KASA 13:19 - Jinghpaw Common Language Bible 2009

¹⁹ Shi gaw Hkanan mung na masha amyu sanit hpe shaza kau nna shi a amyu masha ni hpe garan ya nhtawm dai mungdan a madu shatai nu ai.

Jinghpaw Hanson Version Bible

¹⁹ Hkanan mung na masha amyu sanit hpe shaza kau nhtawm, mali tsa manga shi ning daram, dai ni a mungdan hta na sali shanhte hpe karan jaw mu ai:

KASA 13:19 ပူးပေါင်းရင်းမြစ်များ

NINGPAWT NINGHPANG 12:5

Abram gaw shi a madu jang Sarai hte shi a kanau a kasha Lawt hpe mung, shi a sut gan yawng mayawng hte Haran mare e shanhte lu la ai mayam ni yawng hte hpawn Hkanan mung de shanhte pru sa wa ma ai.

NINGPAWT NINGHPANG 17:8

Ya nang tsasam tai nga ai ndai mung ting gaw nang hpe mung, na a amyu matu ni hpe mung ngai jaw na we ai. Ndai Hkanan mung ting hpe na a amyu matu ni htani htana madu lu na mara ai; ngai mung shanhte a Karai Kasang tai nga na nngai.”

1 HKAWHKAM 6:1

Israela amyu masha ni Egutu mung kaw na pru wa ai mali tsa matsat shi ning na mat wa ai hpang, Israela mung e Shawlumon hkaw dung ai mali ning a shata lahkawng ngu na Ziwa shata hta Shawlumon gaw dai Nawku Htingnu hpe gaw gap hpang wa nu ai.

NEHEMIA 9:24

Shanhte gaw Hkanan mung hpe madu la nna; dai yang e nga nga ai masha ni hpe dang kau nga ndai. Nang gaw na a amyu masha ni hpe masha amyu hte Hkanan masha amyu hpe shanhte ra sharawng ai hku galaw lu na daru magam na a amyu masha ni hpe jaw ya nga ndai.

SHAKAWN KUNGDAWN 135:11

Amori masha ni a hkawhkam Sihon, Bashan hkawhkam Oga hte Hkanan mung na hkawhkam ni mahkra hpe mung sat kau nu ai.

SHAKAWN KUNGDAWN 78:55

Shi a amyu masha ni shawng de rawt sa wa ai shaloi, shawng e de nga sai amyu masha ni hpe shi gawt shapraw kau ya nhtawm; Israela amyu baw ni hpe shanhte a lamu ga garan ya ai hte, shi a amyu masha ni hpe shanhte a dum nta ni jaw ya wu ai.

ESAIA 34:17

Dai Madu gaw mungdan dai hpe shanhte a lapran e karan ya nna shanhte langai hte langai hpe kumhtaw karan ya na ra ai. Shanhte gaw dai mung e prat mi hte prat mi shanu nga na mara ai, shanhte gaw dai mung hpe htani htana madu la na mara ai.

KASA 7:45

Dai hpang anhte a kaji kawa ni gaw shanhte a kawa ni kaw na hkam la ai sakse sum hpe Karai Kasang shachyut kau ya ai masha amyu ni a mung hta Yawshu hte rau shanhte shang madu sha wa ai shaloi, dai sum hpe la shawn shang wa ma ai. Dai sum gaw Dawi a ban prat du hkra dai mung e nga nga ai.

TARA JAHPRANG 7:1

Dai Madu nanhte a Karai Kasang gaw nanhte madu la na mungdan de woi shawn nna, dai mung na amyu baw law law hte hpe gawt shapraw kau na rai wu ai. Nanhte rawt lung wa myit yang, shi gaw nanhte hta grau galu kaba nna n-gun grau rawng ai amyu sanit rai nga ai Hiti, Girgashi, Amori, Hkanani, Perizi, Hiwi hte Yebusi masha ni hpe gawt shapraw kau na ra ai.

YAWSHU 14:1

Ndai gaw Yawdan hka a sinna hkran de nga ai Hkanan mung hpe Israela amyu masha ni kaning rai karan la ai lam rai nga ai. Hkinjawng Eleaza, Nun a kasha Yawshu, Israela amyu bawsang, lakung lama ni a ningbaw ni hpe dai masha jahpan hta hkan nna karan ya mu ai.

YAWSHU 18:10

Yawshu gaw shanhte a matu dai Madu hte bawng ban let hpaida da nna ngam nga ai Israela amyu bawsang ni hpe amyu langai hte langai a matu lamu ga masat ya wu ai.

YAWSHU 19:51

Dai hte gaw hkinjawng Eleaza, Nun a kasha Yawshu hte Israela amyu bawsang hta na lakung lama ni a ningbaw ni Shilo mare hta dai Madu hte bawng ban jahkrup na matu, dai Madu a hpung shingkang shanu nga ai Sum a shang wa chyinghka lam e, hpaida da let karan ya ai lamu ga sali ni rai nga ai. Ndai hku nna mungdan hpe karan la ai amu shangut la ma ai.

YAWSHU 23:4

Ngai gasat dang la kau sai sinpraw maga, Yawdan hka kaw nna sinna maga Ka-ang Panglai du hkra nga ai masha amyu baw ni yawng hte naw ngam nga ai masha amyu baw ni a lamu ga ni hpe nanhte a amyu bawsang ni madu la na matu ngai masat ya da mase ai.

YAWSHU 24:11

Nanhte gaw Yawdan hka rap nna Yerihko de du wa myit dai. Amori, Perizi, Hkanani, Hiti, Girgashi, Hiwi hte Yebusi masha ni galaw ai zawn Yerihko masha ni nanhte hpe hkap gasat ma ai. Rai ti mung shanhte yawng hpe gasat dang lu ai awng padang ngai nanhte hpe jaw mawe ai.

TARA AGYI 11:26

Israela masha ni Heshbon mare hte Aroera mare ni hte de a grup yin na kahtawng ni hte Arnon hka kau dingyang na mare ni hpe masum tsa ning tup madu la nga ai laman hte ting hta, dai ni hpe nanhte hpa majaw bai n up la nga myit ni?