KASA 13:7 - Jinghpaw Common Language Bible 2009

⁷ Dai wa gaw Sergiu Pawlu ngu ai myit kunghpan ai munggyi wa a jinghku langai mi rai nga ai. Dai munggyi wa gaw Karai Kasang a mungga madat la mayu nna Barnaba yan Pawlu hpe shi a man de shaga jashawn mu ai.

Jinghpaw Hanson Version Bible

⁷ dai wa gaw, Sergi Pawlu ngu ai, myit kunghpan ai munggyi wa kaw nga ai wa re ai. Dai munggyi wa Karai Kasang a mungga madat la mayu nna, Barnaba yan Shawlu hpe shaga la mu ai.

KASA 13:7 ပူးပေါင်းရင်းမြစ်များ

GA SHAGAWP 14:15

Angawk ai masha wa gaw hpa hpe mung, shi kam nga ai; myit sam ai masha ni gaw shanhte htawt na lagaw lahkam ni hpe sadi maja nga ma ai.

GA SHAGAWP 14:18

Nyan tang ai masha ni gaw angawk angak re ai shabrai hpe lu la ma ai; myit let ai masha ni chyawm gaw hpaji janmau hpe gup la nga ma ai.

GA SHAGAWP 14:8

Hpa majaw ram ai masha gaw hpaji rawng nga a ta? Shi chye nga ai majaw rai nga ai. Hpa majaw myit n kup ai masha wa gaw angawk nga a ta? Hpa majaw nga yang, shi grai chye dum nga ai majaw rai nga ai.

GA SHAGAWP 18:15

Zai byeng-ya rawng ai masha ni gaw chye la mayu ai myit, tut nawng e, katu nga ai hte; sharin la na matu jin jin rai nga ma ai.

HOSEA 14:9

Ndai ka da sai laika hpe hpaji rawng nna chye na hkawn hkrang ai ni kadai mung dai hpe chye nna myit masin hta bang da lu mu ga. Dai Madu a lam ni gaw jaw nga ai rai nna, ding hpring ai masha ni dai hta hkan hkawm ma ai; rai ti mung yubak mara lu ai ni chyawm gaw dai ni hpe hpa n nawn nga ma ai majaw ahtu kataw nga ma ai.

KASA 13:12

Munggyi wa dai byin ai lam hpe mu jang Madu a sharin shaga ai lam hpe grai mau ai hte kam sham nga ai.

KASA 13:8

Rai ti mung (Grik ga hku Eluma) mying ai Lakle sara wa gaw munggyi wa Hkristan makam masham hpe n kam n sham n hkap la hkra Pawlu yan Barnaba hpe ninghkap shingdang ma ai.

KASA 18:12

Galio gaw Ahkaia mung e munggyi rai nga yang Yuda masha ni masha jahpawng la nhtawm Pawlu hpe rim la nna tara tingnyang a man de woi wa mu ai.

KASA 19:38

Demetri hte shi janghkam manang ni marai langai ngai hte mungga lama ma rawng yang gaw, tara rung hpaw ai nhtoi ni nga ai hte mungdu ni mung nga ma ai; dai kaw mara shagun nna tara dara hkat lu nga ai.

1 HTESALONI 5:21

yawng mayawng hpe jep dinglik yu nna mai kaja ai hpe hkap la shagrin da nna,