KASA 13:1 - Jinghpaw Common Language Bible 2009

¹ Ya Antioki mare na hpung hta e myihtoi ni, sara ni nkau mi lawm nang nga ma ai; Dai ni gaw, Barnaba, shan chyang masha ngu ai Simun, Kureni masha Luki, Herod munggyi a kaji kaw nna rau ram kanawn manang rai nga ai Manaen, hte Shawlu ni rai ma ai.

Jinghpaw Hanson Version Bible

¹ Ya, Antioki mare na Hpung hta e, myihtoi ni, sara ni, nang nga ma ai: dai ni gaw, Barnaba, Nigera ngu ai Simun, Kureni masha Luki, Herod du wa kanawn kanau Manaen hte Shawlu hte rai nga ma ai.

KASA 13:1 ပူးပေါင်းရင်းမြစ်များ

MAHTE 27:32

Shanhte pru sa wa nga ma yang, shanhte gaw Kureni masha Simun mying ai masha langai mi hpe mu hkrum nna, Yesu a wudang hpai ya u ga, shi hpe adip arip di nna hpai shangun mu ai.

LUKA 3:1

Kehta Tiberi hkaw dung ai shi manga ning hta, Yuda mung e Pontu Pilat gaw munggyi aya hta, Galile mung e Herod gaw du aya hta, Ituri hte Trakuni ginwang hta e Herod a kanau Hpilip gaw du aya hta, Abili mung e Lusanu gaw du aya hta, rai shajang nga ma ai.

KASA 11:30

Dai hte maren shanhte galaw nna Dai gumhpraw hpe Barnaba yan Shawlu a lata hte hpung salang ni hpang de shagun dat ma ai.

KASA 12:25

Barnaba hte Shawlu mung shan galaw ang ai amu hpe gun hpai ngut jang Marku ngu ai Yawhan hpe shaga la nhtawm Yerusalem mare de bai wa ma ai.

KASA 13:9

Dai shaloi Pawlu ngu ai Shawlu gaw, Chyoi Pra ai Wenyi hpring let, lakle sara wa hpe yu azi da nna,

KASA 15:32

Yuda yan Sila gaw myihtoi mung rai nga ma ai majaw, shanhte hte aten galu galang ga shaga nna nden marai hte Wenyi n-gun atsam, lu la shangun mu ai.

KASA 15:35

Pawlu yan Barnaba chyawm gaw Antioki mare e matut hkring nga nna manang law law hte, Madu a mungga sharin achyin ya nna, hkaw dan ma ai.

KASA 19:6

Ya Pawlu shanhte a ntsa e lata mara ya jang Chyoi pra ai Wenyi shanhte a ntsa e du nna shanhte laklai ai ga, myu kaga shaga nna Karai Kasang a mungga hpe mung tsun shana ma ai.

KASA 21:9

Dai wa gaw dinghku garai n shang ai hkawn jet mali lu ai. Dai shayi sha ni gaw Karai Kasang a mungga hkaw tsun shabra ai ni rai nga ma ai.

KASA 4:36

Dai shaloi Kupru mung na Lewi masha Yosep ngu ai wa nga ai. Shi hpe kasa ni e Barnaba ngu nna mying hkawt shamying mu ai. (De a lachyum gaw shalan shabran n-gun jaw ai wa ngu ai re)

KASA 9:1

Dai aten ladaw hte yang Shawlu gaw Madu a hpang hkan nang ai ni hpe jahkrit shama ai hte sat kau na nga masin pawt bu nga ai. Shi gaw hkinjawng agyi kaw sa nhtawm,

ROMA 16:21

Nye a shingdep shingtau rai nga ai Timohti hte nye a bawsang, Yuda masha ni rai nga ai, Luki, Yasun hte Sosipata hte gaw nanhte hpe shakram dat ma ai.

1 KORINHTU 11:4

Kadai lasha mung akyu hpyi yang, shing n rai, shawa nawku hpawng hta Karai Kasang a mungga htawn tsun ai shaloi, baw magap nga a yang gaw, tinang a baw a arawng jahpoi nga ai.

1 KORINHTU 13:2

Ngai myihtoi chye htoi ai hte sung ai lam yawng mayawng, chye chyang ai hpaji amyu myu hkum nga ai hte bum hpe jasit kau lu hkra re ai makam masham rawng ti mung, tsaw ra myit n rawng yang gaw, ngai hpa n rai nga nngai.

1 KORINHTU 13:8

Tsaw ra ai myit gaw galoi mung htak mat chye ai n rai; myihtoi chye htoi ai lam rai yang gaw, hkoi mat na ra ai; ga amyu myu chye tsun ai lam rai yang gaw, sim mat na ra ai; chye chyang ai lam rai yang gaw lai mat wa na ra ai.

1 KORINHTU 14:29

Karai Kasang a mungga hkaw tsun na matu shingran hkam la lu ai marai lahkawng masum tsun shaga nna, kaga ni gaw shanhte tsun ai hpe maram masam nga mu ga.

1 KORINHTU 14:32

Myihtoi shingran ga hpe hkaw tsun lu ai chyeju kumhpa hpe jai lang ai hta, hkaw tsun ai mungga gaw hkaw tsun ai wa hkang ai a npu e rai ra nga ai.

1 KORINHTU 9:6

Ngai hte Barnaba an chyu sha lu na sha na, a matu amu galaw lu na rai nga a ni?

GALATI 2:13

Kaga Yuda hpu nau ni mung, Petru hte rau nden marai n rawng ai ni zawn yawng nang mat wa ai majaw, Barnaba pyi gaw shanhte hta lawm nang magang mat wa ai.

GALATI 2:9

Shing rai ngai hpe jaw da ai chyeju hpe mu ma ai shaloi, nawku hpung a daw hpum ningbaw ningla ni ngu ging na n san ai Yaku, Petru hte Yawhan hte gaw Karai Kasang ngai hpe jaw ya sai laksan lit hpe masat masa galaw ya masai; dai rai nna anhte yawng gaw magam gun kanawn manang ni re ai lam kumla madun ai hku nna shanhte gaw Barnaba hte ngai hpe hkra lata matut shakram la mani ai; anhte gaw maigan masha ni kaw magam gun na hte, shanhte gaw Yuda masha ni kaw magam gun na matu myit hkrum da saga ai.

EHPESU 4:11

Shinggyim masha ni hpe chyeju kumhpa ni hpe jaw ya ai Madu mung shi nan rai nga ai. Shi gaw nkau mi hpe kasa, nkau mi hpe myihtoi, nkau mi hpe Kabu Gara Shiga hkaw hkawm ai ni, nkau mi hpe hpung up ni hte sara ni di nna san da shajang mu ai.

HPILIPI 4:22

Nang e nga nga ai Karai Kasang a masha ni nlang hte gaw, nanhte hpe shakram dat ma ai; Kehta Hkawhkam a htingnu na ni gaw grau nna alak mi shakram dat ma ai.

1 HTESALONI 5:20

Karai Kasang a Wenyi shung ya ai hte hkaw tsun ai mungga ni hpe n kaw n law hkum rai myit;