KASA 14:16 - Jinghpaw Common Language Bible 2009

¹⁶ Shi gaw lai wa sai ban prat e masha amyu baw shagu hpe, tinang ra ai hku hkan mu ga nga, dat tawn da mu ai.

Jinghpaw Hanson Version Bible

¹⁶ Shi gaw, moi shawng na ni a ban e masha amyu baw shagu hpe, tinang ra ai hku hkan mu ga nga, dat tawn da mu ai;

KASA 14:16 ပူးပေါင်းရင်းမြစ်များ

SHAKAWN KUNGDAWN 147:20

Shi gaw kaga amyu baw ni a matu, ndai zawn re ai lam n galaw ya wu ai rai nna; shanhte gaw shi a tara ni hpe n chye nga ma ai. Dai Madu hpe shakawn mu!

SHAKAWN KUNGDAWN 81:12

Shing rai, shanhte a baw ja ai lam hku sa wa lu mu ga; shanhte ra mara hpe galaw lu mu ga, ngai shanhte hpe ahkang jaw dat nngai.

HOSEA 4:17

Israela amyu masha ni gaw hpara sumla ni a myit shalen la ai hkrum nga ma ai. Shanhte a lam hta shanhte myit ra ai hku hkan nga manu ga.

MIHKA 4:5

Masha amyu baw shagu gaw tinang a karai hpe nawku ai hte madat mara ma ai, rai ti mung anhte chyawm gaw dai Madu anhte a Karai Kasang hpe htani htana nawku ai hte shi a ga madat mara na ga ai.

KASA 17:30

Karai Kasang gaw shinggyim masha ni shi hpe n chye n chyang nna lai mat sai prat ni hpe yu shalai kau ya mu ai. Rai ti mung, ya gaw shara magup hkan na masha yawng hte hpe tinang a n hkru n kaja ai lam ni kaw na myit malai nhtang wa mu, ngu nna hkang dat ra ai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

ROMA 3:25

Hkristu si hkam ai a marang e masha ni gaw yubak mara kaw na raw dat kau hkrum na matu Karai Kasang gaw dai Madu hpe gawng malai hkungga tai na san ya sai. Masha ni gaw shi hpe kam sham ai a marang e yubak mara kaw na raw dat hkrum ma ai, Karai Kasang gaw Hkristu hpe shagu hkungga hku masat ya ai lam gaw shinggyim masha ni hpe ding hpring ai ni ngu nna gara hku hkap la ai lam madun shadan dan na matu rai nga ai. Lai wa sai prat hta Karai Kasang gaw hkam sharang nna yubak mara ni hpe yu shalai kau ya sai.

EHPESU 2:12

Dai aten hta nanhte gaw Hkristu hte daw hka mat ai ni, Karai Kasang lata la ai amyu masha ni hta n lawm ai sumtsan masha ni, shi a amyu masha ni hpe jaw da ai ga shaka hte seng ai ga ndat ni hta tsasam ni rai nna, mungkan hta myit mada shara mung, Karai Kasang mung n lu ai sha, pra nga ai masha ni rai lai wa manit dai hpe dum nga mu.

1 PETRU 4:3

Nanhte gaw lai wa sai aten hta ram ram wa na hkra maigan masha ni galaw mayu ai baw hkan galaw lai wa manit dai. Nanhte a asak hkrung lam hpe tara n hkan ai n htap n htuk ai amu, marin marit ai amu, chyaru nang ai, n se n sa galaw ai, nang ai baw malu masha sha ai, tsa lu poi ni galaw ai, hta jai lang manit dai. Dai ni hta grau matsat shabat hkyet rung hpa gaw, sumla ni hpe nawku ai lam rai nga ai.