KASA 13:17 - Jinghpaw Common Language Bible 2009

¹⁷ Israela amyu masha ni a Karai Kasang gaw anhte a ji wa ni hpe shanhte Egutu mung e maigan masha hku nna sa nga nga ai ten hta lata la nna amyu kaba shatai manu ai. Karai Kasang gaw shi a n-gun atsam kaba hte shanhte hpe Egutu mung na shapraw woi wa nna,

Jinghpaw Hanson Version Bible

¹⁷ Ndai Israela amyu a Karai Kasang gaw, anhte a ji wa ni hpe lata la nu ai rai nna, Egutu mung e naw nga nga yang, dai amyu hpe shagrau nna, shada da ai lahpum ta hte shaw woi nu ai.

KASA 13:17 ပူးပေါင်းရင်းမြစ်များ

SHAKAWN KUNGDAWN 135:4

Shi gaw Yaku hpe shi a matu, Israela amyu masha ni hpe shi madu na matu, lata la nu ai.

PRU MAT 12:51

Dai shani hta nan, dai Madu gaw Israela amyu bawsang ni hpe Egutu mung kaw na woi shapraw wa wu ai.

PRU MAT 13:14

Du na ra ai aten hta, na a shadang sha mahtang, ndai htung tara gaw hpa baw lachyum rai ta?, ngu nna san yang, nang gaw shi hpe, ‘Dai Madu gaw galu kaba ai daru magam n-gun lang nna anhte mayam sa tai nga ai Egutu mung kaw na woi shapraw wa mi ai.

PRU MAT 13:16

Ndai htung tara gaw anhte a lata shing n rai kahtan ni hta masat arai lama mi hpe shakap da ai zawn, adum nga na rai myit dai. Dai gaw dai Madu shi a galu kaba ai daru magam n-gun hte anhte hpe Egutu mung kaw nna woi shapraw wa ai hpe adum shangun nga na ra ai,’ ngu nna tsun wu ai.

PRU MAT 14:8

Dai Madu mung hkawhkam wa hpe myit shaja ya wu ai rai nna shi gaw awng padang hte pru mat wa nga ai Israela masha ni hpe hkan shachyut wu ai.

PRU MAT 18:11

Egutu masha ni Israela amyu ni hpe dai zawn n kaw n law di mu ai shaloi, shi gaw ndai amu ni hpe galaw nu ai majaw, dai Madu gaw karai ni yawng hta grau kaba nga ai hpe ya ngai chye ni ai,” ngu nna tsun wu ai.

ESAIA 44:1

Dai Madu gaw, “Nye a shangun ma, Israela, ngai lata la sai nye a amyu masha, Yaku a aru arat ni e, ya chyawm gaw, nye a ga madat mu.

AMO LAIKA (AMOS) 2:10

Ngai gaw nanhte Amori masha ni a lamu ga hpe madu la lu hkra nanhte hpe Egutu mung kaw na woi shapraw wa nhtawm nam mali kata e mali shi ning tup ngai woi lakawn wa ni ai.

MIHKA 6:4

Ngai gaw nang hpe Egutu mung kaw na woi shapraw wa nhtawm nang hpe mayam prat kaw na mawai la ni ai. Mawshe, Arun hte Miriam ni nang hpe woi awn na matu ngai dat dat ni ai.

TARA JAHPRANG 10:22

Nanhte a nji nwa ni Egutu mung de yu sa wa ma yang, marai sanit shi sha rai ma ai. Rai ti mung ya chyawm gaw dai Madu nanhte a Karai Kasang she nanhte hpe sumsing lamu na shagan ni zawn shalaw jahtam ya manit dai.

TARA JAHPRANG 14:2

Ga ntsa hta nga nga ai masha amyu ni yawng hta na shi a amyu masha ni tai nga na matu shi nanhte hpe lata la nu ai majaw dai Madu nanhte a Karai Kasang gaw nanhte hpe madu da nga ai.

TARA JAHPRANG 4:20

Rai ti mung nanhte gaw dai ni rai nga ai hte maren, shi a amyu masha jet tai nga myit ga nga, Egutu mung a grung nga ai wan htung kaw na mawai da ai amyu masha ni rai nga myit dai.

TARA JAHPRANG 4:34

Dai Madu nanhte a Karai Kasang gaw nanhte a matu Egutu mung hta e galaw dan manit dai zawn kaga amyu baw hta na amyu masha ni hpe woi la nhtawm shi a amyu masha shatai la gwi ai hpara shaje nga nga yu sani? Shi gaw nanhte a man e shi a daru magam n-gun hte atsam marai hpe lang nhtawm ana zinli hte hpyen majan, mauhpa lamik kumla hte hkrit hpa amu ni hpe shapraw dan nu ai.

TARA JAHPRANG 4:37

Nanhte a nji nwa ni hpe shi tsaw ra wu ai majaw nanhte hpe lata la nu ai rai nna shi a galu kaba ai daru magam n-gun hte shi nan nanhte hpe Egutu mung kaw na woi shapraw wa nu ai.

TARA JAHPRANG 7:19

Dai Madu nanhte a Karai Kasang gaw nanhte nan myi hte chyaw mu manit dai, dai hkrit hpa ana zinli ni hte mauhpa lamik kumla ni hpe galu kaba ai daru magam n-gun atsam hte nanhte hpe shalawt dat manit dai hpe adum nga mu. Egutu masha ni hpe shi jahten kau nu ai hte maren, ya nanhte hkrit nga myit dai ndai masha amyu ni yawng hpe mung shi jahten kau na ra ai.

TARA JAHPRANG 9:5

Nanhte gaw mai kaja nga nna teng man ai amu hpe galaw nga myit dai majaw dai Madu nanhte hpe shanhte a mungdan hpe madu la shangun myit dai n rai; shanhte nan n hkru n shawp ai a majaw mung, nanhte a nji nwa Abraham, Isak hte Yaku ni hte tawn da ai ga sadi hpe shadik shatup na shatawng shada da ai lam a majaw mung, shi shanhte hpe shaden kau na rai wu ai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

1 SAMUELA 4:8

Ndai daru magam n-gun rawng ai hpara ni a lata kaw na kadai wa anhte hpe hkye la lu na rai nga a ta? Dai hpara ni gaw nam mali hkan e Egutu masha ni hpe sat sharu kau ai hpara ni rai nga ma ai!