KASA 15:12 - Jinghpaw Common Language Bible 2009

¹² Barnaba yan Pawlu gaw shan a lata hte maigan amyu ni hta Karai Kasang galaw dan ai lamik kumla ni hte mauhpa amu ni yawng a lam hkai dan nga ma yang, shawa hpung ting atsin sha madat nga ma ai.

Jinghpaw Hanson Version Bible

¹² Shaloi shawa hpung ting atsin sha nga nna, Barnaba yan Pawlu, shan a lata hte maigan amyu ni hta, Karai Kasang kaning re ai lamik kumla hte mauhpa amu shabyin ya ai lam ni hkai dan ai ga, madat nga ma ai.

KASA 15:12 ပူးပေါင်းရင်းမြစ်များ

YAWHAN 4:48

Yesu gaw, “Nanhte gaw lamik kumla hte mauhpa amu ni n mu myit yang gaw, nanhte langai mi mung galoi mung kam na n rai myit dai,” ngu nna shi hpe tsun wu ai.

KASA 14:27

Ya shan Antioki de du wa ma yang hpung masha ni hpe jahpawng tawn nhtawm Karai Kasang shan hta galaw ai lam yawng mayawng mung, maigan amyu ni kam sham wa na matu shi chyinghka gara hku hpaw ya sai lam hkai dan mu ai.

KASA 15:3

Shing rai hpung masha ni gaw, shanhte hpe mare shinggan de du hkra sa sa dat ma ai. Dai shangun dat hkrum ai kasa ni gaw Hponisha mung hte Samari mung hku ga lai sa wa let, maigan masha ni gara hku myit malai lu nna Karai Kasang hpang de kayin wa ma ai lam hkai dan ma ai. Dai shiga hpe na ai shaloi kam sham ai ni yawng hpe grai kabu shangun mu ai.

KASA 15:4

Yerusalem mare de du ai shaloi hpung masha ni kasa ni hte salang ni, shanhte hpe hkap hkalum la ma ai rai nna, Pawlu hte manang ni mung Karai Kasang shanhte hta galaw dan ai lam magup hpe hkai dan ma ai.

KASA 21:19

Pawlu shanhte hpe shachyen ngut jang, shi gun hpai ai amu majaw kaga maigan masha ni hta Karai Kasang shabyin wa ai amu lam langai hte langai hkai dan mu ai.

ROMA 15:18

Maigan amyu ni Karai Kasang a ga madat mara wa hkra Hkristu gaw ngai hpe jai lang ai lam hpe chyu sha ngai nden ja ai hte tsun na nngai. Maigan amyu ni madat mara lu hkra Hkristu gaw ngai tsun shaga ai mung sumtu ga hte galaw ai sat lawat hku nna mung ngai galaw ai laklai ai lamik kumla ni hte mauhpa magam amu ni hku nna mung, Chyoi Pra ai Wenyi a atsam madun ai hku nna mung ngai hpe jai lang nu ai.