KASA 13:36 - Jinghpaw Common Language Bible 2009

³⁶ Dawi gaw shi asak hkrung nga ai laman hte hta, Karai Kasang a yaw shada ai lam nga ai hte maren hkan sa gun hpai ngut jang shi si nna, shi a kaji kawa ni a lup ding lup ra hta lup makoi ai hte shi a hkum hkrang gaw dai lup hta hten yat mat salu ai.

Jinghpaw Hanson Version Bible

³⁶ Ya Dawi gaw, shi a prat hte hta Karai Kasang a ra ai hku gun hpai ngut jang, yup mat nna, kaji kawa ni kaw tawn da ai hte, hten byak ai kaw du wa sai;

KASA 13:36 ပူးပေါင်းရင်းမြစ်များ

KASA 2:29

“Hpu nau ni e, anhte a kaji daju rai nna kajai gumhkawng ai Dawi a lam hpe ngai asan sha tsun dan na n ngai. Shi gaw si wa ai hte lup makoi hkrum sai rai nna shi a lup gaw dai ni du hkra anhte hte rau nga nga ai.

1 HKAWHKAM 2:10

Ya Dawi si sai rai nna Dawi a mare hta lup makoi da nga ma ai.

KASA 13:22

Dai hpang Shawlu hpe jahkrat kau nhtawm, Karai Kasang gaw Dawi hpe shanhte a hkawhkam sharawt ya mu ai. Dai wa a lam Karai Kasang tsun ai gaw, ‘Yese a kasha Dawi gaw nye a myit hte tup hkrak ra sharawng ai masha, ngai galaw shangun mayu ai nga manga hpe galaw shadik ya na wa re ai hpe ngai mu se ai,’ nga ai.

2 SAMUELA 7:12

Nang si mat nna na a nji nwa ni hte rau lup makoi kau ai hkrum jang, na a shadang sha langai ngai hpe hkawhkam shatai ya let shi a mungdan hpe ngai shagrin shangang ya na we ai.

1 HKAWHKAM LABAU 18:14

Dawi gaw Israela mung ting hpe up hkang nga ai rai nna, shi a amyu masha ni hpe tut nawng teng man rap ra ai hku jeyang ya nga ai.

1 KORINHTU 15:18

Dai hta kaga Hkristu hpe kam sham nna si mat wa ai ni mung sum mat hkrum sai lachyum rai nga ai.

1 KORINHTU 15:6

Dai hpang lang lata sha shi a hpang hkan nang ai hpu nau manga tsa jan kaw dan pru wu ai. Shanhte hta na malawng maga ya du hkra naw hkrung nga shajang ma ai; nkau mi chyawm gaw yup pyaw mat wa masai.

YAWHAN 11:39

Yesu gaw, “Nlung dai hpe galau kau mu,” ngu nna hkang da mu ai. Shaloi si ai wa a kana Marhta gaw, “Madu e, ya gaw manam na sai, shi si ai mung mali ya rai sai,” ngu nna tsun mu ai.

SHAKAWN KUNGDAWN 49:14

Shanhte gaw sagu ni zawn si na matu dingnye lu ma ai, Si du gaw shanhte hpe rem ai sagu rem wa rai na ra ai. Shanhte a hkum tsawp ni gaw shanhte a dum nta hte tsan ai Katsan ga kaw alawan yat mat wa yang; dai ding hpring ai masha ni gaw shanhte hpe padang dip lu na mara ai.

SHAKAWN KUNGDAWN 49:9

shi hpe lup wa de n shang hkra htani htana hkrung nga shangun lu na matu shi jaw lu ai manu gaw dang law nga ai n rai.

YOBA 21:26

Rai ti mung yawng hte gaw maren si wa nna lup makoi kau hkrum nga ai; shanhte yawng gaw byet ni hte ka-up kau hkrum nga ai.

YOBA 17:14

Ngai gaw lup sung hku hpe nye kawa ngu nna shaga na nngai; ngai hpe sha ai byet ni hpe nye kanu, nye kajan ni ngu nna shaga na nngai.

2 HKAWHKAM LABAU 26:23

Uzia si mat jang, hkawhkam ni a lupwa shara hte seng ai hta lup makoi da ma ai; rai ti mung shi a manggang ana a majaw hkawhkam ni a lupwa hta n lup makoi da nga ma ai. Shi a kasha Yohtam mahtang shi a hkang hta hkawhkam tai wa sai.

2 HKAWHKAM LABAU 21:1

Yehoshahpat si mat sai rai nna, Dawi a Mare na hkawhkam lupwa hta lup makoi da ma ai; shi a kasha Yehoram gaw shi a hkang hta hkawhkam tai wa sai.

2 HKAWHKAM LABAU 12:16

Rehoboam si mat sai rai nna Dawi a Mare na hkawhkam lupwa hta lup makoi da ma ai; shi a kasha Abiya gaw shi a hkang hta hkawhkam tai wa sai.

2 HKAWHKAM LABAU 9:31

Shi si mat sai rai nna Dawi a Mare hta lup makoi da ma ai; dai hpang shi a kasha Rehoboam gaw shi a hkang hta hkawhkam tai wa sai.

1 HKAWHKAM LABAU 17:11

Nang si mat nna na a nji nwa ni hte rau lup makoi kau hkrum ai shaloi, na a shadang sha langai ngai hpe hkawhkam shatai ya let shi a mungdan hpe ngai shagrin shangang ya na we ai.

NINGPAWT NINGHPANG 3:19

Ga hte nang shachyaw da ai hkrum nga ndai majaw ga de nang bai nhtang wa ai aten du hkra, ga kaw nna hpa hpe mung tu shaprut lu na matu nang gaw salu salat hte bungli shaja sha ra na ndai. Nang gaw ga hte shachyaw da nga ndai majaw ga bai tai na rin dai,” ngu nna tsun wu ai.

1 HTESALONI 4:13

Anhte a hpu nau ni e, myit mada shara n nga ai kaga masha ni zawn nanhte yawn hkyen n hkrum myit ga, anhte gaw si mat ai ni hte seng nna dai teng man ai lam nanhte hpe chye shangun mayu ga ai.

KASA 20:27

Hpa majaw nga yang ngai gaw Karai Kasang a shatawng shada ai lam hpe ginhtim da ai lam n nga hkra nanhte hpe tsun shana dan ni ai majaw rai nga ai.

KASA 7:60

Bai hput di let, “Madu e ndai mara shanhte hpe hkum shagun ya et,” nga nna nsen kaba hte jahtau wu ai, dai tsun ngut jang shi nsa hti mat ai.

1 HKAWHKAM LABAU 11:2

Lai sai aten, Shawlu gaw anhte a hkawhkam naw rai nga ai aten kaw nna pyi, Israela amyu masha ni hpe majan pa hkan nang woi awn yu nit dai; nang mung dai Madu a amyu masha ni hpe woi awn nna shanhte hpe up hkang ai wa tai wa na mung, shi nang hpe ga sadi jaw da nga nit dai,” ngu nna tsun ma ai.

1 HKAWHKAM LABAU 29:28

Dawi gaw sut su ngamu ngamai ai hte shagrau hkungga hkam la let dingla ugut gu ai aten hta si mat wa sai; shi a kasha Shawlumon gaw shi a hkang hta hkawhkam tai wa sai.

KASA 8:1

Shawlu mung dai masha sat ai amu hta awlaw lawm nga ai. Dai shani kaw nna Yerusalem mare na hpung gaw zingri zingrat kaba laja lana hkrum hpang wa sai. Kasa ni hta lai nna kam sham ai ni yawng gaw, Yuda mung, Samari mung, shara magup hkan e bra ayai mat wa ma ai.

MAHTE 25:16

Shaloi jang gumhpraw joi manga lu ai wa gaw pru sa nna, dai hte hpaga ga wu yang, kaga joi manga myat la nu ai.