KASA 14:18 - Jinghpaw Common Language Bible 2009

¹⁸ Shing nga tsun ai ga hte pyi shawa masha ni shan hpe hkungga jaw na lam, n hkum dang na daram she rai wa ai.

Jinghpaw Hanson Version Bible

¹⁸ Shing nga tsun yang pyi, shawa masha ni shan hpe hkungga jaw na lam, n hkum dang na daram she rai wa ai.

KASA 14:18 ပူးပေါင်းရင်းမြစ်များ

NINGPAWT NINGHPANG 11:6

Shi gaw, “Yu mu, ndai ni yawng gaw amyu langai sha rai nna ga langai hpe sha shanhte shaga nga ma ai; ndai gaw shanhte nnan galaw hpang ai amu rai nga malu ai. Kade n na yang, shanhte ra sharawng hpa lam hpe mung shanhte galaw lu na mara ai!

NINGPAWT NINGHPANG 19:9

Rai ti mung, shanhte mahtang, “Yen u, nang tsasam masha wa mi anhte hpe hpa galaw na lam tsun mi ai, nang gaw kadai wa rai nga n ta? Yen u, shing n rai jang shan hpe di ai hta nang hpe mahtang grau sawng hkra di na ga ai,” ngu nna tsun mu ai. Lawt hpe shingdu de shanhte kanawng shanga kau nhtawm chyinghka hpe agrawp daw kau na matu sit lung wa ma ai.

MAHTE 13:15

Hpa majaw nga yang, shanhte a myit masin ni ayup akup rai nga nna, shanhte a na ni hpe pat kau nhtawm, myi ni hpe myi di tawn ma ai. Dai n rai taw gaw, shanhte a myi ni mu lu nna, shanhte a na ni na lu na hte, shanhte a myit masin ni mung chye na wa ai rai yang gaw, shanhte ngai hta kam hpa nna, shingbyi wa na mara ai. Ngai mung shanhte hpe shamai ya na mawe ai,’ nga nna Karai Kasang tsun ai hpe Esaia htawn tsun ai ga dik wa sai,” ngu mu ai.

YAWHAN 6:15

Yesu gaw masha ni shi hpe adip arip di rim la nna Hkawhkam shatai na maw nga ma ai hpe chye wu ai majaw, shi hkrai sha dai kawng de mayun lung mat wa ai.

KASA 14:17

Rai ti mung, shi gaw shi nga nga ai lam sakse hte hkrak galoi mung a madun nga ai, Dai sakse ni gaw mai kaja ai amu ngu ai, Sumsing lamu na marang jahtu ya nna du hkra ladaw du ai shaloi nsi naisi ngai shangun ai hte nanhte hpe lusha hte jahkru shakat nna nanhte a myit masin hpe kabu gara ai hte jahpring ya nga ai,” ngu nna jahtau tsun mu ai.

KASA 14:19

Dai hpang Pesidi mung na Antioki hte Ikoni mare hkan na Yuda masha nkau mi sa du nna shawa hpawng hpe shanhte maga lawm hkra woi awn nhtawm, Pawlu hpe n lung hte kabai nna shi hpe si mat sai zawn nawn ai majaw, mare shinggan de garawt shapraw kau mu ai.