KASA 12:5 - Jinghpaw Common Language Bible 2009

⁵ Rai ti mung hpung masha ni yawng chyawm gaw Petru a matu mara Karai Kasang kaw aja awa akyu hpyi ya nga ma ai.

Jinghpaw Hanson Version Bible

⁵ Shing rai Petru htawng hta rawng nga ai; Hpung masha ni chyawm gaw shi a matu mara Karai Kasang kaw akroi anoi akyu hpyi ma ai.

KASA 12:5 ပူးပေါင်းရင်းမြစ်များ

MAHTE 18:19

Bai ngai nanhte hpe naw tsun made ga, nanhte hta na marai lahkawng dinghta ga hta e myit hkrum da ai hte hpa lam hpe mung hpyi mu yang gaw, sumsing lamu e nga ai nye Wa gaw shan a matu dai hpe shatup ya na mu ai.

LUKA 18:1

Dai hpang Yesu gaw, tut nawng akyu ahpyi nga mu ga hte myit n hten malu ga, sape ni hpe ga shadawn langai mi hte sharin shaga mu ai.

KASA 12:12

Dai lam dum chye wa ai shaloi, shi gaw Yawhan Marku a kanu Mari a nta de sa wa ai. Dai nta kaw masha tsawmra wa hpawng nna akyu hpyi nga ma ai.

KASA 12:4

Herod gaw Petru hpe rim la nhtawm hpyen la mali mali lawm ai hpyen dap lakying mali a lata de ap ya nna htawng hta bang da mu ai. Herod gaw Shalai wa ai poi ngut ai hpang Yuda shawa ni a man e jeyang ari jaw na myit da wu ai, dai rai nna Petru hpe htawng hta sharen da mu ai.

KASA 12:6

Ya Herod Petru hpe shapraw la na ngu ai shana a shawng shana e Petru gaw hpyen la lahkawng a lapran e yup pyaw nga ai. Petru gaw hpri sumri lahkawng hte gyit da hkrum nna, sin langa ni mung, htawng chyinghka e sin nga ma ai.

1 KORINHTU 12:26

Shing rai daw shan langai mi nji nmu hkrum yang, daw shan kaga ni yawng mung, dai hte rau machyi hkrum ma ai. Daw shan langai mi shakawn shagrau ai hkrum yang, daw shan kaga ni yawng mung rau kabu gara nga ma ai.

2 KORINHTU 1:11

Dai majaw Karai Kasang gaw nanhte a shing rai akyu hpyi ai ga ni hpe htan ya nna anhte hpe shaman chyeju jaw na ra ai. Masha law law mung anhte hkam la ai shaman chyeju a majaw chyeju shakawn shagrau na mara ai.

1 HTESALONI 5:17

N sim n sa akyu hpyi nga mu,

HEBRE 13:3

Nanhte gaw htawng rawng hkrum nga ai ni hte rau htawng rawng nga ai ni zawn shanhte hpe adum nga mu. Tinang ni nan nni nkri hkrum sha nga ai ni zawn, nni nkri hkrum sha nga ai ni hpe adum nga mu.

YAKU 5:16

Nanhte shamai shatsai ai hkrum myit ga, nanhte a yubak mara ni hpe shada da shapraw dan nna, shada da a matu mara akyu hpyi ya nga mu. Ding hpring ai wa a akyu hpyi ai ga gaw shabyin lu ai atsam law law rawng nga ai.