalang lam ni hte nta de wa lu na mara ai,” ngu nna tsun wu ai.

KASA 10:23

Petru gaw, shanhte hpe nta nhku de saw shaga jashawn nhtawm shana shayup nna manam daw mu ai. Ya hpang shani shi hkyen la nna shanhte hte rau sa wa ai. Yopa mare na kam sham ai ni nkau mi mung shi hte rau hkan nang sa ma ai.

KASA 11:12

Dai Chyoi Pra ai Wenyi gaw myit n ganung nga ai sha shanhte kaw hkan sa na ngai hpe tsun ni ai. Yopa mare na kam sham ai hpu nau ni marai kru mung ngai hte rau hkan nang ma ai rai nna anhte yawng Korneli a nta de shang sa ga ai.

KASA 11:30

Dai hte maren shanhte galaw nna Dai gumhpraw hpe Barnaba yan Shawlu a lata hte hpung salang ni hpang de shagun dat ma ai.

KASA 15:25

Dai re ai majaw anhte yawng jawm bawng yu nna masha nkau mi hpe nanhte hpang de kasa shangun dat na myit hkrum saga ai. Shanhte gaw anhte tsaw ra ai Barnaba yan Pawlu hte rau sa wa na mara ai.

KASA 15:27

Dai re ai majaw anhte gaw, Yuda yan Sila hpe nanhte hpang de shangun dat ga ai rai nna, shan a n-gup hte nan laika hta rawng ai lam hte maren tsun dan na mara ai.

KASA 15:4

Yerusalem mare de du ai shaloi hpung masha ni kasa ni hte salang ni, shanhte hpe hkap hkalum la ma ai rai nna, Pawlu hte manang ni mung Karai Kasang shanhte hta galaw dan ai lam magup hpe hkai dan ma ai.

KASA 16:4

Shanhte gaw dai mare ni hpe ga sa wa let, Yerusalem na kasa ni hte salang ni daw dan da ai tara ni hpe tsun sanglang dan ai hte kam sham ai ni madat mara hkan sa na matu matsun da ma ai.

KASA 21:18

Hpang shani Pawlu gaw anhte hte rau Yaku kaw shang jahkrum ga ai, hpung salang ni yawng mung shi kaw sa hpawng nga ai ten rai nga ai.

1 KORINHTU 1:1

Karai Kasang a myit ra ai hte maren, Hkristu Yesu a Kasa aya hta dang da hkrum ai ngai Pawlu hte anhte a hpu nau wa Sosteni gaw,

2 KORINHTU 11:5

Ngai gaw dai nanhte a kaba htum ai kasa ni ngu nna shagrau da ai kasa ni hta kachyi mi pyi grit ai wa n re ngu nna ngai nawn nga nngai.

GALATI 2:5

Rai ti mung dai Kabu Gara Shiga a teng man ai lam nanhte a matu agrin nga lu u ga, anhte gaw shanhte hpe manit hkum mi pyi asum jaw shayawm ya ga ai n rai.

YUDA 1:3

Nye a tsaw ra ai ni e, anhte yawng jawm kam sham hkap la da sai hkye hkrang la ai lam nanhte hpang de ka dat na ngai grai shakut shaja nga nngai shaloi e, Karai Kasang gaw shi a masha ni hpe prat dingsa a matu lang mi hte sha ap ya da sai makam masham a matu matut nna dakring dalang gasat gala makawp maga sa wa na lam nanhte hpang de kalang ta laika ka nna n-gun jaw shadum shahprang na ra nga ai hpe ngai mu hkrup nngai.

1 SAMUELA 8:7

dai Madu gaw, “Amyu masha ni nang hpe tsun ai lam magup hpe madat u, shanhte nang hpe kau ai n rai; shanhte a hkawhkam n tai na hku shanhte kau ai gaw ngai mahtang she rai nga nngai.