KASA 13:41 - Jinghpaw Common Language Bible 2009

⁴¹ Myihtoi ga hta, ‘Yu mu, ngai tsun ai lam hpe jahpoi asawng ai ni e, mau nna si mu! Dai ni ngai galaw nga ai lam hpe marai langai ngai nanhte hpe hkai dan ti mung, nanhte n kam na marin dai!,’” nga nna hkaw tsun nga ai.

Jinghpaw Hanson Version Bible

⁴¹ Dai lam marai langai ngai nanhte hpe hkai dan timung, hpa n kam na marin dai,' nga nna myihtoi ni tsun ai ga, nanhte hta n ang u ga, sadi nga mu,” ngu nna hkaw tsun nga ai.

KASA 13:41 ပူးပေါင်းရင်းမြစ်များ

GA SHAGAWP 5:12

Shing rai, nang gaw, “Hpa majaw ngai gaw galoi mung n chye sharin la nga n hka? Marai langai ngai, shading sharai ai hpe ngai hpa majaw galoi mung lale kau nga nngai kun?

ESAIA 5:24

Dai majaw, Chyahtum Chyalai N-gun rawng ai dai Madu Israela a chyoi pra ai Karai Kasang gaw anhte hpe sharin da ya mi ai hpe nang ningdang kau nga ndai majaw yihku hte tsingdu jahkraw ni nyip mat nna wan hta hkru mat ai zawn na a ru ni tsam mat nna na a nampan pu ni hkraw nyui mat ai hte poi mat wa na ra ai.

ESAIA 65:15

Lata la hkrum sai nye a amyu masha ni gaw na a mying hpe dagam dala ga hku lang wa na mara ai. Tsaw Htum ai dai Madu ngai gaw nang hpe sat kau na nngai. Rai ti mung ngai gaw nye a ga madat mara ai ni hpe mying nnan jaw na nngai.

EZEKELA 33:9

Nang gaw n hkru ai wa hpe shadum jahprang ai lam galaw ti mung, yubak galaw ai lam hpe shi n jahkring ai rai yang, yubak kap ai wa naw rai nga ai majaw, shi si na rai wu ai, rai ti mung na a asak gaw lawt lu na ra ai.”

HABAKU 1:5

Dai hpang, dai Madu gaw shi a amyu masha ni hpe, “Nanhte hpe wang gawan da nga ai masha amyu ni hpe yu shati nga mu, nanhte gaw nanhte hpa mu ai lam hpe mau mat na myit dai. Nanhte dai lam na ai shaloi, nanhte n kam lu ai lam lama mi hpe ngai shabyin dat na nngai.

LUKA 16:14

Dai mahkra hpe Hparishe ni na ma yang, Yesu hpe asawng asang ngu mu ai, hpa majaw nga yang, shanhte gumhpraw marin ai ni rai nga ma ai.

LUKA 23:35

Shawa masha ni gaw mada yu let tsap nga ma yang, Yuda agyi salang ni gaw mani jahpoi asawng let, “Masha kaga ni hpe shi hkye la ga ai; Karai Kasang e lata la ai Meshia shi nan rai yang mung, shi hkum shi hkye la u ga,”

KASA 13:47

Kaning rai nme law, ‘Mungkan ting hpe hkye hkrang la ai lam lu la mu ga, ngai nang hpe maigan amyu ni a matu nhtoi shatai sade ai,’ nga ai gaw dai Madu anhte hpe hkang da ai ga rai nga ai,” ngu mu ai.

KASA 22:21

Karai Kasang chyawm gaw, ‘Pru sa wa su, ngai nang hpe tsun ai tara maigan masha ni hpang de ngai nang hpe shangun dat na de ai,’” nga nna tsun ai ngu mu ai.

KASA 3:23

Dai myihtoi a ga hpe n madat ai wa kadai hpe mung Karai Kasang a amyu masha ni kaw na sumri dan jahka kau ai hte jahten kau ai hkrum lu na rai nga ai,” nga ai.

KASA 6:14

Nazaret na Yesu ngu ai wa gaw, Nawku Htingnu hpe hpya kau nna anhte hpe Mawshe jaw da ai Tara a htung hking ni hpe galai kau na rai nga ai nga nna ndai wa shi nan tsun ai ga anhte na saga ai,” ngu nna tsun mu ai.

1 HTESALONI 2:16

Anhte maigan masha ni hpe shanhte kaning rai hkye hkrang la hkrum lu na lam hkaw tsun ai hpe pyi Yuda masha ni hkum shingdang shakut ma ai. Ndai lai hku nna shanhte shut hpyit nga ai yubak mara ni hpe hkum hkra galaw manu ai. Dai rai nna hpang jahtum e Karai Kasang a pawt sindawng ai gaw shanhte a ntsa de du hkrat wa sai!

1 PETRU 4:17

Tara jeyang hpang na aten du ra ai rai nna Karai Kasang a nta masha ni hpe shawng jeyang daw dan ai hkrum na mara ai. Lama rai nna anhte dai tara jeyang daw dan ai hpe shawng hkrum ga yang gaw Karai Kasang a kabu gara shiga hpe n kam n sham ai ni a jahtum ai gaw kaning rai na rai ai kun?