KASA 13:26 - Jinghpaw Common Language Bible 2009

²⁶ “Abraham a kashu kasha rai nga ai nye hpu nau Israela amyu masha ni hte nang e Karai Kasang hpe hkrit hkungga nawku daw jau ai kaga maigan amyu sha ni yawng hte e, ndai hkye hkrang la ai mungga gaw anhte hpang de jaw dat ra ai.

Jinghpaw Hanson Version Bible

²⁶ Abraham a amyu kashu kasha ni hte, nanhte hta na Karai Kasang hpe hkrit hkungga ai, hpunau ni e, ndai hkye hkrang la ai lam a mungga gaw, anhte hpang de jaw dat ra ai.

KASA 13:26 ပူးပေါင်းရင်းမြစ်များ

2 HKAWHKAM LABAU 20:7

Nang gaw anhte a Karai Kasang rai nga ndai; na a amyu masha Israela ni ndai mung de shang bang wa ma yang, ndai mung e nga nga ai masha ni hpe nang shaden kau nhtawm na a jinghku Abraham a amyu matu mara ni hpe htani htana shanhte a mung tai nga na matu nang jaw da nit dai.

ESAIA 41:8

Rai ti mung, nang nye a shangun ma Israela e, nanhte gaw ngai lata la sai amyu masha ni rai nga myit dai; nanhte gaw nye a jinghku Abraham a aru arat ni rai nga myit dai.

ESAIA 46:13

Ngai gaw ni sa wa nga ai awng padang nhtoi hpe la sa wa nga nngai, dai gaw tsan nga ai n rai. Nye a padang ninglaw gaw htingnai nga na n rai. Ngai gaw Yerusalem hpe hkye la ai hte dai yang e Israela a matu arawng sadang tawn da ya na nngai.”

ESAIA 48:1

Yuda kaw na yu hkrat wa ai Israela amyu masha ni e, ndai lam madat mu. Nang gaw dai Madu a mying hte dagam nna, Israela a Karai Kasang hpe nawku na matu tsun ndai, rai ti mung nang tsun ai ga hkum mi hpe lachyum n shapraw nga ndai.

MAHTE 10:6

Shing rai na malai, Israela amyu hta na dam mat ai sagu ni kaw she shawng sa mu.

MAHTE 3:9

Abraham gaw anhte a kaji kawa rai nga mali ai nga nna tsun nga ai hte sha nanhte a yubak mara a ari kaw na lawt lu na zawn hkum nawn myit, nanhte hpe ngai tsun made ga, Karai Kasang gaw ndai nlung ni hpe la nna Abraham a matu kashu kasha ni hpe hpan shalat lu nga ai!

LUKA 1:69

Shi a shangun ma Dawi a aru arat hta na anhte a matu n-gun atsam rawng ai Hkye la Madu jaw ya mani ai.

LUKA 1:77

Nang gaw shi a amyu masha ni hpang de sa nna shanhte a mara ni hpe dat kau ya nna hkye hkrang la na ra ai lam tsun dan na rai ndai.

LUKA 24:47

Shi a mying nsang hte, yubak mara dat ya kau na lam hte myit malai lu na lam shiga hpe Yerusalem kaw nna masha amyu baw shagu hpe hkaw tsun lu na, nga nna ka da nga ai.

YAWHAN 6:68

Shaloi Simun Petru gaw, “Madu e, anhte kadai hpang de wa na rai nga a ta? Nang gaw htani htana asak jaw ya ai mungga lu ndai.

KASA 10:2

Shi gaw tara hkungga ai wa rai nna shi hte shi a nta dinghku masha ni yawng Karai Kasang hpe hkrit hkungga nawku daw jau ma ai. Shi gaw matsan mayan re ai Yuda masha ni hpe mung alu law law jaw ai hte karum madi shadaw let Karai Kasang kaw tut tut akyu hpyi nga ai.

KASA 10:35

Karai Kasang gaw shi hpe hkrit hkungga nawku daw jau nna ding hpring ai amu galaw ai wa kadai hpe mung amyu n lata ai sha sharawng awng hkap la nga ai.

KASA 13:43

Ya tara jawng na shawa masha ni zuphpawng bra mat wa ai hpang Yuda masha ni law law Proselutu ni ngu ai Yuda nawku hkan ai maigan masha ni law law wa Pawlu yan Barnaba kaw hkan nang ma ai. Kasa ni mung dai masha ni hpe Karai Kasang a chyeju hta asak hkrung grin nga na matu n-gun jaw shadum jahprang mu ai.

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

KASA 16:17

Dai shangun ma numsha gaw Pawlu hte anhte a hpang hkan nang nna, “Ndai ni gaw law, Tsaw Htum ai Wa a shangun ma ni rai nna nanhte kaning rai hkye hkrang la hkrum na lam tsun shana dan ai ni rai nga ma ai law!” nga nna jahtau htau re ai.

KASA 22:5

Ngai tsun nga ai lam teng nga ai gaw Hkinjawng Agyi Kaba wa hte salang hpawng ting sakse hkam lu ma ai; ngai gaw shanhte kaw na, Damasku mare e nga ai Yuda hpu nau ni hpang de ka dat ai laika ni hpe la gun let dai mare e nga ai Yesu a lam hkan ai masha ni hpe rim la nna Yerusalem mare de gyit dun wa nhtawm zingri na matu dai de lung wa nngai.

KASA 28:28

Hpungdim hku nna Pawlu gaw, “Dai re ai majaw Karai Kasang a hkye hkrang la ai mungga hpe maigan amyu ni hpang de jaw dat nu ai rai nna shanhte mahtang madat mara hta la na mara ai gaw nanhte nan chye nga mu law!,” ngu mu ai.

KASA 3:26

Dai rai nna nanhte langai hte langai tinang a n hkru n shawp ai lam ni hta na myit malai kayin wa ai hte shaman chyeju hkam la lu mu ga nga Karai Kasang gaw shi a shangun ma hpe paw pru shangun ai hte nanhte hpang de shawng shangun dat ya sai,” ngu nna tsun mu ai.

KASA 4:12

Shi hta shaje hkye hkrang la ai lam n nga sai. Anhte hkye hkrang la ai kaw du lu na matu sumsing lamu a npu shinggyim masha ni hta jaw ya ai mying nsang shaje kanang mung n nga sai,” ngu nna htan wu ai.

KASA 5:20

“Nanhte pru wa nna Nawku Htingnu e wa tsap let, ndai asak hkrung ai lam ningnan hte seng ai ga yawng mayawng shawa masha ni hpe tsun dan mu,” ngu dat wu ai.

ROMA 1:16

Hpa majaw nga yang, dai Kabu Gara Shiga hta awm dawm kam sham myit hkut nga nngai, Dai gaw shawng nnan e Yuda ni dai hpang e maigan masha ni hta kam sham ai ni kadai hpe mung hkye hkrang la hkrum shangun lu ai Karai Kasang a atsam rai nga ai.

EHPESU 1:13

Nanhte hpe hkye hkrang la ai lam jaw ya ai dai teng man ai mungga ngu ai Kabu Gara Shiga hpe nanhte maigan masha ni na la lu ai shaloi e, nanhte mung Karai Kasang a amyu masha ni tai wa manit dai. Hkristu hpe nanhte kam sham myit dai rai nna shi ndat da ai Chyoi Pra ai Wenyi hpe jaw ya ai a marang e shi gaw nanhte a Madu rai nga ai lam dazik dawk da nu ai.

KOLOSE 1:5

Dai teng man ai mungga ngu ai Kabu Gara Shiga nanhte kaw shawng du dep sa wa ai shaloi, nanhte gaw dai Kabu Gara Shiga e jaw ya ai myit mada ai lam hpe na yu manit dai. (Dai rai nna nanhte a makam masham hte tsaw ra ai lam gaw sumsing lamu e nanhte a matu kyem da ya ai myit mada ai lam hta npawt jung nga ai.)