KASA 11:3 - Jinghpaw Common Language Bible 2009

³ Shanhte gaw, “Nang gaw matu gadoi n hkam ai maigan masha ni a nta hta manam nna shanhte hte rau lu rau sha ndai!,” ngu mu ai.

Jinghpaw Hanson Version Bible

³ “Nang gaw matu gadoi n hkam ai ni a nta shang nna, shanhte hte rau lu rau sha ndai,” nga nna hkap ndang hkat ma ai.

KASA 11:3 ပူးပေါင်းရင်းမြစ်များ

MAHTE 9:11

Hparishe nkau mi dai hpe mu ma yang, shanhte gaw, “Nanhte a sara gaw kang hta ai ni hte rau hpa rai shat pawng sha a ta?,” nga nna shi a sape ni hpe san mu ai.

LUKA 15:2

Hparishe ni mung, Tara sara ni mung, “Ndai wa gaw Yubak kap ai ni hpe hkap la nna, shanhte hte rau lu, rau sha nga ai!,” nga nna aput angun nga ma ai.

YAWHAN 18:28

Bai shanhte gaw jahpawt jau jau e, Yesu hpe Kayahpa kaw nna Pilat a htingnu na tara jeyang ai pretori ngu ai gawk kaba de woi shang wa mu ai. Yuda masha ni gaw tinang a hkum awu asin n hkrum ai sha dai Shalai wa ai Poi sha lu na matu nawku htung a tara hte maren jasan jaseng mayu ai majaw htingnu wang de n shang ma ai.

KASA 10:23

Petru gaw, shanhte hpe nta nhku de saw shaga jashawn nhtawm shana shayup nna manam daw mu ai. Ya hpang shani shi hkyen la nna shanhte hte rau sa wa ai. Yopa mare na kam sham ai ni nkau mi mung shi hte rau hkan nang sa ma ai.

KASA 10:28

Shaloi Petru gaw shanhte hpe, “Yuda masha langai mi gaw maigan masha ni hte htinglup htingshang n rai mai ai nga nna shi a nawku htung hta jep da nga ai lam nanhte nan mung chye nga myit dai. Dai rai tim kadai wa hpe mung nawku htung hku nna n ging n dan ai, n san n seng ai ngu nna ngai n mai myit ai lam gaw Karai Kasang ngai hpe madun dan ni ai.

KASA 10:32

Dai re majaw Yopa mare de marai langai ngai hpe shangun nna Simun Petru ngu ai wa hpe shaga su, dai wa gaw, Nammukdara makau e nga ai shanhpyi Sama Simun a nta e shingbyi ai manam langai mi rai nga ai,’ nga nna tsun ai.

KASA 10:48

Shing rai, Yesu Hkristu a mying nsang hta hkalup hkam la na matu Petru shanhte hpe hkang da mu ai. Shaloi, shanhte hte rau nhtoi tsawmra ya naw hkring nga na shi hpe hpyi ma ai.

1 KORINHTU 5:11

Ya ngai ngu mayu ai gaw, tinang hkum hpe Hkristan hpu nau wa rai nga nngai nga nhtawm me, hpye ai lam hkan ai, nammak lawhpa ai, gawkngu sumla naw ai, shatan nhkan ai; chyaru ya tai ai hte lagu lagut re ai ni hte n kanawn lu na hta n ga, shing re ai wa hte rau dung nna pyi n jawm lu n jawm sha lu na, ngu ai lam rai nga ai.

GALATI 2:12

Yaku shangun dat ai masha nkau mi dai de garai n du sa wa ai shawng e Petru gaw maigan hpu nau ni hte rau shat sha nga ai, rai ti mung dai shangun dat hkrum ai masha ni du sa wa ai shaloi matu gadoi hkam ai ni hpe hkrit kang nga ai majaw maigan masha ni hte rau shat sha nga ai kaw na pru yen mat ai.

2 YAWHAN 1:10

Marai langai ngai nanhte kaw du sa nna dai sharin shaga ai ga hpe n lang a yang gaw, dai wa hpe nanhte a nta ni hta hkum jashawn la mu. Shi hpe, “Ngwi pyaw nga n ga law,” ngu nna pyi hkum tsun myit.