KASA 11:29 - Jinghpaw Common Language Bible 2009

²⁹ Sape ni gaw, Yuda mung na kahpu kanau ni hpang de langai hte langai rai lu ai made karum dat na nga, myit daw dan da ma ai.

Jinghpaw Hanson Version Bible

²⁹ Dai rai nna, sape ni gaw, Yuda mung na kahpu kanau ni hpang de langai hte langai rai lu ai made karum dat na nga, myit shatawng da ma ai:

KASA 11:29 ပူးပေါင်းရင်းမြစ်များ

EZRA 2:69

Shanhte gaw dai amu a matu dang lu ai made shaw mu ai rai nna, aja pawng 1,030, gumhpraw pawng 5,740 hte hkinjawng ni a matu palawng galu 100 lu la nga ai.

NEHEMIA 5:8

“Maigan masha ni a lata de dut kau hkrum ai anhte a Yuda kahpu kanau ni hpe anhte dang lu ai made mari shaw la la rai ga ai. Ya chyawm gaw anhte mahtang nanhte a hpu nau majing ni hpe shanhte a hpu nau Yuda ni hpe nanhte a lata de dut kau dat ya na shadut shagyeng nga myit dai!,” ngu nna tsun we ai. Ningbaw ni atsin sha nga nga ma ai rai nna, tsun na hpa mung n mu tam lu ma ai.

MAHTE 25:17

Joi lahkawng lu ai wa mung dai hte maren ga nna joi lahkawng bai myat la nu ai.

YAWHAN 2:2

Yesu hte sape ni hpe mung, dai poi de shaga da mu ai.

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

KASA 11:1

Maigan amyu masha ni mung, Karai Kasang a mungga hkap la ma ai, nga ai lam hpe kasa ni hte Yuda mung ting hkan na kam sham ai kahpu kanau ni na ma ai.

KASA 11:26

Shi hpe mu jang Antioki de woi wa wu ai. Ya, shan gaw laning mi tup dai hpung masha ni hte rau hpawng nga ma ai rai nna masha law law hpe sharin shaga lu ma ai, sape ni mung Hkristan ni ngu ai mying hpe Antioki mare hta shawng lu la ma ai.

KASA 13:52

Antioki mare na sape ni chyawm gaw, kabu gara ai hte Chyoi Pra ai Wenyi hpring nga ma ai.

KASA 14:20

Rai ti mung, kam sham ai sape ni grup rai tsap nga yang, shi rawt nna mare de shang wa ai, hpang shani e shi gaw Barnaba hte rau Derbe mare de sa mat wa ma ai.

KASA 14:22

Shan gaw, “Anhte gaw Karai Kasang a mungdan hta shang na matu ru yak jam jau law law hpe hkrum hkra lai di kau ra ga ai,” nga nna kam sham ai sape ni myit shangang ya let dai makam masham hta ngang kang grin nga na matu n-gun jaw shadum jahprang ma ai.

KASA 24:17

“Shing rai Yerusalem mare kaw na pru mat wa ai tsawmra ning lai ai hpang, nye a amyu masha ni a matu alu gumhpraw la wa ya na matu dai mare de ngai wa nngai.

KASA 4:34

Shanhte hta ra kadawn ai masha langai mi muk n nga ma ai. Hpa majaw nga yang sun hkauna lamu ga lu ai ni, nta lu ai ni kadai mung, dai dut nna lu ai gumhpraw hpe

KASA 6:1

Ya gade nna yang, Sape ni law htam wa ma ai rai nna Grik ga shaga ai Yuda ni hte Yuda majing ni a lapran e aput angun nga nna ga shai hkat wa ma ai. Grik ga shaga ai Yuda masha ni mahtang shani shagu jai na gumhpraw garan ai hta shanhte a maga na gaida jan ni hpe hprai kau nna shadawng da ya mi ai, nga nna tsun mara ai.

KASA 9:19

Dai hpang lu sha mung sha nna n-gun awai la wu ai. Shawlu gaw Damasku mare e sape ni hte rau tawng marang mi nga nga ai.

KASA 9:25

Shawlu a sape ni chyawm gaw shi hpe woi la nna ka hta bang nhtawm mare bunghku hta hpaw mahka nga ai hku langai mi kaw nna ga de shaya jahkrat dat mu ai.

1 KORINHTU 13:5

tsaw ra ai myit gaw n shawp n kap ai amu n galaw ai, tinang a akyu n tam ai, sinpawt lahtet n nga ai, mara n tam nga ai.

GALATI 2:10

Shanhte gaw anhte hpe matsan mayan ni a ra ai lam hta karum la na matu n malap na hpe sha htet dat mi ai hte ndai lam gaw ngai grai shakut gun hpai mayu ai amu nan rai nga ai.