KASA 14:1 - Jinghpaw Common Language Bible 2009

¹ Dai hte maren Ikoni mare kaw mung Pawlu yan Barnaba gaw tara jawng hta shang nna, Yuda masha ni hte maigan masha ni wunawng kaba kam sham mat hkra hkaw tsun dan ma ai.

Jinghpaw Hanson Version Bible

¹ Ya Ikoni mare e rai nga yang, shanhte gaw Yuda masha ni a tara jawng hta rau shang nna, Yuda masha hte Heleni masha wunawng kaba kamsham mat hkra, ga tsun dan mu ai.

KASA 14:1 ပူးပေါင်းရင်းမြစ်များ

MARKU 7:26

Dai numsha gaw Suri mung na Hpiniki buga e shangai wa ai Grik amyu shayi numsha langai mi rai nga ai. Shi gaw shi a shayi sha kaw na nat hpe shaden kau ya na matu hpyi nem nga ai.

YAWHAN 12:20

Dai poi laman hta nawku na matu Yerusalem mare de lung wa ai ni hta Grik masha nkau mi lawm ma ai.

YAWHAN 7:35

Ahkang aya lu ai Yuda masha ni gaw, “Anhte n mu hkra ndai wa gaw gade sa wa na ra ai i? Yuda masha ni nga bra hkawm nga ai Grik mare ni de sa nna Grik masha ni hpe hkaw tsun sharin shaga na ra ai kun?

KASA 11:21

Madu a n-gun atsam mung shanhte hta nga nga ai rai nna, masha dawwa kaba kam sham ai hte Madu hpang de kayin wa ma ai.

KASA 13:43

Ya tara jawng na shawa masha ni zuphpawng bra mat wa ai hpang Yuda masha ni law law Proselutu ni ngu ai Yuda nawku hkan ai maigan masha ni law law wa Pawlu yan Barnaba kaw hkan nang ma ai. Kasa ni mung dai masha ni hpe Karai Kasang a chyeju hta asak hkrung grin nga na matu n-gun jaw shadum jahprang mu ai.

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

KASA 13:5

Shanhte Salami mare de du ai shaloi, Yuda ni a tara jawng ni hta, Karai Kasang a mungga hkai dan ma ai. Yawhan Marku mung shan a nrum ntau tai nna karum nga ai.

KASA 13:51

Kasa yan gaw, shanhte galaw ai lam hpe n ra ai kumla hku nna tinang a lagaw kaw na ga nhpu hpe ahpu jahkrat kau da nna Ikoni mare de pru mat wa ma ai.

KASA 14:19

Dai hpang Pesidi mung na Antioki hte Ikoni mare hkan na Yuda masha nkau mi sa du nna shawa hpawng hpe shanhte maga lawm hkra woi awn nhtawm, Pawlu hpe n lung hte kabai nna shi hpe si mat sai zawn nawn ai majaw, mare shinggan de garawt shapraw kau mu ai.

KASA 14:2

Rai ti mung, n kam n sham ai Yuda masha ni gaw maigan masha ni hpe woi kasu kabrawng nna kam sham ai ni hpe n ju n dawng na hku nhtang gumlau mu ai.

KASA 14:21

Pawlu hte Barnaba yan gaw Derbe mare hta e Kabu Gara Shiga hkaw dan nna sape law law shatai la lu ma ai. Dai hpang shan gaw Lustra Ikoni mare lam hku Pesidi mung na Antioki mare de bai wa ma ai.

KASA 16:1

Pawlu gaw Derbe hte Lustra mare de du sa wa ai. Lustra mare hta Timohti mying ai Hkristan langai mi nga ai. Kanu gaw kam sham ai Yuda Hkristan num rai nna, Kawa gaw Grik masha rai nga ai.

KASA 16:2

Shi gaw Lustra mare hte Ikoni mare na hpu nau ni a man e sari sadang lu nna shakawn hkrum ai wa rai nga ai.

KASA 17:12

Shanhte hta na law law wa kam sham shajang ma ai, mung shawa a man e arawng lu ai Grik num ni la ni law law mung kam sham ma ai.

KASA 17:17

Dai re ai majaw shi gaw tara jawng hta Yuda masha ni, Karai Kasang hpe nawku kam sham ai maigan masha ni hte mung shani shagu gat hkan e lai sa lai wa masha ni hte mung dai mungga lam tsun bawng ai lam ni galaw nga ai.

KASA 17:4

Shanhte hta na nkau mi gaw kam sham nna, Pawlu yan Sila hte kanawn nga ma ai. Dai ni hta Karai Kasang hpe kam sham nawku ai Grik masha law law hte arawng lu ai num ni ram ram wa lawm nga ma ai.

KASA 18:4

Bansa Nhtoi shagu tara jawng hta Yuda masha ni hpe mung, Grik masha ni hpe mung kam sham wa hkra dai mungga lam ni woi bawng ban tsun sang lang dan nga ai.

KASA 18:8

Krispu mying ai tara jawng agyi wa mung shi a nta masha nlang hte hpawn Madu hpe kam sham ma ai; kaga Korinhtu masha ni law law mung, dai mungga na la nna kam sham ai hte hkalup hkam la ma ai.

KASA 19:10

Shing rai ni ning tup tsun bawng sharin shaga nga ai rai nna, Asi mung ting hta nga ai Yuda masha ni hte Grik amyu masha ni nlang Madu a mungga na la lu ma ai.

KASA 19:17

Dai lam hpe Ehpesu mare na Yuda masha ni hte tara maigan masha ni nlang chye ma yang, shanhte yawng hkrit mat shajang nna, Madu Yesu a mying nsang hpe shagrau sha-a shajang ma ai.

KASA 19:8

Dai hpang Pawlu gaw tara jawng de shang nna, shata masum tup nden ja ai hte Karai Kasang a Mungdan lam chye na hkap la mu ga, shanhte hte tsun hkai hkat nga nna, woi awn da wu ai.

KASA 2:47

Shanhte gaw Karai Kasang hpe shakawn kungdawn let kabu gara ai hte masha yawng a man e myi man pa nna sharawng awng ai lam hkam la nga ma ai. Karai Kasang mung shani shagu hkye hkrang la hkrum ai ni hpe jat wa shangun ya mu ai.

KASA 20:21

Yuda masha ni hpe mung, maigan masha ni hpe mung, shanhte a yubak mara ni kaw na Karai Kasang hpang de myit malai kayin wa nna, anhte a Madu Yesu hpe kam sham na matu mung, ngai aja awa sadi jaw shadum shahprang ni ai.

KASA 21:28

Shanhte gaw, “Israela masha ni e, karum la marit! Ndai wa gaw shara shagu hkan hkawm nna yawng mayawng hpe anhte Israela amyu hpe mung, Mawshe a Tara hpe mung ndai Nawku Htingnu hpe mung nhtan shai mara shagun ai hku hkaw tsun sharin shaga ai wa rai nga ai law. Dai hta n-ga ya shi gaw tara maigan masha ni hpe Nawku Htingnu kata de shaga shashawn nna ndai Chyoi pra ai shara hpe awu asin di kau nu ai law!” nga nna jahtau ma ai.

KASA 9:20

Shi gaw tara jawng ni de alawan sa du nna Yesu gaw Karai Kasang a Kasha rai nga ai lam hkaw dan nga ai.

ROMA 1:16

Hpa majaw nga yang, dai Kabu Gara Shiga hta awm dawm kam sham myit hkut nga nngai, Dai gaw shawng nnan e Yuda ni dai hpang e maigan masha ni hta kam sham ai ni kadai hpe mung hkye hkrang la hkrum shangun lu ai Karai Kasang a atsam rai nga ai.

ROMA 10:12

Hpa majaw nga yang, dai hta yawng lawm nga ai rai nna, Yuda ni hte tara maigan masha ni a lapran e lachyen lahka n nga ai sha dai Madu gaw yawng mayawng a ntsa na Madu rai nga ai hte shi hpe shaga ai ni yawng mayawng hte hpe shaman chyeju nhpaw n-ya jaw ya mu ai.

GALATI 2:3

Nye a manang wa Titu gaw Heleni masha rai nga timung kadai shi hpe adip arip hku nna matu n gadoi shangun ma ai. Masha nkau mi chyawm gaw gadoi shangun mayu ma ai.

GALATI 3:28

Dai rai nna nanhte hta shada da ginhka ginrang na lam n nga sa; Yuda amyu masha ni hte Grik masha ngu na mi n nga, mayam hte shanglawt ngu na mi n nga, lasha hte numsha ngu na mi n nga, nanhte yawng mayawng hte gaw Hkristu hta e langai sha rai nga myit dai.

KOLOSE 3:11

De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.

2 TIMOHTI 3:11

nye a zingri zingrat hkrum sha ai lam, nye a nni nkri hkam ai lam, re ai ni hpe maram masam mu chye nit dai. Antioki mare, Ikoni mare, Lustra mare hkan e ngai hta byin hkrum hkra ai hkrithpa zingri zingrat lam ni hte ngai hkam sharang lai wa sai lam hpe nang yawng chye nga ndai. Madu chyawm gaw dai lam ni yawng hta na ngai hpe mawai la ni ai.