KASA 11:9 - Jinghpaw Common Language Bible 2009

⁹ Sumsing Lamu de na lang mi bai ngoi pru ai nsen gaw, ‘Karai Kasang e san seng ai ngu tsun sai hpa hpe rai tim n san n seng ai ngu hkum myit sawn la et,’ nga nna tsun ai.

Jinghpaw Hanson Version Bible

⁹ Bai lang mi na nsen gaw, ‘Karai Kasang jasan jaseng ai rai hpe n sha mai ai hkum nga et,’ nga nna lamu de na tsun pru ai.

KASA 11:9 ပူးပေါင်းရင်းမြစ်များ

MARKU 7:19

Hpa majaw nga yang, dai gaw shi a myit masin kata de shang wa ai n rai shi a kan kata de shang wa ai hte hkum tsan ai shara de bai pru wa ai,” ngu nna tsun mu ai. (Ndai lam ning nga nna tsun ai hte, Yesu gaw, shat shatmai amyu yawng hpe mai sha nga ai,) ngu nna tsun ndau ai lam rai nga ai.

KASA 10:15

Dai nsen kalang mi bai ngoi pru ai gaw, “Karai Kasang e san seng ai ngu ai arai hpe n san n seng ai ngu nna hpa mung hkum myit la et,” nga nna tsun ai.

KASA 10:28

Shaloi Petru gaw shanhte hpe, “Yuda masha langai mi gaw maigan masha ni hte htinglup htingshang n rai mai ai nga nna shi a nawku htung hta jep da nga ai lam nanhte nan mung chye nga myit dai. Dai rai tim kadai wa hpe mung nawku htung hku nna n ging n dan ai, n san n seng ai ngu nna ngai n mai myit ai lam gaw Karai Kasang ngai hpe madun dan ni ai.

KASA 11:10

Ndai zawn masum lang tup byin ngut ai hpang dai arai yawng hpe sumsing lamu de bai dawm shalun la kau ai hkrum sai.

KASA 11:8

Rai ti mung ngai chyawm gaw, ‘N rai law Madu e! n sha mai ai baw hte n san n seng ai baw ngai galoi mung n sha ga nngai,’ ngu we ai.

KASA 15:9

Madu gaw shanhte hte anhte a lapran e hpa jashai ginhka ai lam n galaw ai sha, shanhte kam sham ai a marang e, shanhte a yubak mara ni hpe raw dat kau ya mu ai,

1 TIMOHTI 4:5

Hpa majaw nga yang, Karai Kasang a mungga hte akyu hpyi ai ga gaw dai hpe shachyoi shapra ya nga ai rai nna Karai Kasang hkap la ging ai shahpa shabyin shatai ya nga ai.