KASA 13:43 - Jinghpaw Common Language Bible 2009

⁴³ Ya tara jawng na shawa masha ni zuphpawng bra mat wa ai hpang Yuda masha ni law law Proselutu ni ngu ai Yuda nawku hkan ai maigan masha ni law law wa Pawlu yan Barnaba kaw hkan nang ma ai. Kasa ni mung dai masha ni hpe Karai Kasang a chyeju hta asak hkrung grin nga na matu n-gun jaw shadum jahprang mu ai.

Jinghpaw Hanson Version Bible

⁴³ Tara jawng na bra mat wa jang, Yuda ni hte tara hkungga ai proselutu ni law law wa, Pawlu yan Barnaba kaw hkan nang ma ai rai nna, Karai Kasang a chyeju hta shanhte grin nga na matu, shanhte hpe shadum jahprang shaja mu ai.

KASA 13:43 ပူးပေါင်းရင်းမြစ်များ

MAHTE 23:15

Hpyi hpun ai tara sara ni hte Hparishe ni e, nanhte dingnye lu myit dai; sape langai mi shatai la na matu nanhte gaw nammukdara hte hkarang hpe htinglet kahkrang hkawm myit dai, rai ti mung, sape shatai la ngut jang, shi hpe nanhte hta htam lahkawng grau hkra, ngarai mung hta hkrat bang na ging dan ai wa shatai myit dai.

KASA 11:23

Shi sa du ai shaloi dai masha ni hpe Karai Kasang gara hku chyeju jaw nga ai lam mu lu yang shi kabu gara nga ai hte dai Madu hta myit masin mahkra hte lashum lanoi kam sham nna sadi dung nga na matu nlang hte hpe shadum shahprang mu ai.

KASA 13:50

Rai ti mung Yuda masha ni gaw mare na du agyi salang ni hte Karai Kasang hpe nawku kam sham ai lahta tsang maigan amyu num sha ni hpe myit sharawt jashut nhtawm Pawlu Yan Barnaba hpe zingri zingrat di shangun ai hte, shanhte a lamu ga kaw na gawt shapraw kau ma ai.

KASA 14:22

Shan gaw, “Anhte gaw Karai Kasang a mungdan hta shang na matu ru yak jam jau law law hpe hkrum hkra lai di kau ra ga ai,” nga nna kam sham ai sape ni myit shangang ya let dai makam masham hta ngang kang grin nga na matu n-gun jaw shadum jahprang ma ai.

KASA 14:3

Kasa ni mung tsawmra na hkra dai yang e nga nna Madu a lam nden ja ai myit hte hkaw dan mu ai. Madu mung shanhte hkaw tsun ai Karai Kasang a chyeju hte seng ai mungga teng man nga ai lam sakse madun na matu shan hpe dai mauhpa amu hte lamik kumla ni madun lu ai atsam jaw mu ai.

KASA 16:14

Shanhte hta na anhte a ga na la ai numsha gaw Htuatira mare na sumpan hkyeng sawm dut ai Ludi ngu ai jan rai nga ai. Shi gaw Karai Kasang hpe nawku kam sham ai numsha rai nna, Pawlu tsun dan nga ai ga hpe na lasha let madat la u ga, Madu e shi a myit hpaw ya wu ai.

KASA 17:17

Dai re ai majaw shi gaw tara jawng hta Yuda masha ni, Karai Kasang hpe nawku kam sham ai maigan masha ni hte mung shani shagu gat hkan e lai sa lai wa masha ni hte mung dai mungga lam tsun bawng ai lam ni galaw nga ai.

KASA 17:34

Nkau mi chyawm gaw shi hpe kanawn nna kam sham mat ma ai. Dai ni hta tara Kongsi hpawng lawm ai Dionusi ngu ai wa bai Damari mying ai num langai mi, hte kaga masha ni mung lawm nga ma ai.

KASA 17:4

Shanhte hta na nkau mi gaw kam sham nna, Pawlu yan Sila hte kanawn nga ma ai. Dai ni hta Karai Kasang hpe kam sham nawku ai Grik masha law law hte arawng lu ai num ni ram ram wa lawm nga ma ai.

KASA 18:7

Dai hpang shanhte kaw na shi pru mat wa nhtawm Karai Kasang hpe kam sham nawku ai Yuda masha n re ai Titu Yustu mying ai wa a nta de shang manam nga ai. Dai wa a nta gaw tara jawng hte htep rai nga ai.

KASA 2:10

Hprugi hte Pamhpuli, Egutu hte Kureni makau na Lebu ginwang hkan e nga ai ni, Roma nna wa nga ai ni ngu ai Yuda masha hte Proselutu ni,

KASA 28:23

Shing rai, shanhte gaw shi hte hkrum chyai na nhtoi madat da nhtawm, dai nhtoi du jang shi manam nga ai shara de masha law law wa sa hpawng nga ma ai. Pawlu gaw, jahpawt kaw nna shana de du hkra Karai Kasang a mungdan hte seng ai shi a mungga hpe Mawshe a tara hte myihtoi ni a ga hku hkan nna Yesu hpe shanhte chye na kam sham wa hkra hkaw tsun sakse hkam shakut nga ai.

KASA 6:5

Shing nga hpaji jaw ai ga dai hpe hpung ting na ni na ra ma ai rai nna, makam masham hpring tsup ai hte Chyoi Pra ai Wenyi hpring ai Stehpan ngu ai wa hte Hpilip, Prokoru, Nikanora, Timun, Parmena hte Antioki mare na Proselutu hpung na Nikola hte hpe lata la ma ai.

ROMA 11:6

Shi lata la ai lam gaw, shanhte galaw ai magam bungli hta madung n dat ai sha, shi a chyeju lam hku nna she rai nga ai. Hpa majaw nga yang, Karai Kasang lata la ai lam gaw masha ni galaw ai magam bungli hta lama madung dat ai rai yang gaw, shi a chyeju gaw teng man ai chyeju n rai nga sai.

ROMA 3:24

Rai ti mung, manu jahpu n ya ai sha Karai Kasang a chyeju hte Yesu Hkristu a marang e ding hpring ai kaw du wa lu ma ai.

ROMA 5:2

Anhte Madu Yesu Hkristu hpe kam sham ga ai rai nna shi gaw Karai Kasang anhte hpe gade chyeju hkam sha shangun ai lam wa mu chye shangun mi ai. Dai chyeju hta ya anhte hkrung nga ga ai. Dai rai nna Karai Kasang a hpung shingkang hpe hkam la lu na myit mada let anhte kabu gumrawng nga ga ai.

ROMA 5:21

Dai rai nna yubak mara gaw si hkrung si htan hte up hkang nga ai hte maren anhte a matu Yesu Hkristu a marang e anhte hpe htani htana asak lu la shangun hkra Karai Kasang a chyeju gaw ding hpring ai hte up hkang nga mi ai.

2 KORINHTU 5:11

Anhte gaw dai Madu hpe hkrit kang ai ngu ai hpa rai nga ai hpe chye ga ai majaw kaga masha ni hpe lau la lu na matu shakut shaja ga ai. Karai Kasang anhte a lam akri akrai chye nga ai, nanhte mung nanhte a myit masin ni hta nye a lam atsawm sha chye nga myit dai ngu nna ngai myit mada nga nngai.

2 KORINHTU 6:1

Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

GALATI 5:1

Hkristu gaw anhte hpe mayam kaw nna shalawt dat mi ai rai nna, anhte mayam n rai saga ai. Dai re majaw shanglawt masha ni re ai hku nna tsap nga ga ai. Mayam a kandang npu e bai hkum ahkang nga masa.

GALATI 5:4

Jep ai Tara hpe shatup shadik ai hku nna Karai Kasang a man e ding hpring ai hpe lu la na shakut ai ni nanhte gaw Hkristu hte daw hka wa nna Karai Kasang a chyeju hta na hkrat mat wa manit dai.

EHPESU 2:8

Hpa majaw nga yang, nanhte gaw makam masham a marang e Karai Kasang a chyeju hte sha hkye hkrang la ai hkrum manit dai; dai gaw nanhte nan shakut shaja ai majaw n rai, Karai Kasang a kumhpaw kumhpa sha rai nga ai.

HPILIPI 3:16

Gara hku mi rai ti mung, anhte gaw dai ni du hkra hkan sa lai wa sai lai masa ni hte maren shawng de shanang nna hkawm sa wa ga.

HPILIPI 4:1

Dai rai nna hpu nau ni e, nanhte hpe ngai grai tsaw ra nga made ai hte grai myit dum marit nga nngai. Nanhte gaw nye a kabu gumrawng shara rai myit dai. Tsaw ra ai ni e, dai Madu hte langai sha tai nna asak hkrung ai lam hta ngang ngang lahpran tsap nga mu.

KOLOSE 1:23

Kaja wa nanhte gaw nanhte hkam la kam sham ai lam hpe ngang kang nna teng man ai npawt hkridun zawn ngang grin nga u ga, matut nna makawp maga sin lajang tawn lu na rai myit dai. Bai nna nanhte gaw dai Kabu Gara Shiga na la ai shaloi lu la tawn ai myit mada ai lam kaw na htak mat hkra ari jahkrat kau na ahkang jaw mai na myit dai n rai. Ndai Kabu Gara Shiga a majaw ngai Pawlu gaw magam gun wa langai mi tai wa ni ai, dai Kabu Gara Shiga chyawm gaw mungkan ting hta masha shagu hpe hkaw tsun dan ai mungga rai nga ai.

KOLOSE 1:28

Dai majaw anhte gaw masha shagu hpe Hkristu a lam hkaw dan ga ai. Masha shagu hpe Hkristu hta myit su kunghpan ai Hkristan masha langai hkrai hku nna Karai Kasang a man de shashawn lu u ga, anhte gaw hpaji byeng-ya nga manga hte shanhte hpe sadi jaw, sharin achyin nga ga ai.

TITU 2:11

Hpa majaw nga yang, Karai Kasang gaw masha amyu yawng hpe shi a hkye hkrang la ai chyeju shapraw shadan dan nu ai.

HEBRE 12:15

Karai Kasang a chyeju kaw na htak mat wa ai lam n byin u ga, makawp maga nga mu. Hka ai hpun ru gaw tu kaba wa nna shi a gung hte jam jau law law jaw lu ai zawn, nanhte kadai hta mung dai zawn n byin u ga, sadi nga mu.

HEBRE 13:9

Shawoi n mu n na yu ai sharin shaga ai lam tsasam amyu myu gaw nanhte hpe dai teng man ai lam kaw na lam hkum woi shadam shangun myit. Lusha hte seng ai hkan sa tara ni hpe madat mara hkan shadik ai hku n re ai sha Karai Kasang a chyeju kaw na wenyi n-gun atsam hpe hkam la ai mahtang grau mai kaja nga ai; dai lusha hte seng ai tara ni gaw hkan sa shadik ai ni hpe hpa n karum lu nga ai.

1 PETRU 5:12

Ngai gaw ndai laika kadun ni hpe Sila a karum ai hte ka dat we ai; shi gaw ngai grai kam lu ai kangka ai Hkristan hpu nau wa langai mi rai nga ai ngu nna ngai sawn da ai rai nga ai. Ndai gaw Karai Kasang a teng man ai chyeju rai nga ai lam ngai nanhte hpe n-gun jaw let sakse hkam na matu ndai laika ka dat nngai, Dai hta ngang ngang tsap ngu mu.

2 PETRU 3:14

Dai re majaw nye a manang ni e, nanhte dai nhtoi hpe la nga ai ten hta Karai Kasang a man e nanhte a myit masin san seng nna mara n kap u ga hte shi hta ngwi pyaw sim sa nga lu na matu atsam htum hkra shakut shaja nga mu.

1 YAWHAN 2:28

Rai sa shu sha ni e, shi dan pru ai shaloi nanhte gaw hkrit kaya nna gawp makoi mat n ra ai sha shi a man e nden ja ai hte tsap nga lu na matu shi hte langai sha arai nga mu.

2 YAWHAN 1:9

Hkristu a sharin shaga ai lam hta n nga ai, dai hpe tawt kau ai wa kadai rai ti mung, Karai Kasang hte n seng ai Karai kata ai wa rai nga ai. Dai sharin shaga ai lam hta e ahkan nga ai wa kadai rai ti mung, Kawa yan Kasha hte seng nga ai.