KASA 13:27 - Jinghpaw Common Language Bible 2009

²⁷ Kaning rai nme law Yerusalem mare e nga ai masha ni hte shanhte a ningbaw ningla ni gaw, shi hkye hkrang la ai Madu re ai hpe mung shanhte Bansa Nhtoi shagu hti ai myihtoi ni a ga ni hpe mung n chye na ma ai. Rai ti mung shanhte gaw Yesu hpe sat kau na daw dan ai hte dai myihtoi ga ni hpe shatup manu ai.

Jinghpaw Hanson Version Bible

²⁷ Kaning rai nme law, Yerusalem na ni hte, shanhte a du gyi ni gaw, shi madu hpe mung, laban nhtoi shagu hti ai myihtoi ni a ga hpe mung, n chye na ai wa, shi hpe dawdan ai hte dai ga ni hpe shatup manu ai.

KASA 13:27 ပူးပေါင်းရင်းမြစ်များ

NINGPAWT NINGHPANG 50:20

Nanhte ngai hpe n hkru ai hku gaw maw manit dai; rai ti mung byin lai wa sai lam ni a majaw dai ni du hkra masha law law a asak hpe jahkrung ya na matu Karai Kasang dai hpe mai kaja ai lam hku galaw nu ai.

MAHTE 22:29

Yesu htan let, shanhte hpe tsun mu ai gaw, “Nanhte gaw, Chyum Laika hpe mung, Karai Kasang a n-gun atsam hpe mung n chye ai majaw lam dam mat manit dai.

LUKA 22:34

Yesu gaw, “Petru e, ngai nang hpe tsun de ga, dai na pyi, u garai n goi yang, nang ngai hpe n chye nngai nga nna masum lang nyet kau na rin dai,” ngu wu ai.

LUKA 23:13

Pilat gaw hkinjawng agyi ni, Yuda du agyi salang ni hte mung masha ni hpe shaga jahpawng shangun wu ai.

LUKA 24:20

Anhte a hkinjawng agyi ni hte du salang ni shi hpe sat kau na daw dan nna ap kau nhtawm, wudang hta jen sat kau manu ai.

YAWHAN 15:21

Rai ti mung shanhte gaw ngai hpe shangun dat ai wa hpe n chye ma ai rai nna, nye a amying a majaw dai zingri zingrat ai lam yawng nanhte hpe di na mara ai.

YAWHAN 16:3

Shanhte gaw nye Wa hpe mung, ngai hpe mung, n chye ma ai majaw, ndai lam ni nanhte hpe di na mara ai.

YAWHAN 5:39

Chyum laika ni hta na nanhte htani htana asak mu tam la lu na re ai, nga nna shadu myit dai majaw, dai laika ni hta nanhte hkan sawk hti yu rai myit dai, dai laika ni nan nye a lam sakse hkam nga ai!

YAWHAN 8:28

Dai majaw Yesu gaw, “Dai Masha Kasha hpe nanhte sharawt da ai shaloi she, ‘Ngai gaw ngai wa rai nga ai,’ hpe mung, ngai gaw nye a myit hte hpa mung n galaw ai sha, nye Wa ngai hpe sharin nngai hte maren sha ngai tsun ai hpe mung, nanhte chye na na marin dai.

KASA 15:21

Hpa majaw nga yang Mawshe a Tara gaw Bansa Nhtoi shagu tara jawng ni hta ahti dan nga ma ai hte moi prat kaw nna mare shagu hta dai tara hkaw dan ai ni nga nga ma ai,” ngu nna tsun wu ai.

KASA 28:23

Shing rai, shanhte gaw shi hte hkrum chyai na nhtoi madat da nhtawm, dai nhtoi du jang shi manam nga ai shara de masha law law wa sa hpawng nga ma ai. Pawlu gaw, jahpawt kaw nna shana de du hkra Karai Kasang a mungdan hte seng ai shi a mungga hpe Mawshe a tara hte myihtoi ni a ga hku hkan nna Yesu hpe shanhte chye na kam sham wa hkra hkaw tsun sakse hkam shakut nga ai.

KASA 3:17

Ya rai ti mung hpu nau ni e, nanhte hte nanhte a du agyi ni Yesu hpe nanhte a n chye n chyang ai a majaw galaw kau nga ai lam ngai chye nga nngai.

ROMA 11:25

Hpu nau ni e, nanhte gaw tinang dai chye chyang la ni ai ngu nna n myit la na matu Karai Kasang a sung htum ai hte makoi magap da ai teng man ai lam langai mi nanhte hpe chye na shangun mayu nngai. Dai gaw Israela amyu masha ni tut nawng myit shaja kau nna nga na ma ai n rai, rai ti mung dai gaw hkye hkrang la hkrum nna Karai Kasang kaw du wa na kaga amyu masha ni a jahpan wa hkum ai ten du hkra sha rai na rai nga ai.

1 KORINHTU 2:8

Mungkan a du hkawhkam ni hta na kadai wa mung ndai hpaji byeng-ya hpe chye ma ai n rai; chye taw gaw, hpung shingkang rawng ai Madu hpe shanhte wudang hta jen da na ma ai n rai.

2 KORINHTU 3:14

Israela amyu masha ni a myit masin ni gaw kaja wa pat shinggang da nga malu ai. Dai ni du hkra pyi gaw ga shaka dingsa laika ni hpe hti ai ten shagu shanhte a myit masin ni hpe man magap dai hte naw magap htinggrum nga malu ai. Masha langai mi gaw Hkristu hta asak hkrung ai shaloi she dai man magap hpe gun kau lu nga ai.

2 KORINHTU 4:4

Ndai mungkan ga a n hkru n kaja ai karai wa ngu ai Nat Satan wa gaw shanhte a myit ni hpe ningsin hte ka-up shamak tawn kau ya manu ai majaw, shanhte n kam n sham ma ai. Shi gaw dai Karai Kasang a hkrang bung sumla nan rai nga ai. Hkristu a hpung shingkang a lam dai Kabu Gara Shiga kaw na pru ai nhtoi hpe n mu lu shangun mu ai.

1 TIMOHTI 1:13

Ngai chyawm gaw lai wa sai ten hta Madu hpe n kaja ai hku mara shagun tsun shatan ai zingri zingrat ai hte roi asawng re ai wa rai nngai. Rai ti mung Karai Kasang gaw ngai hpe matsan dum nga ai; hpa majaw nga yang, ngai hta makam masham garai n rawng ai rai nna ngai hpa galaw nga ai hpe ngai n chye we ai.