KASA 12:10 - Jinghpaw Common Language Bible 2009

¹⁰ Ya shan gaw shawng na hte hpang na sin ai shara lahkawng lai nna hpang jahtum mare pru ai hpri chyinghka de du jang chyinghka dai mung shi chyu hpaw wa ai, shing rai nna shan pru mat wa ma ai. Mare lam langai mi hta hkawm hkrat wa nga yang, akajawng sha lamu kasa gaw Petru hte hka mat wa ai.

Jinghpaw Hanson Version Bible

¹⁰ Ya shan gaw sin ai shara gap padu lahkawng lai nna, mare de pru ai hpri chyinghka du jang, chyinghka dai mung shi chyu hpaw mat wa ai rai nna, shan pru nhtawm, mare lam langai mi hta hkan sa wa nna, lamu kasa gaw, shaloi jang shi hte hka mat wa ai.

KASA 12:10 ပူးပေါင်းရင်းမြစ်များ

NINGPAWT NINGHPANG 40:3

Yosep hpe sharen da ai dai sin langa ni a du wa a nta na htawng hta e shan hpe sharen da mu ai.

NINGPAWT NINGHPANG 42:17

Dai hpang shi shanhte hpe htawng hta masum ya sharen da wu ai.

ESAIA 21:8

Dai sin langa wa gaw, “Madu e, Ngai gaw nye a sin shara hta shani shana tsap let sin nngai,” ngu nna jahtau tsun wu ai.

BU HKAWM 15:34

Shi hpe jeyang na lam garai n dan n leng nga ai majaw sin yu da ma ai.

YAWHAN 20:19

Sape ni gaw Yuda masha ni hpe hkrit ai majaw, Laban shana nrim rim ai ten hta, nta chyinghka ni la da nna hpawng nga m a ai. Dai shaloi Yesu du sa nna shanhte a ka-ang e tsap let, “Nanhte ngwi pyaw nga myit ga,” ngu nna shanhte hpe tsun mu ai.

YAWHAN 20:26

Dai hpang matsat ya rai jang, sape ni gaw nhku e bai rawng nga ma ai rai nna Htawma mung shanhte hte rau rai nga ai. Chyinghka ni mung la da nga ai; rai ti mung Yesu sa du nna shanhte a ka-ang e tsap let, “Nanhte ngwi pyaw nga myit ga law,” ngu wu ai.

KASA 12:4

Herod gaw Petru hpe rim la nhtawm hpyen la mali mali lawm ai hpyen dap lakying mali a lata de ap ya nna htawng hta bang da mu ai. Herod gaw Shalai wa ai poi ngut ai hpang Yuda shawa ni a man e jeyang ari jaw na myit da wu ai, dai rai nna Petru hpe htawng hta sharen da mu ai.

KASA 16:26

Shaloi grai ja ai nnang nawn kaba langai mi wa nna, htawng nta npawt nhpang ni awam wa ai, shaloi jang chyinghka ni mahkra hpaw malang mat shajang nna bawng masha ni yawng a hkang hkyihkyang ni malaw mat wa ai.

KASA 5:19

Rai ti mung, dai shana e Madu a lamu kasa langai mi gaw, htawng chyinghka ni hpe hpaw kau ya nna shanhte hpe shapraw dat let,

SHINGRAN 3:7

“Bai, Hpiladehpi mare na hpung a lamu kasa hpe ning ngu ka dat u: “Ndai gaw, Chyoi pra ai hte tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa kaw na mungga rai nga ai.