KASA 13:22 - Jinghpaw Common Language Bible 2009

²² Dai hpang Shawlu hpe jahkrat kau nhtawm, Karai Kasang gaw Dawi hpe shanhte a hkawhkam sharawt ya mu ai. Dai wa a lam Karai Kasang tsun ai gaw, ‘Yese a kasha Dawi gaw nye a myit hte tup hkrak ra sharawng ai masha, ngai galaw shangun mayu ai nga manga hpe galaw shadik ya na wa re ai hpe ngai mu se ai,’ nga ai.

Jinghpaw Hanson Version Bible

²² Dai wa hpe jahkrat kau nhtawm, Dawi hpe, shanhte a hkawhkam tai na sharawt ya wu ai: dai wa a lam shi nan sakse hkam ai gaw, ‘Nye a myit hte tup ai Yese a kasha Dawi hpe ngai mu se ai; dai wa gaw, ngai ra ai hku yawng shadik ya na ra ai,’ nga ai.

KASA 13:22 ပူးပေါင်းရင်းမြစ်များ

2 SAMUELA 2:4

Dai hpang Yuda masha ni Hebron mare de sa nhtawm Dawi hpe namman jaw ya let Yuda hkawhkam aya dang ya ma ai. Gilead mung na Yabesha masha ni Shawlu hpe makoi mayang kau sai shiga hpe Dawi na jang,

2 SAMUELA 7:15

Nang hkawhkam tai lu hkra, Shawlu a lata kaw na ngai seng kau ai zawn shi hpe karum madi shadaw ai lam ngai dawm kau ya na we ai n rai.

2 SAMUELA 7:8

“Dai re ai majaw Chyahtum Chyalai N-gun rawng ai Ngai Madu nan shi hpe tsun ai ga, nye a shangun ma Dawi hpe tsun su, ‘Nang gaw yi sun hkauna hkan sagu naw rem nga ai kaw na ngai nang hpe shaw la nhtawm, Israela amyu masha ni hpe up hkang ai du aya nang hpe jaw ni ai.

1 HKAWHKAM 15:3

Shi mung shi a kawa zawn yubak mara shut hpyit nga ai majaw shi a kaji ke Dawi zawn dai Madu hta tsep kawp sadi dung nga ai n rai.

1 HKAWHKAM 15:5

Dawi gaw dai Madu awng sharawng ai amu hpe galaw nu ai rai nna Hiti masha Uria lam hta kaga, shi a hkang da ai ga ni hpe galoi mung madat mara nga ai majaw dai Madu ndai amu hpe galaw nga ai.

1 HKAWHKAM LABAU 10:13

Shawlu gaw dai Madu hta sadi n dung nga ai majaw shi si mat sai. Shi gaw dai Madu a hkang da ai ga hpe n madat ai sha shi hpe lam woi la na matu,

1 HKAWHKAM LABAU 2:12

Obed hte Yese.

SHAKAWN KUNGDAWN 2:6

Shi gaw, “Nye a chyoi pra ai kawng Ziun ntsa e nye a hkawhkam wa hpe arawng aya ngai ap ya ni ai,” nga nna tsun ai.

YEREMIA 33:21

Dai hte maren, nye a shangun ma Dawi a hkaw hta hkawhkam hkaw dung na aru arat langai mi hpe tut nawng san da na lam, ngai Dawi hte ga shaka tawn da ni ai. Lewi amyu baw kaw na hkinjawng ni ngai hpe tut nawng e daw jau na matu, shanhte hte ngai ga shaka tawn da ni ai; dai ga shaka ni gaw galoi mung hten mat na ra ai n rai.

YEREMIA 33:26

Dai amu hpe ngai tup hkrak galaw ni ai zawn, ndai nye a ga shaka hpe Yaku a aru arat ni hte mung, nye a shangun ma Dawi hte mung, ngai shangang shakang da na nngai. Abraham, Isak hte Yaku ni a aru arat ni a ntsa e up hkang na matu Dawi a aru arat langai mi hpe ngai lata san da na nngai. Ngai gaw nye a amyu masha ni hpe matsan dum nna shanhte hpe kalang mi bai ngamu ngamai shangun na nngai,” ngu nna tsun ai.

EZEKELA 34:23

Shanhte hpe rem ai sagu rem wa langai tai wa na matu, nye a shangun ma Dawi hte bung ai hkawhkam langai ngai shanhte hpe jaw na nngai, shing rai shi gaw shanhte hpe rem ai sagu rem wa tai nna lanu lahku na ra ai.

HOSEA 3:5

Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

KASA 13:36

Dawi gaw shi asak hkrung nga ai laman hte hta, Karai Kasang a yaw shada ai lam nga ai hte maren hkan sa gun hpai ngut jang shi si nna, shi a kaji kawa ni a lup ding lup ra hta lup makoi ai hte shi a hkum hkrang gaw dai lup hta hten yat mat salu ai.

KASA 15:8

Masha shagu a kraw lawang na myit ai lam ni hpe chye ya lu ai Karai Kasang gaw anhte hpe Chyoi Pra ai Wenyi jaw mi ai hte maren maigan masha ni hpe mung jaw ai hte shanhte hpe sharawng awng hkap la ai lam madun mu ai.

KASA 7:46

Dawi chyawm gaw Karai Kasang a man e myi man pa ai rai nna Yaku a Karai Kasang shanu nga na shara langai mi galaw na ahkang jaw ya na matu Karai Kasang kaw hpyi wu ai.

1 SAMUELA 12:25

Rai ti mung nanhte yubak naw matut galaw myit yang gaw nanhte mung, nanhte a hkawhkam mung shamyit kau ai hkrum na marin dai,” ngu nna tsun wu ai.

1 SAMUELA 15:11

“Shawlu hpe hkawhkam shatai kau ni ai majaw ngai yawn la nngai; shi gaw ngai kaw na kayin mat wa ai hte nye a hkang da ai ga ni hpe mung n madat mat nu ai,” ngu nna tsun wu ai. Dai majaw, Samuela masin pawt nga ai; dai Madu hpe mung shana tup hpyi nem nga wu ai.

1 SAMUELA 15:23

Shi hpe gumlau ai lam gaw hpyi shung shung ai zawn n kaja nga ai; myit tsaw myit dap rawng ai gaw hpara sumla hpe nawku ai htung lai zawn yubak lu nga ai. Dai Madu a hkang da ai ga hpe nang ningdang kau nit dai majaw shi mung nang hpe hkawhkam aya kaw nna jahkrat kau nu ai,” ngu nna htan wu ai.

1 SAMUELA 15:26

Samuela gaw, “Nang hte rau ngai nhtang wa na nngai n rai; dai Madu a hkang da ai ga hpe nang ningdang kau nit dai majaw nang hpe mung Israela hkawhkam aya kaw nna jahkrat kau nu ai,” ngu nna htan wu ai.

1 SAMUELA 15:28

Samuela gaw shi hpe, “Dai ni, dai Madu gaw Israela mungdan hpe nang kaw na gang je kau nhtawm, nang hta grau kaja ai masha langai ngai hpe jaw kau nu ai.

1 SAMUELA 16:1

Dai Madu gaw Samuela hpe, “Shawlu a majaw nang kaden du hkra yawn nga na ngu n ta? Ngai shi hpe Israela hkawhkam aya kaw nna jahkrat kau ni ai. Rai ti mung, ya chyawm gaw tsanlun sau loi mi la lang nhtawm Yese mying ai wa nga ai Betlehem mare de sa wa su, hpa majaw nga yang, ngai gaw shi a shadang sha langai mi hpe hkawhkam shatai na san da ni ai,” ngu nna tsun wu ai.

1 SAMUELA 16:13

Samuela gaw tsanlun sau la nhtawm kahpu ni a man e Dawi hpe namman jaw ya wu ai. Dai shaloi jang, dai Madu a wenyi gaw Dawi hpe up hkang wu ai; dai shani kaw nna shi hte rau arai nga sai. Dai hpang Samuela mung Rama mare de nhtang mat wa wu ai.

1 SAMUELA 28:16

Shaloi Samuela gaw, “Dai Madu gaw nang hpe kau da nna na a hpyen tai nga sayang me, nang hpa majaw ngai hpe shaga n ni?

1 SAMUELA 31:6

Dai gaw Shawlu mung, shi a kasha masum hte shabrang wa si mat ai lam rai nga ai. Shawlu a masha ni yawng mung dai shani e si mat shajang ma ai.