KASA 13:16 - Jinghpaw Common Language Bible 2009

¹⁶ Shaloi Pawlu rawt nna lata dingsi let, “Israela amyu sha ni hte nang e Karai Kasang hpe nawku daw jau nga ai tara maigan ni yawng hte e madat la mu!

Jinghpaw Hanson Version Bible

¹⁶ Shaloi Pawlu rawt nna lata dingsi let, “Israela masha ni hte Karai Kasang hpe hkrit hkungga ai ni e, madat mara la mu.

KASA 13:16 ပူးပေါင်းရင်းမြစ်များ

1 HKAWHKAM 8:40

shaloi anhte a kaji kawa ni hpe nang jaw da ai mungdan hta shanhte nga nga ai aten yawng hta, na a amyu masha ni nang hpe madat mara nga na mara ai law.

SHAKAWN KUNGDAWN 135:20

Lewi ni e, dai Madu hpe shakawn mu; dai Madu hpe nawku daw jau ai ni yawng hte e, shi hpe shakawn mu!

SHAKAWN KUNGDAWN 67:7

Karai Kasang gaw anhte hpe shaman ya mi ai, shara shagu hkan nga nga ai masha amyu yawng shi hpe shagrau sha-a nga mu law.

SHAKAWN KUNGDAWN 85:9

Shi hpe shagrau sha-a ai ni hpe shi hkye hkrang la na, kaja wa, jin jin rai nga ai; shi a hkye hkrang la ai hpung shingkang gaw anhte a lamu ga hta nga nga na ra ai.

MAHTE 11:15

Na tu ai wa gaw na la u ga!

LUKA 1:22

Shi pru wa yang shanhte hpe ga n tsun lu ai rai nna, dai nawku htingnu nhku e shingran mu nu ai hpe shanhte chye ya ma ai, shi gaw shanhte hpe ga hkaw mi mung n shaga lu ai rai nna, shi a lata hte dingsi dan let nga nga ai.

LUKA 1:50

shi hpe hkrit kamyin ai ni a ntsa e, shu mashi shu masha prat du hkra matsan dum ai myit a madun nga ai.

LUKA 23:40

Langai wa mi chyawm gaw, “Nang mung ndai wa hte maren daw dan ai hkrum da ninglen, Karai Kasang hpe pyi n hkrit n ni?

KASA 10:2

Shi gaw tara hkungga ai wa rai nna shi hte shi a nta dinghku masha ni yawng Karai Kasang hpe hkrit hkungga nawku daw jau ma ai. Shi gaw matsan mayan re ai Yuda masha ni hpe mung alu law law jaw ai hte karum madi shadaw let Karai Kasang kaw tut tut akyu hpyi nga ai.

KASA 10:35

Karai Kasang gaw shi hpe hkrit hkungga nawku daw jau nna ding hpring ai amu galaw ai wa kadai hpe mung amyu n lata ai sha sharawng awng hkap la nga ai.

KASA 12:17

Petru gaw shanhte atsin sha rai nga na matu lata dingsi nhtawm shi hpe Madu e htawng hta na kaning rai shaw la ai lam, shanhte hpe tsun dan nna, “Ndai lam ni Yaku hte kam sham ai kahpu kanau ni hpe tsun shana dan mu,” ngu mu ai; shaloi shi pru nna shara kaga de sa mat wa ai.

KASA 13:26

“Abraham a kashu kasha rai nga ai nye hpu nau Israela amyu masha ni hte nang e Karai Kasang hpe hkrit hkungga nawku daw jau ai kaga maigan amyu sha ni yawng hte e, ndai hkye hkrang la ai mungga gaw anhte hpang de jaw dat ra ai.

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

KASA 19:33

Ya Yuda masha ni Alexandru hpe shawng de pru sa shangun mu ai rai nna, masha nkau mi gaw ndai byin ai lam hte seng ai wa rai sam ai ngu myit la ma ai, Alexandru mung shawa hpawng hpe asim sha nga na matu shi a lata galang dingsi nna ga tsun hparan ningdang kau na shakut wu ai.

KASA 2:14

Dai hpang Petru gaw kaga sape ni shi langai hte rau rawt tsap nna nsen shaja let dai masha ni hpe tsun mu ai gaw, “Yuda mung na ni hte Yerusalem mare e nga nga ai ni nlang hte e, ndai lam nanhte chye na myit ga, nye a ga hpe mung madat la mu!

KASA 2:22

Israela masha ni e, ga ndai ni hpe madat la mu! Karai Kasang gaw mauhpa magam amu ni hte lamik kumla ni hpe Nazaret wa ngu ai Yesu a lata hte nanhte a man e madun dan sai. Dai rai nna shi gaw Karai Kasang kaw na daru magam ahkang aya lu ai wa re ai lam dan leng wa sai. Dai lam ni gaw nanhte a man e byin lai wa sai majaw nanhte ni nan chye nga myit dai.

KASA 21:40

Hpyen du kaba wa shi hpe ahkang jaw wu ai rai nna, Pawlu gaw, lakang baw e tsap let, asim sha nga na matu lata dingsi mu ai, shanhte akatsi sha rai jang Hebre ga hte shanhte hpe tsun mu ai gaw:

KASA 22:22

Masha ni gaw ndai daram na hkra Pawlu tsun ai hpe madat nga ma ai, rai ti mung Pawlu ning nga tsun ai hpe na dat ai hte rau, “Dai zawn re ai wa hpe ga ntsa na tsan kau mu! Shi hpe sat kau mu! Shi hkrung nga na n ging nu ai!,” ngu nna nsen htum hkra marawn ma ai.

KASA 3:12

Petru dai mu jang shawa masha ni hpe, “Israela amyu masha ni e, ndai wa a lam hpe hpa rai mau nga myit ta? An a dagu atsam, an a tara hkan nna Chyoi Pra ai lam a majaw ndai wa hpe lam hkawm shangun lu ai zawn nawn nga myit ni?

SHINGRAN 2:11

“Wenyi gaw hpung ni hpe kaning nga tsun ai gaw, na tu ai wa gaw na la u ga! “Lahkawng lang ngu na si ai lam gaw, dang lu ai wa hpe hkra lu na n rai.

SHINGRAN 2:17

“Wenyi gaw hpung ni hpe kaning nga tsun ai gaw, na tu ai wa gaw na la u ga! “Awng padang lu ai ni hpe, makoi da ai manna muk nkau mi hpe mung, shanhte langai hkrai hpe ahpraw n san ai lungdin hpe mung, ngai jaw na nngai. Dai lungdin hta ka da ai mying ningnan hpe chyawm gaw, lungdin lu la ai wa hta kaga kadai mung n chye ya lu ai.

SHINGRAN 2:29

“Wenyi gaw hpung ni hpe kaning nga tsun ai gaw, na tu ai wa gaw na la u ga!

SHINGRAN 2:7

“Wenyi gaw hpung ni hpe kaning nga tsun ai gaw, na tu ai wa na la u ga! “Awng padang lu ai wa hpe Karai Kasang a Sun e tu ai asak hpun a asi hpe sha lu na ahkang ngai jaw na we ai.