KASA 15:1 - Jinghpaw Common Language Bible 2009

¹ Ya Yuda mung na ni nkau mi Antioki mare de sa du nna, kam sham ai hpu nau ni hpe, “Nanhte Mawshe a jep ai Tara hte maren matu gadoi lam n hkan myit yang gaw, hkye hkrang la ai kaw n du lu na myit dai,” ngu nna sa sharin mu ai.

Jinghpaw Hanson Version Bible

¹ Ya Yuda mung na ni nkau mi sa du nna, hpunau ni hpe, “Nanhte Mawshe a htung hte maren matu gadoi lam n hkan myit yang gaw, hkye hkrang la ai kaw n du lu na myit dai,” ngu nna sa sharin mu ai.

KASA 15:1 ပူးပေါင်းရင်းမြစ်များ

JAW JAU 12:3

Dai ma hpe matsat ya ngu na shani e matu gadoi na rai nga ai.

YAWHAN 7:22

Mawshe gaw nanhte a shadang sha ni hpe matu gadoi na lam hkang da manit dai. Dai rai nna nanhte gaw Bansa Nhtoi hta nan matu gadoi ai lam galaw manit dai. (Kaja wa nga yang, matu gadoi ai lam hpang dat ai wa gaw Mawshe n rai, nanhte a nji nwa ni she rai ma ai.

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

KASA 15:22

Dai hpang kasa ni hte salang ni gaw hpung masha yawng hte bawng ban nna shanhte hta na masha nkau mi hpe lata la nhtawm, Pawlu yan Barnaba hte rau Antioki de shangun dat na lam myit hkrum daw dan ma ai. Shanhte gaw kam sham ai ni grai hkungga ai hte kam mai ai Barsaba ngu ai Yuda hte Sila yan hpe lata la nna,

KASA 15:23

shan a lata hku laika langai mi ka ya dat mu ai. Dai laika hta: “Nanhte a hpu nau ni rai nga ai anhte kasa ni hte salang ni gaw, Antioki mare hte Suri mung, Kiliki mung hkan e nga ai maigan amyu Hkristan hpu nau ni hpang de ngwi pyaw ai ga shana shakram dat ga ai.

KASA 15:24

Anhte kaw na masha nkau mi gaw, anhte a hkang matsun dat ai lam n lu la ai sha nanhte hpang de sa nna ga hte nanhte a myit hpe sharu shatsang ga li ga law di ya nga ma ai lam anhte na lu sagaw ai.

KASA 15:3

Shing rai hpung masha ni gaw, shanhte hpe mare shinggan de du hkra sa sa dat ma ai. Dai shangun dat hkrum ai kasa ni gaw Hponisha mung hte Samari mung hku ga lai sa wa let, maigan masha ni gara hku myit malai lu nna Karai Kasang hpang de kayin wa ma ai lam hkai dan ma ai. Dai shiga hpe na ai shaloi kam sham ai ni yawng hpe grai kabu shangun mu ai.

KASA 15:32

Yuda yan Sila gaw myihtoi mung rai nga ma ai majaw, shanhte hte aten galu galang ga shaga nna nden marai hte Wenyi n-gun atsam, lu la shangun mu ai.

KASA 15:5

Rai ti mung Hparishe hpung hta lawm ai kam sham ai masha nkau mi rawt nna, “Maigan masha ni mung matu gadoi hkam la ra ai hte Mawshe a Tara hkan shadik ra ai,” nga nna tsun ma ai.

KASA 21:20

Shing nga tsun dan ai hpe na jang shanhte yawng Karai Kasang hpe shagrau sha-a ma ai. Dai hpang shanhte gaw Pawlu hpe, “Hpu wa e Yuda masha ni hta na kam sham ai ni gade hkying mun law nga ma ai lam, shanhte yawng dai jep ai Tara hta myit jung ai hkrai rai nga ma ai lam nang chye nga ndai.

KASA 6:14

Nazaret na Yesu ngu ai wa gaw, Nawku Htingnu hpe hpya kau nna anhte hpe Mawshe jaw da ai Tara a htung hking ni hpe galai kau na rai nga ai nga nna ndai wa shi nan tsun ai ga anhte na saga ai,” ngu nna tsun mu ai.

GALATI 2:1

Dai hpang shi mali ning lai yang she Titu hpe mung woi shalawm let Barnaba hte rau Yerusalem mare de ngai bai lung wa nngai.

GALATI 5:6

Kaning rai nme law, anhte gaw Hkristu Yesu hta e rai nga ga yang gaw, matu gadoi hkam ai n hkam ai ngu ai gaw hpa ahkyak n rai nga ai; ra ahkyak ai lam gaw tsaw ra myit dan dawng hkra amu galaw ai dai makam masham she rai nga ai.

GALATI 6:12

Matu gadoi hkam la na matu nanhte hpe adip arip di nna shangun ai masha ni gaw, shinggan masat maka kumla ni a matu arawng mala madun sha ai ni rai ma ai. Rai ti mung shanhte shing rai galaw ai lam gaw Hkristu a wudang a majaw zingri zingrat ai hkrum na hpe tsang ai majaw rai nga ai.

KOLOSE 2:16

Dai re ai majaw, sha hpa, lu hpa hte, shata praw shani hte Bansa Nhtoi a lam kadai mung nanhte a matu tara jahkrat nna n jeyang mu ga.

KOLOSE 2:8

Hkristu a hkang da ai kaw na n re ai sha, shinggyim masha ni a matsun maroi ga hkan nna akyu n rawng ai myit sawn hpaji hku nna hkalem hkalau ai lam hte mung, lamu ganghkau n-gawn tawa hta nga ai nat hpara ni kaw na pru ai sharin shaga ai lam ni hte mung, kadai mung nanhte hpe mayam n shatai myit ga, sadi nga mu.