KASA 15:11 - Jinghpaw Common Language Bible 2009

¹¹ Anhte mung shanhte zawn Madu Yesu a chyeju hte kam sham nga ga ai,” nga nna tsun mu ai.

Jinghpaw Hanson Version Bible

¹¹ Anhte mung shanhte zawn, Madu Yesu a chyeju hte sha hkye hkrang la ai kaw du na, anhte kamsham nga ga ai,” ngu nna tsun mu ai.

KASA 15:11 ပူးပေါင်းရင်းမြစ်များ

ROMA 3:24

Rai ti mung, manu jahpu n ya ai sha Karai Kasang a chyeju hte Yesu Hkristu a marang e ding hpring ai kaw du wa lu ma ai.

ROMA 5:15

Rai ti mung dai lahkawng yan gaw maren n rai hpa majaw nga yang Karai Kasang a chyeju kumhpa hte Adam a yubak mara tawt lai ai lam n bung ai sha shai hkat nga ma ai. Dai marai langai mi a shut hpyit tawt lai ai yubak mara a majaw masha law law a matu si ai lam byin pru wa ai ngu ai gaw teng nga ai. Rai ti mung Karai Kasang a chyeju gaw grau kaba nga ai rai nna Yesu Hkristu ngu ai masha langai mi a chyeju hte masha lanlak hpe jaw ai chyeju kumhpa chyawm gaw grau nna law htam wa na rai nga sai.

ROMA 6:23

Hpa majaw nga yang yubak a shabrai gaw si mat ai rai nga ai, rai ti mung Karai Kasang a chyeju kumhpa chyawm gaw anhte a Madu Hkristu hte langai sha rai nga ga ai majaw lu la ai htani htana asak nan rai nga ai.

1 KORINHTU 16:23

Madu Yesu a chyeju gaw nanhte hte rau anga nga u ga.

2 KORINHTU 8:9

Nanhte gaw anhte a Madu Yesu Hkristu a chyeju hpe chye nga myit dai; Madu Yesu gaw shi sut su nga ai rai ti mung, nanhte a matu mara shi hkum nan hpe matsan masha shatai nu ai, shi a matsan mayan hkrum ai a majaw nanhte sut su wa manit dai.

GALATI 1:6

Hkristu a chyeju hta nanhte hpe shaga la ai wa kaw na nde wa lawan ai hku hka wa nna, Kabu Gara Shiga kaga amyu ni hkap la nga myit dai majaw nanhte hpe mau nga nngai.

GALATI 2:16

Rai ti mung masha gaw jep ai tara hpe hkan sa shadik ai magam bungli hte Karai Kasang a man e ding hpring wa lu ai n rai; Yesu Hkristu hpe kam sham ai hte sha ding hpring wa lu ga ai hpe anhte chye ga ai majaw anhte mung jep ai Tara hpe hkan sa shadik ai magam bungli hte n rai, Hkristu Yesu hpe kam sham ai a marang e Karai Kasang a man e ding hpring ai ni tai wa lu u ga, anhte pyi Hkristu Yesu hta e kam sham saga ai; hpa majaw nga yang, dai jep ai Tara hpe hkan sa shadik ai magam bungli hte kadai mung Karai Kasang a man e ding hpring ai kaw n du wa lu ma ai.

TITU 2:11

Hpa majaw nga yang, Karai Kasang gaw masha amyu yawng hpe shi a hkye hkrang la ai chyeju shapraw shadan dan nu ai.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.