KASA 13:52 - Jinghpaw Common Language Bible 2009

⁵² Antioki mare na sape ni chyawm gaw, kabu gara ai hte Chyoi Pra ai Wenyi hpring nga ma ai.

Jinghpaw Hanson Version Bible

⁵² Sape ni chyawm gaw, kabu gara ai hte Chyoi pra ai Wenyi hpring nga ma ai.

KASA 13:52 ပူးပေါင်းရင်းမြစ်များ

MAHTE 5:12

“Kabu nna pyaw pyaw rai nga mu, hpa majaw nga yang, sumsing lamu hta e nanhte a matu shabrai kaba langai mi tawn da ya sai! Nanhte a shawng na myihtoi ni hpe mung shanhte dai hte maren zingri zingrat di kau manu ai!

KASA 11:29

Sape ni gaw, Yuda mung na kahpu kanau ni hpang de langai hte langai rai lu ai made karum dat na nga, myit daw dan da ma ai.

KASA 2:4

Shanhte nlang hte mung, Chyoi Pra ai Wenyi hpring shajang nna, Wenyi e shadut mu ai hte maren ga amyu kaga ga hku shaga wa ma ai.

KASA 2:46

Shani shagu myit langai sha hte Nawku Htingnu hta shanhte htep lahti machyu nga nna tinang a nta ni hta myit nem ai hte kabu gara let rau sha lusha, shahpa sha ma ai.

KASA 4:31

Shing rai akyu hpyi ngut jang, shanhte hpawng nga ai shara gaw gari ashun wa nna shanhte nlang hte hta Chyoi Pra ai Wenyi hpring wa ai hte Karai Kasang a mungga hpe nden ja ai myit hte tsun dan hpang wa ma ai.

KASA 5:41

Kasa ni gaw shanhte hpe Madu Yesu a majaw kaya kahpa hkrum ging ai re ngu nna Karai Kasang e sawn ya hkrum ai majaw kabu gara ai hte Yuda kongsi hpawng kaw na pru mat wa ma ai.

ROMA 14:17

Hpa majaw nga yang, Karai Kasang a Mungdan gaw sha sha, lu lu rai nga na hku n re ai sha, Chyoi Pra ai Wenyi e jaw ya ai shaman chyeju ni rai nga ai, ding hpring ai ngwi pyaw ai hte kabu gara ai lam ni hte seng nga ai.

ROMA 15:13

Ya Chyoi Pra ai Wenyi a n-gun atsam hte nanhte a myit mada ai lam matut nna gumring gumrat galu kaba wa myit ga, myit mada ai lam a npawt rai nga ai Karai Kasang gaw, nanhte a kam sham ai lam hta e chyeju hte ngwi pyaw ai amyu myu nanhte hpe jahpring shatsup ya myit ga law.

ROMA 5:3

Dai hta n ga anhte hkrum ai tsin-yam tsindam ni hta mung kabu gumrawng ga ai; hpa majaw nga yang dai tsin-yam tsindam gaw shakut sharang ai,

2 KORINHTU 8:2

Shanhte hkam lai wa sai tsin-yam tsindam ni hta shanhte n htum n ni dinglik hkrum ma ai; rai ti mung shanhte a kabu gara ai myit nachying kaba nga malu ai rai nna shanhte gaw grai matsan mayan re ai ni rai ma ti mung, shanhte a jaw ya ai lam hta shadawn shadang n nga ai tsaw ra shawang myit rawng nga ma ai.

GALATI 5:22

Rai ti mung dai Wenyi a asi chyawm gaw, tsaw ra ai, kabu gara ai, ngwi pyaw ai, myit galu kaba ai, matsan dum ai, mai kaja ai,

1 HTESALONI 1:6

Nanhte gaw anhte a kasi ningli hte Madu a kasi ningli hpe len la hkan sa nga myit dai. Nanhte gaw nni nkri ru yak jam jau law law hkrum hkra myit ti mung, dai Kabu Gara Shiga hpe Chyoi Pra ai Wenyi kaw na lu la ai kabu gara sharawng awng ai myit hte hkap la myit dai.

YAKU 1:2

Nye a hpu nau ni e, nanhte agung alau amyu myu hte hkrum kadup myit dai shaloi e nanhte a matu kabu gara shara rai nga ai ngu nna hkam la mu.

1 PETRU 4:13

Mau nga na malai, nanhte gaw Hkristu a nni nkri hpe Hkristu hte rau shang lawm hkam la nga myit dai majaw kabu gara nga mu. Shing rai yang she shi a hpung shingkang hte dan pru ai shaloi nanhte nachying kabu gara ai hte hpring tsup wa lu na marin dai.