KASA 13:12 - Jinghpaw Common Language Bible 2009

¹² Munggyi wa dai byin ai lam hpe mu jang Madu a sharin shaga ai lam hpe grai mau ai hte kam sham nga ai.

Jinghpaw Hanson Version Bible

¹² Dai lam hpe munggyi wa mu jang, Madu a sharin shaga ai lam hpe mau ai hte kamsham nga ai.

KASA 13:12 ပူးပေါင်းရင်းမြစ်များ

MAHTE 27:54

Ya hpyen la dap kung langai mi up ai du wa hte shi hte rau Yesu hpe sin nga ai hpyen la ni gaw nnang nawn hte byin mabyin ni hpe mu mu yang, shanhte hkrit kahpra nna, “Kaja wa ndai wa gaw Karai Kasang a Kasha nan rai nga ai,” nga ma ai.

LUKA 4:22

Shanhte yawng shi a lam tsun shakawn ai hte, shi a n-gup hta na pru ai chyeju ga ni a majaw mau nga nna, “Ndai wa gaw Yosep a kasha n rai nga a ni?,” nga nna tsun shajang ma ai.

LUKA 7:16

Masha yawng hte mung hkrit let mau mat shajang ma ai rai nna, Karai Kasang hpe shagrau sha-a let, “Myihtoi kaba anhte kaw paw pru ra ai, nga nna mung; Karai Kasang gaw shi a amyu hpe hkye la na matu du sa ra ai, nga nna mung,” shanhte tsun gara ma ai.

YAWHAN 7:46

Hpyenla ni gaw, “Ndai masha wa zawn nga nna sharin shaga ai kadai mung n nga yu ai,” ngu nna htan mu ai.

KASA 13:48

Maigan amyu ni dai na jang, shanhte kabu gara nga ma ai hte, Madu a mungga hpe shagrau sha-a ma ai, nhtum nwai asak lu la na san da ai ni nlang mung kam sham mat ma ai.

KASA 13:49

Madu a mungga gaw dai mung ting pri chyam bra wa sai.

KASA 13:7

Dai wa gaw Sergiu Pawlu ngu ai myit kunghpan ai munggyi wa a jinghku langai mi rai nga ai. Dai munggyi wa gaw Karai Kasang a mungga madat la mayu nna Barnaba yan Pawlu hpe shi a man de shaga jashawn mu ai.

KASA 13:8

Rai ti mung (Grik ga hku Eluma) mying ai Lakle sara wa gaw munggyi wa Hkristan makam masham hpe n kam n sham n hkap la hkra Pawlu yan Barnaba hpe ninghkap shingdang ma ai.

KASA 15:35

Pawlu yan Barnaba chyawm gaw Antioki mare e matut hkring nga nna manang law law hte, Madu a mungga sharin achyin ya nna, hkaw dan ma ai.

KASA 15:36

Dai hpang nhtoi ram ram na wa jang Pawlu gaw Barnaba hpe, “Madu a mungga hkaw dan da sai mare shagu hkan na kahpu kanau ni kaning rai nga ma ai hpe bai sa kawan yu saga,” nga nna tsun wu ai.

KASA 18:12

Galio gaw Ahkaia mung e munggyi rai nga yang Yuda masha ni masha jahpawng la nhtawm Pawlu hpe rim la nna tara tingnyang a man de woi wa mu ai.

KASA 19:10

Shing rai ni ning tup tsun bawng sharin shaga nga ai rai nna, Asi mung ting hta nga ai Yuda masha ni hte Grik amyu masha ni nlang Madu a mungga na la lu ma ai.

KASA 19:20

Shing rai Karai Kasang a hpung shingkang hte dai Madu a mungga gaw chyam bra wa nna n-gun atsam rawng galu kaba maden jat wa nga ai.

KASA 19:38

Demetri hte shi janghkam manang ni marai langai ngai hte mungga lama ma rawng yang gaw, tara rung hpaw ai nhtoi ni nga ai hte mungdu ni mung nga ma ai; dai kaw mara shagun nna tara dara hkat lu nga ai.

KASA 19:7

Shanhte yawng lasha marai shi lahkawng rai nga ma ai.

KASA 28:7

Ya dai shara hte nau wa n tsan ai shara hta zunlawng up ai Popli agyi kaba wa madu ai lamu ga ni nga shajang nga ai. Dai wa gaw anhte hpe matsan dum ai hte hkap hkalum la nna masum ya tup anhte shi a manam tai ga ai.

KASA 6:10

Rai ti mung Stehpan gaw dai Wenyi e jaw ya ai nyan hpaji hte tsun shaga ai majaw shanhte shi hpe n dang lu mu ai.

KASA 8:25

Shan chyawm gaw, dai Madu a mungga lam sakse hkam nna hkai dan ngut jang Yerusalem mare de bai wa mat ma ai. Shan a wa maga hkrun lam e Samari kahtawng law law hkan dai Kabu Gara Shiga hkaw dan ma ai.