KASA 14:2 - Jinghpaw Common Language Bible 2009

² Rai ti mung, n kam n sham ai Yuda masha ni gaw maigan masha ni hpe woi kasu kabrawng nna kam sham ai ni hpe n ju n dawng na hku nhtang gumlau mu ai.

Jinghpaw Hanson Version Bible

² Rai timung, n madat hkraw ai Yuda masha ni gaw, maigan masha ni hpe myit shadut nna, hpunau ni hpe n dawng na hku gumlau mu ai.

KASA 14:2 ပူးပေါင်းရင်းမြစ်များ

YAWHAN 3:36

Kasha wa hpe kam sham ai wa gaw htani htana asak lu la wu ai; Kasha wa a ga hpe n madat ai wa chyawm gaw, asak hkrung ai lam lu la na wu ai n rai; Karai Kasang a sindawng kahtet ai ari hkrum sha na ra ai.

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

KASA 13:45

Yuda masha ni chyawm gaw, dai shawa hpawng hpe mu jang, manawn ai myit hte hpring chyat nga ma ai rai nna, Pawlu tsun ai lam hpe ndang hkat ai hte aroi ara ngu da mu ai.

KASA 13:50

Rai ti mung Yuda masha ni gaw mare na du agyi salang ni hte Karai Kasang hpe nawku kam sham ai lahta tsang maigan amyu num sha ni hpe myit sharawt jashut nhtawm Pawlu Yan Barnaba hpe zingri zingrat di shangun ai hte, shanhte a lamu ga kaw na gawt shapraw kau ma ai.

KASA 14:19

Dai hpang Pesidi mung na Antioki hte Ikoni mare hkan na Yuda masha nkau mi sa du nna shawa hpawng hpe shanhte maga lawm hkra woi awn nhtawm, Pawlu hpe n lung hte kabai nna shi hpe si mat sai zawn nawn ai majaw, mare shinggan de garawt shapraw kau mu ai.

KASA 14:4

Mare masha ni chyawm gaw myit bra wa ma ai rai nna, nkau mi Yuda ni hpang de, nkau mi kasa ni hpang de, rai mat ma ai.

KASA 14:5

Shaloi, maigan masha nkau mi hte Yuda masha ni gaw shanhte a agyi salang ni hte hpawn, kasa ni hpe aroi arip di nna nlung hte kabai sat na myit hkrum daw dan ma ai.

KASA 17:13

Rai ti mung Beria mare hta mung kasa Pawlu gaw Karai Kasang a mungga hkaw dan nga ai lam, Htesaloni mare na Yuda masha ni na chye jang, shanhte dai de sa nna, mare masha ni hpe myit sharawt nhtawm kabrawng shangun mu ai.

KASA 17:5

Rai ti mung Yuda masha ni myit manawn ai majaw, mare lam hkan na akyu n rawng pagawn para re ai n hkru n kaja ai masha ni hpe saw la nhtawm shawa hpawng langai mi byin hkra shinggyin la nna mare ting hpe woi kabrawng shangun mu ai. Shanhte gaw Yasun a nta de shang nna Pawlu yan Sila hpe shawa hpawng a man de shapraw na hku tam ma ai.

KASA 18:12

Galio gaw Ahkaia mung e munggyi rai nga yang Yuda masha ni masha jahpawng la nhtawm Pawlu hpe rim la nna tara tingnyang a man de woi wa mu ai.

1 HTESALONI 2:14

Hpu nau ni e nanhte hta byin hkrum hkra ai lam ni gaw, Yuda mung na Karai Kasang a Hpung ni rai nga ai Hkristu a masha ni hta mung hkrum hkra nga ma ai. Nanhte gaw tinang a buga masha ni a lata hta zingri zingrat hkrum ai zawn, shanhte mung Yuda masha ni a lata hta hkrum nga ma ai.