KASA 15:14 - Jinghpaw Common Language Bible 2009

¹⁴ Karai Kasang gaw shawng nna maigan amyu ni hta na nkau mi hpe shi hte seng ai amyu masha shatai na matu lata shaw la nna shanhte hpe lanu lahku ai lam madun dan manu ai lam Simun tsun shaleng dan sai.

Jinghpaw Hanson Version Bible

¹⁴ Karai Kasang gaw maigan amyu ni hta na, shi a amying ningsang a matu, masha amyu mi hpe shaw la na nga, kaning rai shawng nna shanhte kaw kawan katsan sa yu sai lam, Simun tsun dan ma ni ai.

KASA 15:14 ပူးပေါင်းရင်းမြစ်များ

ESAIA 43:21

Shanhte gaw nye a matu ngai lata san da ai amyu masha ni rai ma ai, shanhte gaw nye a shakawn kungdawn ga ni hpe mahkawn na mara ai!,” ngu nna tsun ai.

LUKA 1:68

“Dai Madu Israela a Karai Kasang hpe shakawn kungdawn shagrau sha-a nga ga law! Shi a amyu Israela hpe karum la na kawan yu sa nna shanhte hpe shalawt dat nu ai.

LUKA 1:78

Anhte a Karai Kasang gaw tsaw ra matsan dum ai myit hte hpring tsup nga ai: shi a hkye hkrang la ai chyeju nhtoi gaw lamu ntsa na jan shingkang zawn anhte a ntsa e du nna;

LUKA 2:25

Dai ten hta Simun mying ai masha langai mi Yerusalem mare e nga ai, dai wa gaw ding hpring ai hte Karai Kasang hpe hkrit hkungga nna, Israela hpe hkye hkrang la na lam myit mada ala nga ai wa rai nga ai.

ROMA 1:5

Masha amyu baw shagu gaw Yesu Hkristu hpe kam sham nna madat mara mu ga she Karai Kasang gaw shi a mying nsang a marang e Hkristu a matu mara Kasa langai mi tai na ahkang chyeju ngai hpe jaw ni ai.

ROMA 11:36

Hpa majaw nga yang arai yawng mayawng hte hpe shi hpan da nu ai rai nna yawng mayawng hte gaw shi a matu mara pra nga ai a majaw shi kaw e htani htana hpung shingkang anga nga u ga law! Amen.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte hkye hkrang la ai Madu Yesu Hkristu a ding hpring ai lam hta anhte zawn hpu la ai makam masham lu la nga ai ni hpang de ga shana dat nngai.