KASA 11:8 - Jinghpaw Common Language Bible 2009

⁸ Rai ti mung ngai chyawm gaw, ‘N rai law Madu e! n sha mai ai baw hte n san n seng ai baw ngai galoi mung n sha ga nngai,’ ngu we ai.

Jinghpaw Hanson Version Bible

⁸ Ngai chyawm gaw, ‘N rai law, Madu e; n sha mai ai hte n san n seng ai baw, ngai galoi mung n sha ga nngai,’ ngu we ai.

KASA 11:8 ပူးပေါင်းရင်းမြစ်များ

HOSEA 9:3

Israela amyu masha ni gaw dai Madu a mungdan hta naw shanu nga lu na mara ai n rai; rai ti mung Egutu mung de nhtang wa nna Asuri mung e hkum pat da ai lusha ni sha na mara ai.

JAW JAU 10:10

Karai Kasang hte seng ai hte shawa lang ai arai hpe mung, san seng ai hte n san n seng ai hpe mung nanhte chye ginhka lu na rai myit dai.

JAW JAU 11:47

Nanhte gaw htung hte maren san seng ai, n san n seng ai dusat amyu ni hta na sha mai n mai hpe sadi sahka hte chye ginhka lu na rai myit dai.

MARKU 7:2

Yesu a sape nkau mi gaw nawku htung lai hku nna n san n seng awu asin re ai ngu ai lata ni hte shanhte a shat sha nga ma ai dai gaw, shawa masha ni hkan sa nang ai Hparishe ni htet da ai htung lai hte maren lata n kashin ma ai hpe ngu ai rai nga ai. (

KASA 11:7

Dai hpang, ‘Petru e, rawt u, sat sha u!,’ nga ai ga ngai na nngai.

KASA 11:9

Sumsing Lamu de na lang mi bai ngoi pru ai nsen gaw, ‘Karai Kasang e san seng ai ngu tsun sai hpa hpe rai tim n san n seng ai ngu hkum myit sawn la et,’ nga nna tsun ai.

ROMA 14:14

Hpa baw sha hpa rai ti mung, de a npawt nhpang sagawn yu yang, nawku htung lai hku nna awu asin re ai lusha re, ngu nna tsun na lam mi n nga ai ngu ai hpe Madu Yesu hta ngai asak hkrung nga ai majaw hkrak chye lu nngai. Rai ti mung masha langai ngai gaw lusha lama ma hpe awu asin re ai nga nna myit nga yang gaw dai arai gaw shi a matu awu asin rai nga lu ai.

1 KORINHTU 7:14

Hpa majaw nga yang, n kam n sham ai madu wa gaw, kam sham ai madu jan a jaw e mung, n kam n sham ai madu jan gaw, kam sham ai madu wa a jaw e mung, shachyoi shapra ai hkrum nna Karai Kasang e hkap la ging ai ni tai wa lu ma ai; dai hku n rai yang gaw, nanhte a kashu kasha ni n san n seng ai maigan kashu kasha ni tai na ma ai; ya chyawm gaw, Karai Kasang e hkap la ging ai ni shanhte tai ma ai.