KASA 12:23 - Jinghpaw Common Language Bible 2009

²³ Dai shaloi jang Herod Hkawhkam gaw Karai Kasang hpe n shagrau n sha-a n kaw n law di wu ai majaw dai Madu a lamu kasa shi hpe kadawng taw mat shangun nna kan shingtai byet manu ni e sha nna si mat wa sai.

Jinghpaw Hanson Version Bible

²³ Dai shaloi jang, Karai Kasang a hpung shingkang hpe n tau yu wu ai majaw, Madu a lamu kasa shi hpe ari jaw nna, byet e sha ai hte shi nsa hti mat ai.

KASA 12:23 ပူးပေါင်းရင်းမြစ်များ

2 HKAWHKAM 19:35

Dai Madu a lamu kasa gaw dai shana jang Asuri hpyen ni but nga ai dap de sa wa nna, hpyenla sen mi mun matsat hkying manga hte hpe sat kau wu ai. Hpang shani jahpawt jau jau aten hta dai shara e shanhte yawng si taw nga ma ai!

2 HKAWHKAM LABAU 32:21

Dai Madu gaw lamu kasa langai mi hpe shangun dat nhtawm hpyenla ni hte Asuri hpyen luksuk a du salang ni hpe sat kau wu ai. Dai rai nna hkawseng wa gaw myi man sum let Asuri mung de nhtang mat wa wu ai. Lani mi na aten hta shi a karai a nawku shara hta nga nga yang, shi a kasha nkau mi mahtang shanhte a nhtu ni hte shi hpe sat kau ma ai.

YOBA 19:26

Nye a ahpyi shan ana zinli hte sha kau ai hkrum ti mung, naw ngam nga ai ndai hkum shan hte nan Karai Kasang hpe ngai mu lu na nngai.

YOBA 7:5

Nye a hkum shan gaw byet ni hte hpring nga ai, dai gaw gyi ku ni hte ka-up nga ai; hpye ai ningma ni kaw na matswi ni abyi pru nga ai.

SHAKAWN KUNGDAWN 115:1

O Madu e, na a dinggrin tsaw ra myit hte sadi sahka lam a majaw, na a hpung shingkang gaw nang hta chyu sha, rai sa, nang hta chyu sha, anga nga u ga, anhte hta dai hpung shingkang nga ai n rai.

PRU MAT 10:3

Dai rai nna Mawshe yan Arun gaw hkawhkam wa kaw shang nna shi hpe, “Hebre masha ni a Madu Karai Kasang mahtang, ‘Nang gaw galoi aten du hkra nye a ga n madat na ngu nga n ta? Nye a amyu masha ni hpe sa wa shangun u, shaloi shanhte ngai hpe nawku lu na rai ma ai.

PRU MAT 12:12

“Dai shana jang, Ngai gaw Egutu mung ting de dinghkren mat wa nna masha hte yam nga lahkawng yan kaw na kasha alat shagu hte hpe sat kau nhtawm, Egutu a karai ni yawng hpe mung ari jaw na we ai. Ngai gaw dai Madu rai nga nngai.

PRU MAT 12:23

Dai Madu gaw Egutu masha ni hpe sat na nga, Egutu mung de dinghkren hkawm mat wa ai shaloi, chyinghka hkadun hte hkanoi ni hta arut shakap da sai asai hpe mu jang, Si Du a lamu kasa hpe nanhte a nta de shang nna nanhte hpe sat kau shangun na nngai n rai.

PRU MAT 12:29

Dai Madu gaw shana yup tung e nan Egutu mung na shadang sha alat ni yawng ngu na, hkawhkam tingnyang dung na hkawhkam wa a shadang sha alat kaw nna ga htawng hta bawng dung hkrum ai wa a shadang sha alat kaw du hkra hpe mung, yam nga ni a kasha alat ni hpe mung, sat kau wu ai.

PRU MAT 9:17

Rai tim, nang mahtang myit nau kaba nga ndai rai nna, nye a amyu masha ni hpe dat dat na matu n hkraw nga ndai.

GA SHAGAWP 12:8

Nang zai byeng-ya hpaji hpe chye nga ai wa rai yang, shakawn shagrau ai nang hkrum na ndai; nang angawk ai wa rai yang chyawm gaw masha ni na a ntsa e yu kaji kau na mara ai.

ESAIA 14:11

Nang gaw tingse sumpyi ni hte shagrau sha-a hkrum ga yu nit dai, rai ti mung ya chyawm gaw nang ndai katsan ga e rai nga nit dai. Nang gaw byet panep ntsa e kaleng taw nga ai hte latung nba hte htinggrum da hkrum nga ndai.”’

ESAIA 37:23

Kadai hpe nang n kaw n law di nna asawng kau nga n ni? Nang gaw ngai, Israela a chyoi pra ai Karai Kasang hpe n gawn n sawn di kau nit dai.

ESAIA 51:8

shanhte gaw manut e sha kau ai sumpan zawn tsam mat na mara ai! Rai ti mung ngai la sa ai hkye mawai la ai amu gaw htani htana agrin nga na ra ai; nye a awng padang gaw prat mi hte prat mi agrin nga na ra ai.”

ESAIA 66:24

“Shanhte pru sa wa yang, ngai hpe gumlau ai ni a moi mang ni hpe shanhte mu na mara ai. Dai ni hpe sha ai byet ni gaw galoi mung si htum mat na n rai, shanhte hpe hkru ai wan mung galoi mung kyip mat na ra ai n rai. Shanhte hpe mu ai lam gaw masha yawng mayawng a matu matsat shabat tai na ra ai.”

EZEKELA 28:2

Shi gaw, “Si chye ai masha wa e, Tsaw Htum ai dai Madu ngai nan Turu hkawhkam hpe tsun nga ai ga hpe htawn tsun u: Gumrawng ai hte shakawng shakat nga ndai, karai langai tai na ngu, nang tsun ndai. Nang gaw panglai hka ni shinggrup da ai tingnyang ntsa e karai langai zawn dung na nngai ngu, tsun ndai. Nang gaw karai langai tai lu na zawn nawn nga ndai, rai ti mung, n rai law, nang gaw karai n rai, si chye ai masha sha rai nga ndai.

EZEKELA 28:9

Shanhte nang hpe sa sat kau na matu du sa ai shaloi, nang gaw karai langai rai nga nngai ngu naw tsun na n ni? Masha sat ai ni hte nang hkrum ai shaloi, nang gaw karai nan n rai, si chye ai masha rai na rai nga ndai.

KASA 12:22

Shaloi mung masha ni gaw, “Ndai gaw shinggyim langai mi shaga nga ai nsen n rai, Karai a nsen she rai nga ai!,” nga nna shanhte jahtau ma ai.

KASA 5:19

Rai ti mung, dai shana e Madu a lamu kasa langai mi gaw, htawng chyinghka ni hpe hpaw kau ya nna shanhte hpe shapraw dat let,

2 HTESALONI 2:4

Shi gaw masha ni nawku daw jau nga ai karai ngu ai baw nga manga hpe nhtan shai ninghkap nna, shi hkum nan hpe yawng mayawng a ntsa e hpung shingkang grau rawng ai wa re ngu nna shagrau shatsaw na ra ai. Shi gaw Karai Kasang a Nawku Htingnu kata de pyi sa shang dung nga nna shi hkum dai Karai Kasang re ai ngu nna tsun ndau na ra ai.

1 SAMUELA 25:38

Dai hpang shi ya dang na jang, dai Madu gaw Nabala hpe sat kau ai hte shi si mat sai.