KASA 15:13 - Jinghpaw Common Language Bible 2009

¹³ Shan ga shaga htum jang, Yaku mung “Hpu nau ni e, Nye ga madat ya yu mi!

Jinghpaw Hanson Version Bible

¹³ Shan a ga htum jang Yaku mung, “Hpunau ni e, nye ga madat ya yu mi:

KASA 15:13 ပူးပေါင်းရင်းမြစ်များ

MARKU 15:40

Dai kaw numsha nkau mi mung tsan tsan kaw nna yu nga ma ai. Shanhte hta, Magdala Mari, Yaku kaji yan Yosep a kanu Mari hte Salome ni lawm nga ma ai.

KASA 12:17

Petru gaw shanhte atsin sha rai nga na matu lata dingsi nhtawm shi hpe Madu e htawng hta na kaning rai shaw la ai lam, shanhte hpe tsun dan nna, “Ndai lam ni Yaku hte kam sham ai kahpu kanau ni hpe tsun shana dan mu,” ngu mu ai; shaloi shi pru nna shara kaga de sa mat wa ai.

KASA 15:14

Karai Kasang gaw shawng nna maigan amyu ni hta na nkau mi hpe shi hte seng ai amyu masha shatai na matu lata shaw la nna shanhte hpe lanu lahku ai lam madun dan manu ai lam Simun tsun shaleng dan sai.

KASA 2:14

Dai hpang Petru gaw kaga sape ni shi langai hte rau rawt tsap nna nsen shaja let dai masha ni hpe tsun mu ai gaw, “Yuda mung na ni hte Yerusalem mare e nga nga ai ni nlang hte e, ndai lam nanhte chye na myit ga, nye a ga hpe mung madat la mu!

KASA 2:22

Israela masha ni e, ga ndai ni hpe madat la mu! Karai Kasang gaw mauhpa magam amu ni hte lamik kumla ni hpe Nazaret wa ngu ai Yesu a lata hte nanhte a man e madun dan sai. Dai rai nna shi gaw Karai Kasang kaw na daru magam ahkang aya lu ai wa re ai lam dan leng wa sai. Dai lam ni gaw nanhte a man e byin lai wa sai majaw nanhte ni nan chye nga myit dai.

KASA 2:29

“Hpu nau ni e, anhte a kaji daju rai nna kajai gumhkawng ai Dawi a lam hpe ngai asan sha tsun dan na n ngai. Shi gaw si wa ai hte lup makoi hkrum sai rai nna shi a lup gaw dai ni du hkra anhte hte rau nga nga ai.

KASA 21:18

Hpang shani Pawlu gaw anhte hte rau Yaku kaw shang jahkrum ga ai, hpung salang ni yawng mung shi kaw sa hpawng nga ai ten rai nga ai.

KASA 22:1

“Hpu nau ni hte ji wa ni e, nanhte a man e ngai mara n lu ai lam ga htan ai hpe madat mara ya mi.”

KASA 7:2

Stehpan gaw, “Hpu nau ni hte wa ni e, ngai tsun ai hpe madat mara yu mu! Anhte a kaji daju Abraham, Haran mare de garai n wa nga, Mesopotamia mung e naw rai nga yang, hpung shingkang rawng ai Karai Kasang gaw shi kaw dan pru nna,

GALATI 1:19

Dai Madu a kanau Yaku hta kaga kasa gale kadai hpe mung ngai n mu nngai.

GALATI 2:12

Yaku shangun dat ai masha nkau mi dai de garai n du sa wa ai shawng e Petru gaw maigan hpu nau ni hte rau shat sha nga ai, rai ti mung dai shangun dat hkrum ai masha ni du sa wa ai shaloi matu gadoi hkam ai ni hpe hkrit kang nga ai majaw maigan masha ni hte rau shat sha nga ai kaw na pru yen mat ai.

GALATI 2:9

Shing rai ngai hpe jaw da ai chyeju hpe mu ma ai shaloi, nawku hpung a daw hpum ningbaw ningla ni ngu ging na n san ai Yaku, Petru hte Yawhan hte gaw Karai Kasang ngai hpe jaw ya sai laksan lit hpe masat masa galaw ya masai; dai rai nna anhte yawng gaw magam gun kanawn manang ni re ai lam kumla madun ai hku nna shanhte gaw Barnaba hte ngai hpe hkra lata matut shakram la mani ai; anhte gaw maigan masha ni kaw magam gun na hte, shanhte gaw Yuda masha ni kaw magam gun na matu myit hkrum da saga ai.

YAKU 1:1

Karai Kasang hte Madu Yesu Hkristu a shangun ma rai nga ai Yaku kaw nna mungkan ting de chyam bra nga ai Karai Kasang a masha ni hpang de shakram dat ai.

YAKU 1:19

Nye a tsaw ra ai hpu nau ni e, ndai lam matsing tawn da nga mu! Nanhte langai hte langai gaw na la na mahtang lawan nna tsun shaga na hte masin pawt na lam hta hkum tin nga mu.