KASA 14:5 - Jinghpaw Common Language Bible 2009

⁵ Shaloi, maigan masha nkau mi hte Yuda masha ni gaw shanhte a agyi salang ni hte hpawn, kasa ni hpe aroi arip di nna nlung hte kabai sat na myit hkrum daw dan ma ai.

Jinghpaw Hanson Version Bible

⁵ Ya maigan masha hta na ni mung, Yuda masha ni hte shanhte a agyi ni mung, shan hpe aroi arip di nna nlung hte kabai sat na nga htim ma ai hpe,

KASA 14:5 ပူးပေါင်းရင်းမြစ်များ

SHAKAWN KUNGDAWN 83:5

Shanhte gaw shanhte a yaw shada ai lam hpe jawm myit hkrum da ma ai, nang hpe gumlang na matu, jinghku hpung langai hpe jawm hpaw ninghtan da nga ma ai:

MAHTE 5:44

Rai ti mung, ya ngai nanhte hpe tsun made ai gaw: nanhte a hpyen ni hpe tsaw ra mu; nanhte hpe zingri ai ni a matu mara akyu hpyi ya mu.

LUKA 6:28

Nanhte hpe dagam ai ni hpe shaman ya mu; nanhte hpe aroi arip di ai ni a matu akyu hpyi mu.

KASA 13:45

Yuda masha ni chyawm gaw, dai shawa hpawng hpe mu jang, manawn ai myit hte hpring chyat nga ma ai rai nna, Pawlu tsun ai lam hpe ndang hkat ai hte aroi ara ngu da mu ai.

KASA 13:50

Rai ti mung Yuda masha ni gaw mare na du agyi salang ni hte Karai Kasang hpe nawku kam sham ai lahta tsang maigan amyu num sha ni hpe myit sharawt jashut nhtawm Pawlu Yan Barnaba hpe zingri zingrat di shangun ai hte, shanhte a lamu ga kaw na gawt shapraw kau ma ai.

KASA 14:19

Dai hpang Pesidi mung na Antioki hte Ikoni mare hkan na Yuda masha nkau mi sa du nna shawa hpawng hpe shanhte maga lawm hkra woi awn nhtawm, Pawlu hpe n lung hte kabai nna shi hpe si mat sai zawn nawn ai majaw, mare shinggan de garawt shapraw kau mu ai.

KASA 14:2

Rai ti mung, n kam n sham ai Yuda masha ni gaw maigan masha ni hpe woi kasu kabrawng nna kam sham ai ni hpe n ju n dawng na hku nhtang gumlau mu ai.

KASA 14:4

Mare masha ni chyawm gaw myit bra wa ma ai rai nna, nkau mi Yuda ni hpang de, nkau mi kasa ni hpang de, rai mat ma ai.

KASA 17:5

Rai ti mung Yuda masha ni myit manawn ai majaw, mare lam hkan na akyu n rawng pagawn para re ai n hkru n kaja ai masha ni hpe saw la nhtawm shawa hpawng langai mi byin hkra shinggyin la nna mare ting hpe woi kabrawng shangun mu ai. Shanhte gaw Yasun a nta de shang nna Pawlu yan Sila hpe shawa hpawng a man de shapraw na hku tam ma ai.

2 KORINHTU 11:26

Ngai law law lang bu hkawm sa ai hta hka tung wa nna hkrum ai tsin yam, damya hkrum ai tsin yam, nye a Yuda amyu masha ni di ai tsin yam, maigan amyu ni e di ai tsin yam, mare kahtawng hkan hkrum ai tsin yam nam mali hkan hkrum ai tsin yam, nammukdara e hkrum ai tsin-yam, masu ai hpu nau ni e di ai tsin yam ni hpe hkrum katut lai wa ni ai.

1 HTESALONI 2:14

Hpu nau ni e nanhte hta byin hkrum hkra ai lam ni gaw, Yuda mung na Karai Kasang a Hpung ni rai nga ai Hkristu a masha ni hta mung hkrum hkra nga ma ai. Nanhte gaw tinang a buga masha ni a lata hta zingri zingrat hkrum ai zawn, shanhte mung Yuda masha ni a lata hta hkrum nga ma ai.

1 HTESALONI 2:16

Anhte maigan masha ni hpe shanhte kaning rai hkye hkrang la hkrum lu na lam hkaw tsun ai hpe pyi Yuda masha ni hkum shingdang shakut ma ai. Ndai lai hku nna shanhte shut hpyit nga ai yubak mara ni hpe hkum hkra galaw manu ai. Dai rai nna hpang jahtum e Karai Kasang a pawt sindawng ai gaw shanhte a ntsa de du hkrat wa sai!

1 HTESALONI 2:2

Anhte gaw nanhte nga ai Htesaloni mare de garai n sa yang, Hpilipi mare e anhte hpe gara hku zingri zingrat ai hte asawng asang di ai hkrum sha saga ai hpe nanhte chye nga myit dai. Shing rai nhtan shai ninghkap ai lam law law nga ti mung, nanhte hpe Karai Kasang kaw na Kabu Gara Shiga tsun dan lu na matu anhte a Karai Kasang gaw anhte hpe nden marai jaw da mani ai.

2 TIMOHTI 3:11

nye a zingri zingrat hkrum sha ai lam, nye a nni nkri hkam ai lam, re ai ni hpe maram masam mu chye nit dai. Antioki mare, Ikoni mare, Lustra mare hkan e ngai hta byin hkrum hkra ai hkrithpa zingri zingrat lam ni hte ngai hkam sharang lai wa sai lam hpe nang yawng chye nga ndai. Madu chyawm gaw dai lam ni yawng hta na ngai hpe mawai la ni ai.