KASA 13:14 - Jinghpaw Common Language Bible 2009

¹⁴ Bai shanhte gaw Perga kaw nna rawt sa wa yang Pesidi mung na Antioki mare de du ma ai rai nna, Bansa Nhtoi hta e shanhte tara jawng hta shang dung nga ma ai.

Jinghpaw Hanson Version Bible

¹⁴ Bai, shanhte gaw Perga kaw nna rawt sa wa yang, Pesidi mung na Antioki mare de du ma ai: ya laban nhtoi e tara jawng hta shang dung nga ma ai.

KASA 13:14 ပူးပေါင်းရင်းမြစ်များ

LUKA 4:16

Shaloi shi nga kaba wa ai Nazaret mare de du wa ai; shi a htung hte maren, Yuda Bansa shani e dai tara jawng de shi sa nna laika hti na rawt wu ai.

KASA 13:42

Ya Pawlu hte Barnaba dai tara jawng na pru wa yang masha ni gaw hpang na bat Bansa Nhtoi bai nhtang sa nna ndai lam ni hpe grau nna hkaw tsun dan na saw shaga ma ai.

KASA 13:44

Hpang na Bansa Nhtoi hta Karai Kasang a mungga na la na matu, mare ting ganoi mahkra wa du sa hpawng nga ma ai.

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

KASA 13:5

Shanhte Salami mare de du ai shaloi, Yuda ni a tara jawng ni hta, Karai Kasang a mungga hkai dan ma ai. Yawhan Marku mung shan a nrum ntau tai nna karum nga ai.

KASA 14:19

Dai hpang Pesidi mung na Antioki hte Ikoni mare hkan na Yuda masha nkau mi sa du nna shawa hpawng hpe shanhte maga lawm hkra woi awn nhtawm, Pawlu hpe n lung hte kabai nna shi hpe si mat sai zawn nawn ai majaw, mare shinggan de garawt shapraw kau mu ai.

KASA 16:13

Bansa Nhtoi hta mare shinggan de anhte pru sa nna Yuda ni akyu hpyi ai shara langai ngai nga na zawn nawn nna hka kau de sa du ga ai. Dai yang e dung let zuphpawng nga ai numsha ni hpe hkaw tsun dan ga ai.

KASA 17:2

Pawlu gaw shi galaw ga nga ai lai hte maren, dai tara jawng hta shang nna Bansa Nhtoi masum tup dai kaw na masha ni hte bawng ban ai lam ni woi galaw nga ai.

KASA 18:4

Bansa Nhtoi shagu tara jawng hta Yuda masha ni hpe mung, Grik masha ni hpe mung kam sham wa hkra dai mungga lam ni woi bawng ban tsun sang lang dan nga ai.

KASA 19:8

Dai hpang Pawlu gaw tara jawng de shang nna, shata masum tup nden ja ai hte Karai Kasang a Mungdan lam chye na hkap la mu ga, shanhte hte tsun hkai hkat nga nna, woi awn da wu ai.

KASA 9:20

Shi gaw tara jawng ni de alawan sa du nna Yesu gaw Karai Kasang a Kasha rai nga ai lam hkaw dan nga ai.

2 TIMOHTI 3:11

nye a zingri zingrat hkrum sha ai lam, nye a nni nkri hkam ai lam, re ai ni hpe maram masam mu chye nit dai. Antioki mare, Ikoni mare, Lustra mare hkan e ngai hta byin hkrum hkra ai hkrithpa zingri zingrat lam ni hte ngai hkam sharang lai wa sai lam hpe nang yawng chye nga ndai. Madu chyawm gaw dai lam ni yawng hta na ngai hpe mawai la ni ai.