KASA 13:10 - Jinghpaw Common Language Bible 2009

¹⁰ “Nat a kasha e! Nang gaw mai kaja ai lam shagu a hpyen wa rai nga ndai. Nang hta myit magaw hkalem hkalau ai lam yawng hpring nga ai rai nna nang gaw galoi mung Madu a teng man ai lam hpe masu ndum shatai kau ai wa rai nga n hka!

Jinghpaw Hanson Version Bible

¹⁰ “Myit magaw lam yawng hte gumle gumlau yawng hpring nga ai, nat a kasha, dingman ai lam shagu a hpyen wa e, Madu a dingman ai lam hpe hkap shadang na n sim nga n ni?

KASA 13:10 ပူးပေါင်းရင်းမြစ်များ

NINGPAWT NINGHPANG 18:19

Abraham gaw shi a shadang sha ni hte shi a matu mara ni nye a ga hpe madat mara nna ding hpring teng man ai amu hpe galaw ai lam hta shi hkang lu na matu ngai shi hpe lata la ni ai. Shanhte hkan shatup ai rai yang, nye a ga sadi hte maren, shi a matu lam shagu hpe ngai shadik ya na nngai,” ngu nna shi kraw e tsun wu ai.

NINGPAWT NINGHPANG 3:15

Ngai gaw nang hte shinggyim numsha a lapran hta mung, na a amyu matu hte shi a myu matu hpe mung n ju n dawng shangun nna galoi mung gumlau hpyen atai shangun nga na nngai. Shi a amyu matu gaw na a baw hpe abrep nna nang mung shanhte a lahtin hpe achye na ra ai,” ngu nna tsun wu ai.

2 HKAWHKAM LABAU 17:6

Shi gaw dai Madu hpe nawku daw jau ai amu hta awng sharawng nga ai rai nna, tara maigan masha ni a nawku shara ni yawng hte Yuda mung na Ashera karai num a hkrang sumla ni hpe sharun jahten kau wu ai.

HPAJI NINGLI 9:3

Yawng a gam maka gaw langai sha hte maren sha rai nga ai. Dai gaw ndai mungkan ga hta byin nga ai lam hpa hte mung shut nga ai. Shinggyim masha ni ahkrung nga dingsa, shanhte a myit mang ai gaw n hkru nna mana angawk ai hte hpring nhtawm akajawng sha shanhte si mat nga ma ai.

YEREMIA 23:36

Dai rai nna, shanhte gaw, ‘Dai Madu gun ai lit,’ ngu ai ga hpe galoi mung tsun lu na n rai; hpa majaw nga yang, marai langai ngai dai ga tsun a yang gaw, nye a mungga hpe shi a lit teng teng ngai shatai na we ai. Amyu masha ni gaw Chyahtum Chyalai N-gun Rawng ai dai Madu ahkrung nga ai Karai Kasang ngu ai shanhte a Karai Kasang a mungga ni hpe jashai kau manu ai.

HOSEA 14:9

Ndai ka da sai laika hpe hpaji rawng nna chye na hkawn hkrang ai ni kadai mung dai hpe chye nna myit masin hta bang da lu mu ga. Dai Madu a lam ni gaw jaw nga ai rai nna, ding hpring ai masha ni dai hta hkan hkawm ma ai; rai ti mung yubak mara lu ai ni chyawm gaw dai ni hpe hpa n nawn nga ma ai majaw ahtu kataw nga ma ai.

MAHTE 13:38

Hkauna gaw mungkan ga rai nga ai. Kaja ai nli gaw Karai Kasang a Mungdan a kashu kasha ni rai nga ma ai; Tsing gaw dai n hkru ai wa a kashu kasha ni rai nga ma ai.

MAHTE 15:19

Hpa majaw nga yang, myit masin hta na masha sat na, num shaw na, n kaja ai arawn alai lam ni hkan galaw na, lagu na, n teng n man ai sakse hkam na ngu ai n hkru ai myit mang lam ni byin wa ai.

MAHTE 23:13

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.

MAHTE 3:7

Hparishe ni hte Saduke ni law law wa hkalup hkam la na nga nna shi kaw sa wa ma ai hpe Yawhan mu wu yang, shi shanhte hpe, “Pu htum amyu ni e, Karai Kasang kaw na du magang ra ai ari hta na hprawng lawt mat lu myit ga, nanhte hpe kadai tsun shadum da myit ta?,” ngu nna tsun mu ai.

LUKA 11:39

Dai rai nna, Madu gaw, “Nanhte Hparishe ni gaw, nanhte a gawm hte ban hpe shinggan maga de sha kashin jasan nga myit dai, rai ti mung, nanhte a kata maga de gaw, kashun kashe re ai, nammak lawhpa mya lu mya sha ai myit, n hkru n shawp ai myit hte hpring chyat nga malit dai.

LUKA 11:52

“Tara sara ni nanhte dingnye lu myit dai! Hpaji nta hpaw ai sumsaw gaw nanhte kyem tawn da myit htawm, nanhte nan mung n shang, shang mayu ai ni hpe mung, nanhte hkum shingdang da myit dai, ngu mu ai.”

YAWHAN 1:23

Yawhan gaw, “Ngai gaw myihtoi Esaia htawn tsun ai hte maren, ‘Dai Madu a matu shi hkawm sa na lam shading mu,’ nga nna nam e jahtau ai nsen rai nga nngai,” ngu mu ai.

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

KASA 20:30

Nanhte hta na masha nkau mi gaw masu hkalem ai ga tsun nna kam sham ai ni hpe shanhte hpang de lau la ai aten mung du na ra ai.

2 KORINHTU 11:3

Ewa gaw lapu a hpaji rawng ai zai byeng-ya hte masu hkalem hkrum ai zawn, nanhte mung nanhte a myit mang ai lam jahten kau hkrum nna, nanhte a hpring tsup nna san seng ai myit hte Hkristu hta maju jung kam sham daw jau ai lam hpe kau da na myit tsang nga nngai.

GALATI 1:7

Kaja wa nga yang Kabu Gara Shiga kaga mi n nga sai; rai ti mung ndai ya ngai tsun nga ai gaw, Hkristu a Kabu Gara Shiga hpe galai jashai shabyak kau na matu shakut nga ai masha nkau mi nanhte hpe myit ung ang mat hkra sharu shatsang nga ma`ai majaw tsun ai re.

EHPESU 4:14

Dai shaloi anhte gaw masha hpe lam dam hkra masu hkalem chye ai masha ni hpaji daw sharin shaga ai nbung leng kata hta nbung lam galai mat shagu kadau kadap nhting nhtang rai poi lawm mat wa ai ma kaji ni zawn rai sana n rai.

2 PETRU 2:15

Shanhte gaw lam ding ai hpe kau da nna shanhte a lam shamat kau manu ai; shanhte gaw Beora a kasha Balam hkan ai lam hta hkan nang mat masai. Balam gaw n teng n man ai amu galaw nna lu ai shabrai hpe ra marit ai wa rai nga ai.

1 YAWHAN 3:8

Yubak sha naw agalaw shanang nga ai wa kadai rai ti mung, Nat hte seng ai wa rai nga ai, hpa majaw nga yang, Nat gaw shawng npawt kaw nna yubak galaw nu ai. Dai rai nna Nat a amu bungli hpe sharun jahten kau na matu, Karai Kasang a Kasha gaw paw pru wa sai.