KASA 12:7 - Jinghpaw Common Language Bible 2009

⁷ Akajawng sha, Madu a lamu kasa langai mi Petru a makau pru tsap nna dai gawk hta nhtoi htoi nga ai. Shi gaw Petru a lahpa hpe sa gumhpuk ashun ya nna, “Alawan rawt u!,” ngu nna jasu ai. Shaloi jang hpri sumri ni mung shi a lata na malaw hkrat lu ai.

Jinghpaw Hanson Version Bible

⁷ Shaloi, yu u, Madu a kasa langai mi pru tsap nna, dai gawk hta nhtoi htoi nga ai: shi gaw Petru a garep gumhpuk ya nna, “Alawan rawt u,” ngu nna jasu wu ai; shaloi hpri sumri ni mung shi a lata na malaw mat lu ai.

KASA 12:7 ပူးပေါင်းရင်းမြစ်များ

2 SAMUELA 22:29

Madu e, nang gaw nye a nhtoi rai nga ndai, ngai kaw na nsin hpe nang jahkoi kau ya nga ndai.

1 HKAWHKAM 19:5

Shi gaw hpun npu e galeng taw let yup pyaw nga ai. Lamu kasa gaw akajawng sha shi hpe sa ahtawk let, “Rawt u, shat sha u,” ngu nna tsun wu ai.

1 HKAWHKAM 19:7

Dai Madu a lamu kasa mung bai nhtang sa let lahkawng lang ngu na shi hpe jasu sharawt nhtawm, “Rawt u, shat sha u. Ndai hkrun lam gaw na a matu nau wa rai la na ra ai,” ngu nna tsun wu ai.

SHAKAWN KUNGDAWN 107:14

Shi gaw shanhte hpe nsin tawng hte sin htat ai shingnip kata kaw nna woi shapraw la ai hte; shanhte hpe gyit hkang da ai hpri sumri ni hpe mung, gang di kau ya nu ai.

SHAKAWN KUNGDAWN 116:16

Madu e, ngai gaw na a shangun ma wa rai nga nngai; nye nu galaw daw ai zawn ngai nang hpe daw jau nga na nngai. Nang ngai hpe si ai kaw na hkye hkrang la nit dai.

SHAKAWN KUNGDAWN 146:7

Shi gaw dip gamyet sha hkrum ai ni a hpang maga de, tara dara ya nna; kaw si hkrum ai masha ni hpe lusha shahpa jaw ya nga ai. Dai Madu gaw bawng dung ai ni hpe mung shalawt dat wu ai.

SHAKAWN KUNGDAWN 34:7

Madu hpe shagrau sha-a ai ni hpe shi a lamu kasa ni bau sin nga ma ai; hkrithpa shara kaw na mung, shanhte hpe mawai la nga ai.

SHAKAWN KUNGDAWN 68:6

Garen gari nga ai wa hpe shanu nga na nta shi jaw ya nga ai; bawng dung ai ni kabu gara ai shanglawt ahkaw ahkang lu la na matu, shi woi awn nga ai; rai ti mung, gumlau ai ni gaw akrin akraw re ai lamu ga hta shanu nga na mara ai.

ESAIA 37:30

Dai hpang Esaia gaw Hkawhkam Hezekia gaw, “Ndai gaw byin wa na ra ai lam a kumla langai rai nga ai. Dai ning hte htaning du hkra, nang gaw sha na nsi nhpan hpe sha lu la na rai ndai, rai ti mung hpang shaning kaw nna gaw, nsi naisi ni hpe nang hkai lu nna dai hpe sha lu na rin dai. Sabyi ru ni hpe mung nang hkai nna sabyi si ni di sha lu na ra ai.

ESAIA 60:1

Yerusalem e, rawt u, ajan zawn htoi tu u; Dai Madu a hpung shingkang gaw na a ntsa e htoi tu nga ai!

YEREMIA 40:1

Hpyen luksuk ni a hpyen du Nebuzaradan gaw ngai hpe Rama mare e dat tawn ai hpang, dai Madu gaw ngai hpe mungga tsun wu ai. Ngai gaw Babelon mung de bawng dung hkrum mat wa ai Yerusalem mare masha ni hte Yuda mung masha ni yawng hte rau dai yang e sumri gyit sharen da ai hkrum nga nngai.

EZEKELA 43:2

dai yang e, Israela a Karai Kasang a htoi tu ai hpung shingkang gaw sinpraw maga de nna pru wa ai hpe ngai mu nngai. Karai Kasang a nsen mung panglai hka wu kadu ai nsen hte bung nna ginding aga gaw kabrim ai nhtoi hte htoi tu nga ai.

Daniela 3:28

Hkawhkam wa gaw, “Shadrak, Meshak hte Abednego hte a Karai Kasang hpe shakawn kungdawn mu! Shi gaw shi a lamu kasa hpe shangun dat nna shi hpe daw jau kamhpa nga ai ndai marai masum hpe hkye mawai la nu ai. Shanhte gaw nye a hkang da ai ga hpe n madat ai sha, shanhte a Karai Kasang hta kaga karai shaje kadai hpe mung n gum dagup ai hte n nawku na matu asak dan hkra galaw ma ai.

Daniela 6:22

Karai Kasang gaw hkanghkyi ni a n-gup ni hpe pat kau ya na matu shi a lamu kasa hpe shangun dat wu ai rai nna, ngai hpe machyi shangun lu ai n rai. Madu hkawhkam wa e, ngai gaw hpa mara n kap nga ai hte nang hpe mung n shut kau nngai gaw shi chye nga ai majaw ndai amu hpe shi galaw wu ai,” ngu nna htan wu ai.

MIHKA 7:9

Anhte gaw dai Madu hpe shut hpyit kau saga ai majaw, ya anhte shi a masin kahtet ai hpe aten ladaw langai mi a matu hkam sharang ra nga ga ai. Rai ti mung, jahtum na aten hta, shi gaw anhte hpe makawp maga la na ra ai; anhte shut hpyit kau sai lam ni hpe shajaw ya na ra ai. Shi gaw anhte hpe nhtoi de shapraw dat na ra ai, anhte gaw shi anhte hpe hkye hkrang la na ra ai hpe mu lu na ga ai.

HABAKU 3:11

Na a lawan ai pala ni a kabrim ai hte na a tu gala ai ri tu galam ai a majaw, ajan hte shata hkring nga ma ai.

HABAKU 3:4

Shi gaw htoi tu ai myihprap wan hte sa nga ai; shi a daru magam n-gun makoi rawng nga ai shi a hkra lata kaw na nhtoi wan gala nga ai.

MAHTE 2:13

Hpaji rawng ai ni wa mat ai hpang, dai Madu a lamu kasa langai mi yup mang hta Yosep kaw dan pru nna, “Herod gaw ma hpe sat kau na nga nna tam shangun dat ra ai. Dai rai nna, rawt u, dai ma kaji hte shi a kanu hpe woi nna, Egutu mung de hprawng sa su; ngai nang hpe bai shaga ai ladaw du hkra, dai yang e anga nga su,” ngu nna tsun wu ai.

LUKA 2:9

Shaloi dai Madu a lamu kasa langai mi shanhte a man e dan pru nna, dai Madu a hpung shingkang shanhte a grup yin htoi kabrim wa ai. Dai rai nna shanhte gaw hkrit kaba hte hkrit mat ma ai.

LUKA 24:4

Shing re ai majaw shanhte mau ung ang let tsap nga ma yang, akajawng sha tu kabrim ai bu hpun palawng bu hpun ai masha lahkawng shanhte a man e tsap nga ma ai.

KASA 10:30

Korneli gaw, “Lai wa sai masum ya ngu na nhtoi hta, nye a nta e shana de daw hkying masum daram hta ngai akyu hpyi nga nngai. Dai shaloi akajawng sha tu kabrim ai hpun palawng bu hpun ai wa langai mi nye a man e tsap pru nna,

KASA 12:23

Dai shaloi jang Herod Hkawhkam gaw Karai Kasang hpe n shagrau n sha-a n kaw n law di wu ai majaw dai Madu a lamu kasa shi hpe kadawng taw mat shangun nna kan shingtai byet manu ni e sha nna si mat wa sai.

KASA 12:6

Ya Herod Petru hpe shapraw la na ngu ai shana a shawng shana e Petru gaw hpyen la lahkawng a lapran e yup pyaw nga ai. Petru gaw hpri sumri lahkawng hte gyit da hkrum nna, sin langa ni mung, htawng chyinghka e sin nga ma ai.

KASA 12:8

Bai lamu kasa gaw, “Na a shingkyit kyit nna kyepdin din u!,” ngu wu ai. Shi mung shing di wu ai, bai “Na a nba lawai nna ngai kaw hkan rit!,” ngu wu ai.

KASA 16:26

Shaloi grai ja ai nnang nawn kaba langai mi wa nna, htawng nta npawt nhpang ni awam wa ai, shaloi jang chyinghka ni mahkra hpaw malang mat shajang nna bawng masha ni yawng a hkang hkyihkyang ni malaw mat wa ai.

KASA 2:24

Rai ti mung si hkrung si htan a n-gun atsam kaw na shi hpe raw dat nna jahkrung sharawt nu ai. Hpa majaw nga yang dai si hkrung si htan gaw shi hpe gyit hkang sharen da na n mai nga ai.

KASA 5:19

Rai ti mung, dai shana e Madu a lamu kasa langai mi gaw, htawng chyinghka ni hpe hpaw kau ya nna shanhte hpe shapraw dat let,

KASA 9:3

Ya sa wa yang Damasku mare de shi ni wa magang ai rai nna akajawng sha lamu de na nhtoi shi a grup yin e htoi tu pru wa ai.

EHPESU 5:14

Hpa majaw nga yang, asan sha shadan shadawng da ai arai ni gaw nhtoi tai nga ai. Dai majaw, “Yup pyaw ai wa e rawt u, si ai kaw na bai rawt wa nu; Hkristu gaw nang hpe jahtoi jaw na ra ai,” nga nna tsun ai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

SHINGRAN 18:1

De a hpang e, lamu kasa langai mi sumsing lamu de nna yu wa ai, ngai mu nngai. Shi hta ahkang aya kaba nga nga ai rai nna, shi a hpung shingkang gaw lamu ga ting htoi tu ahkung shangun wu ai.